Математика еліне саяхат ашық сабағы мектепке дейінгі балаларға

Атырау облысы

Жылыой ауданы

Құлсары қаласы

КМҚК «Аққайың» ясли бақшасы

Тажигалиева Куралай Жолдасовна

Математика еліне саяхат

Мақсаты: 3 көлемінде сандық есептеу дағдысын дамыту, сандарды тура санауға , сандарың көршісін атауды, кеңістікті бағдарлау оң, сол ұғымдарын дамыту. Геометриялық пішіндер туралы білімдерін кеңейту. Апта күндерін атауды үйрету, балалардың тілін дамыту, жұмыстарын жалғастыру, білімге деген құштарлығын арттыру.

Дамытушылық:балалардың білімін дамытатын ойындар арқылы әртүрлі тапсырмаларды орындай отырып, салыстыру, санау, топтау дағдыларын ойын арқылы дамытып санамақ айту арқылы сөздік қорларын молайту, ой-өрісін дамыту.

Тәрбиелік:балаларды тапқырлыққа , ізденімпаздыққа тәрбиелеу. Табиғат пен адам арасындағы қарым-қатынас арқылы татулыққа, бірлікке, еңбек сүйгіштікке тәрбиелеу.

Көрнекіліктер: Сандар, логикалық тапсырмалар, геометриялық пішіндер, кесінділер. Ойыншықтар, үйшік.

Әрекет кезеңдері:

Тәрбиешінің іс-әрекеті.

Балалардың іс-әркеті

Мотивациялық-қозғаушылық:Сабақты ұйымдастыру. Балалар барлығымыз жылулық шеңбер бойына тұрып қонақтармен амандасайық.

Үлкенге де «сіз»

Кішіге де «сіз»

Бәріңізді құрметтеп,

Бас иеміз біз. (Балалар қонақтармен амандасады)

-Барлығымыз бір-бірімізге қарап шашымызды, киімімізді дұрыстап әдеміленейік.

-Енді біз әдеміміз бе?

-Ендеше сабақ оқуға дайынбыз ба?

Қане барлығымыз орнымызға отырайық.

Қызығушылықты ояту:

-Балалар қазір жылдың қай мезгілі?

-Қыс мезгілі.

-Қыс мезгілінде үш ай бар.

-Қандай атаңдаршы?

-Желтоқсан, қаңтар, ақпан.

-Бүгін аптаның қай күні?

-Сейсенбі күні.

Дидактикалық ойын: «Үйшік»

-Қараңдаршы балалар, жазық далада үлкен емес, кіші емес бір үйшік тұр. Сол жазық дала бойымен 1 саны жүгіріп келеді. Үйшікті көреді де есікті қағады. Ешкім дауыс бермеген соң ішке кіреді. Мен осы үйшікте тұрайын деп үйшікке орналасады. Солай 2,3 сандары келіп берілген тапсырманы орындап барлығы бірге тұрады.

Логикалық тапсырмалар:

Аспанда неше күн бар? (1)

Сиырда неше мүйіз бар? (2)

Бағдаршамда неше көз бар? (3)

Осылайша сандар бірге тату-тәтті дос болып тұрады. (сандар қатармен тұрады)

Дидактикалық ойын: «Қай сан жоқ?»

Ойлау қабілеттері арқылы сандарды санау арқылы жоқ сандарды табу.

Сергіту сәті:

1 дегенде тұрайық,

2,3 алақанды соғайық

Оң жаққа бұрылып,

Сол жаққа бұрылып,

Бір отырып, бір тұрып

Біз жүгіріп алайық

Балалар, есікті біреу қағып жатқан сияқты. Естисіңдер ме?