Мәңгілік елдің мәдени мұрасы тәрбиелік шарасы, 4-сынып

«Рухани жаңғыру» «Ұлы Даланың Жеті қыры» бағдарламасы аясында өткізілген «Мәңгілік Елдің- мәдени мұрасы» атты ауаднық көркемөнарпаздар фестивалі

1-ж: Армысыздар, жүрегін жыр тербеп, сөздің мәйегін өлеңмен төгілдірген ақжарма халқым!

2-ж: Қайырлы күн қадірменді өнер сүйер ағайын! Елбасымыз «Болашаққа бағдар, рухани жаңғыру» атты мақаласында ұлттың кодын сақтай отырып, ұлттық сана-сезімнің көкжиегін кеңейтуді ерекше атап өтті.

1-ж: Өйткені, рухани тарихымыз арқылы ұлттық рухымыз бойымызда мәңгі қалуы тиіс. Мемлекет басшысының Ұлы даланың жеті қыры мақаласын дәріптеу мақсатында киелі шаһар құтты мекен Ақтөбе қаласының 150 жылдығы аясында облыстық халықшығармашылығы орталығы ұйымдастырып отырған «Мәңгілік елдің мәдени мұрасы» атты ауылдық көркемөнерпаздардың облыстық фестивалінің аудандық іріктеу кезеңіне қош келдіңіздер!

Жүрг: Ұлы даланың дүбірі, домбыраның күмбірі рухымызды жанып елімізді еңселі еткен осы ұлттық құндылығымызды қазақтың қасиетті домбырасын қалай ұлықтасақта жарасады. Мәңгілік елдің мәдени мұрасын ауыл өнерпаздары қазақ әнерінің әрбір саласын жаңа заман талабына сай өңделген туындылармен бүгінгі заманауи музыка үндерімен бейімдеп жаңғыртуды мақсат етіп бүгін сіздердің алдарыңызға келіп отыр ағайын!

Жүрг: Рухани азықтармен Отанды сүюді, елін қорғауды халқымыздың шежірелі тарихын қастерлеуді үйрендік, санамыз сәулеленіп, ұлттық рухани тамырдан нәр алдық. Мәдениет тағдыры- қайсар елімнің тарихы. Ұлтты ұлт ететін оның өнері, күйі, жыры, әні. Ұрпақтан-ұрпаққа зерделі ұланы арқылы жеткізіліп келе жатқанына таң қаласың, риза боласың. Бұл біздің бекзаттылығымыздың белгісі. «Салт-дәстүріміз, музыкамыз, әдебиетіміз, жоралғыларымыз бір сөзбен айтқанда ұлттық кодымыз бойымызда мәңгі қалуы тиіс.»

Жүрг: Өркені өскен өр елден

Бақыт пен шаттық көрем мен

Әйтеке би аудан жұртына

Шашайық шашу өнермен

Көңілдің кең сарайын домбыраның шанағына сыйдырар,төгілтер жыр термесі бар, қазағымның өресі биік , өнегесі мол, тоғыз перне, қос ішекті қара домбырасымен алдарыңызға жерлесіміз, белгілі термеші

Жүрг: Ұлы дала елі деп аталатын Қазақстанның «Мәңгілік Ел» жалпыұлттық мәнге ие болуы халқымызды қуанышқа бөледі. Өйткені «Мәңгілік Ел» алаш арыстарының арманы болатын. Сол арманды қуаттаған, біз жас ұрпақтар бақыттымыз! Менің Елім – Мәңгілік-Ел!

Жүрг: Сол арманды қарсы алып, куә болған, біз ұрпақтар, бақыттымыз!

Менің Елім – Мәңгілік Ел !

Біздің ендігі мақсатымыз – «Мәңгілік Еліміздің» бүгінгі болашағын гүлдендіріп, көркейген ғұмырын ұзарту.Сол жолда аянбай тер төгу.

Жасай бер, рухың жаңғырып,

Мәңгілік елім Мекенім менің - мәңгілік.

Ән:

Жүрг: Ақтөбе –республиканың, ал Әйтеке би-Ақтөбе облысының құрамдас бір бөлігі. Елбасы Н.Ә.Назарбаев «Қазақстанның әрбір аймағы өзіндік ерекшеліктермен айшықталады. Өркендеген өңір-әлеуеті мықты мемлекеттің тірегі »-деген болатын. Әрине , Әйтеке би ауданы –экономикалық әлеуеті мол, жер қойнауы өте бай өңір.

Жүрг: Олай болса, қазақтың кең жазира даласында ,Астана-Ақтөбе орналасқан, қойнауы құтты мекеніміз,қазақтың біртуар ұл-қыздарының кіндік қаны тамған, құмы-құт, суы байлық , киелі өңір ұрпақтары, тыңдаушысының жүрегінен орын тепкен , халық арасында кең тараған әндермен танымал болып жүрген «Сударушки» халықтық ансамблін ортаға шақырамыз. қарсы алыңыздар!

1-Жүр: Дүбір десе елеңдеген дарындар,

Қайсарлық бар жүрегінде жалын бар

Баба үнін іні жалғар ертеңге,

Қайран өнер, ескірмейсің бағың бар.

2-Жүрг:Көкіректе жанып жалын отты үміт

Хас өнерді жасын үнім деп біліп

Тайталастан тартынбаған тұлпардай,

Өнер үшін бағын сынау тектілік!

1-Жүрг: Құрметті халайық! Тұяғы тигенге бақыт әкелер Әйтеке бидің маңғаз өлкесі өнердің бақытымен нұрға бөленіп, қуаныш үстінде. Қазақ Елінің асыл мұрасын жалғастырар тарландарымыз өнер бақ құсының томағасын түріп сақадай-сай сияқты. Ендеше сайыскерлерімізді сахна төріне шақырамыз.

1-Жүрг: Талай асулардан биік асыл арманға жеткен Қазақ Елінің бүгінде «Ылдидағы тасы өрге домалады, қосқан аты бәйгеден келді» деп дана халқымыз айтқандай бағалы мансаптық дәрежеде. Оның ішінде біздің өлкеміздің алар асуы, шығар биігі әлі алда. Оған жету үшін бізге рухани қажымас қайрат, Отаншыл ұлттық рух керек. Бүгінгі доданың да парасаттылығы соның дәлелі.

2-Жүрг: Халқымыздың асыл қазынасын халқына өз өнерімен жүрегіне жеткізер талапкерлердің өнерін әділқазылар алқасын таныстыруға рұқсат етіңіздер:

2-Жүрг: Бүгінгі күн-дәстүрлердің шамы қайта жанған күн,

Бүгінгі күн алаулады жыры, әні, күйі арланның.

Әнмен, күймен,асау жырмен ұрандап,

Өнер бүгін қайта жалғандың.

Ендеше өнер додасын жалғастырамыз.

1-Жүрг: Жырың-терме, әніңменен жайқалады қырмызы,

Бабалардың сөнген жоқ-ау жұлдызы.

Жыр тербеген қайқылардың нәрлі үнін,

Жалғастырып келеді әлі ұл-қызы.

2-Жүрг: Сары Батағы әнін салған, Сарышолағы мен Нұрпейісі жырын төккен, Әлимасы мен Таразысы ащы зарын төккен біздің Ақтөбем де бүгін термелетіп жырын төксін, ендеше!

Мәнерлеп оқу

1-Жүрг: Қорқыт күй, қоңыр әуен, сарын қазақ,

Салдырған сол сарынға дарын қазақ.

Бөлейді жүрегіне Күй атасын,

Өртеген, лапылдаған Жалын Қазақ!