Математикалық сауаттылық пен адами құндылықтар, 8 сынып

Педагогикалық идея

"Адами құндылықты дамытудағы математикалық

сауаттылықтың орны"

Астана қаласы әкімдігінің

«82 «Дарын» мамандандырылған лицейі» КММ

математика пәні мұғалімі

Кулумбетова Гульбарам Аркабаевна

Құндылық – бұл қандай да бір нәрсенің мәнділігі, маңыздылығы, қалаулылығы, пайдалылығы және қымбаттығы. Құндылықтардың әрқайсысы адам баласының өмірлік ұстанымына тікелей әсер-ықпал етіп, жеке тұлғаның мақсаттылығын, сенімдерін, көзқарасын, ұмтылыстарын, өмір сүру түрін еркін таңдай алуын өз бетінше іске асырып, жеке тұлғаның барынша ашылуына мүмкіндік береді.

Бүгінгі таңда әлемде бірінші орында - өмірдегі барлық өзгерістерге тез жауап беру, ақпаратты өз бетінше табу, талдау және қолдану қабілеті. Қолданбалы білім негізінде адамның өмірі мен қызметінің әртүрлі салаларындағы стандартты өмірлік міндеттерді шеше білуі.

«Математикалық сауаттылық – адамның өзі өмір сүріп жатқан әлемдегі математиканың рөлін анықтау және түсіну, дәлелді математикалық пайымдаулар жасау және математиканы қазіргі және болашақ қажеттіліктерді қанағаттандыратындай етіп қолдану қабілеті.

Жүсіпбек Аймауытов: «Сабақ беру – үйреншікті жай ғана шеберлік емес, ол үнемі жаңадан жаңаны табатын өнер» айтқандай, білім беру саласында жұмысымды ұйымдастыруда мына қағидаларды есімде ұстанамын: баланың бойындағы құмарлығын, қызығушылығын жойып алмай, оның алға жылжуға деген табиғи талап-тілектерін, сұраныс пен мұқтаждарын ескеру, шығармашылығын жетілдіру, білімді өз бетінше іздену арқылы алуға қолайлы жағдай жасау, өзін–өзі ұйымдастыру арқылы ойлау дағдыларын дамыта отырып жүзеге асыру. Бүкіл сабақ эмоционалды және оқушыларға жүргізілуі керек. студенттер мен мұғалімдердің шығармашылық күш-қуатына жол беретін интеллектуалдық өрлеу. Мұғалімдер мен оқушылар бір-біріне шығармашылық қуат береді.

Осы орайда өзім өткізген сабақтарыма тоқтала кеткім келіп отыр.

8-сыныпта геометриядан «Көпбұрыш. Төртбұрыштарды зерттеу»тақырыбында алған білімдерін өмірде қолданалу деңгейін бақылау мақсатында тапсырмалар берілді.

№1,3 топқа: Алдарыңызда үй макеті. Үйдің шатырын ұсынылған плиткамен артық шығынсыз қаптау керек. Қажетті өлшемдерді анықтап, плиткаға жұмсалатын қаражатты есептеңіз.

№2-4 топқа Киіз үйдің сыртын жаңарту

Айшаның әжесі киіз үйінің сыртын жаңартқысы келіп, «Шебер» деп аталатын ұлттық қолөнер дүкенінен төмендегідей бұйымдарды сатып алғысы келді, бірақ оларды қалай орналастырғаны дұрыс болатындығын және бағасы қанша тұратындығына ойланыпқалды. Айшаның әжесіне көмектесуіміз керек, ал ұсыныстарыңды ортаға салыңдар.