Мамандықтар әлемінде, мектепалды даярлық сабағы

Мектепалды даярлық сыныбының ұйымдастырылған қызметінің конспектісі

Білім беру саласы: Әлеумет

Пән: Қоршаған ортамен танысу

Өтпелі тақырып: Дені саудың жаны сау

Тақырыбы: Мамандықтар әлемінде

Мақсаты: Еңбектің маңызын және адам өміріндегі барлық мамандықтардың қажеттігін түсіндіру.

Педагогикалық әдс-тәсіл: Әңгімелесу, сұрақ-жауап,ойындар

Ресурстармен қамтамасыз ету: суреттер, әліппе-дәптерғойынға қатысты заттар

Билингвальдық компонент: Дәрігер – врач ,аспаз – повар , сатушы – продавец

I. Ұйымдастырылған оқу қызметінің барысы.

1.Ұйымдастырушылық кезеңі:

Шеңбер: Қуан, шаттан, алақай!

Қуанатын күн келді.

Қайырлы күн!

Қайырлы таң!

Күліп шықты күн бүгін.

II Негізгі бөлім

Сұрақ-жауап:

– Біз бүгін мамандық иелері туралы әңгімелесеміз.

Мектепке келгенде сендерді ең бірінші кім қарсы алды? (Мұғалім).

Мұғалім туралы айтып беріңдерші.

Кез келген адам мұғалім немесе инженер бола ала ма?

– Жоқ. Мұғалім болу үшін мұғалімнің оқуын, инженер болу үшін инженердің, аспаз болу үшін аспаздың оқуын оқу керек.

– Мамандық алу үшін еңбектеніп оқу керек.

Өзекті сұрақ:

– Көз алдыларыңа елестете аласыңдар ма: егер адамдар жұмысқа бармаса, онда не болады? (Аспаз жұмысқа шықпаса, тамақ болмайды. Құрылысшы жұмысқа шықпаса, үй салынбай қалады. Мұғалім мектепке келмесе, ҰОҚ жүрмей қалады).

Әңгімелесу: Мамандық дегеніміз – адамның еңбек қызметінің түрі. Мамандық таңдау да мектеп қабырғасынан басталады. Сондықтан бүгін өзіміз қалаған мамандық туралы өз ойымызды айтамыз.

Дәрігер – емдейді;

мұғалім – білім береді, тәрбиелейді; техниканы программалаушы жұмысы компьютермен байланысты;

аспаз – ас пісіреді, тәрбиеші – тәрбие береді

Билингвальдық компонент: Дәрігер – врач ,аспаз – повар , сатушы – продавец

«Мамандықтар әлемінде» тақырыбындағы балалар күндерінде болашақта өздерінің қандай маман иесі болғысы келетіні жөнінде әңгімелейді.

«Қай маман иесі екенін тап!» ойыны(карточкамен жұмыс)

Әліппе-дәптермен жұмыс.

1-тапсырма. - Мамандықтарды ата

2-тапсырма: Жұмбақтарды шеш.

3-тапсырма: Айсұлудың тапсырмасын орындайды.

Сергіту сәті:

– Саусағым, қайда болдың? Балалармен не істедің?

– Бір баламен жүгірдім, Бір баламен биледім, Бір баламен қыдырдым, Бір баламен ойнадым, Бір баламен секірдім, Достарымды жинаймын, Ойынды бастаймын!

4-тапсырма: «Кім боламын?» ойыны

«Дәрігер», «Дүкен»-сюжеттік ойындар

III Қортынды бөлім: