Математиканы оқытудағы интербелсенді әдістер баяндама

«Тараз қаласы әкімдігінің білім бөлімінің №46 орта мектебі»

коммуналдық мемлекеттік мекемесі

Баяндама

Тақырыбы:

«Математика пәнін оқытуда интербелсенді

әдістерді тиімді пайдалану»

Оқытушы: Арипова М.И.

Тараз-2019ж

«Естігенімді ұмытпаймын, көргенді есте сақтаймын, ал өз ақыл – ойыммен істеген ісімді түсінемін»

Ұлы ойшыл, қытай философы Конфуций

Білім беру жүйесінен соңғы кездері батыл өзгерістер әлеуметтік белсенді, шығармашылығы мол, еркін дамыған, жаңалықты өз бетімен іздеп, оған баға бере алатын интербелсенді, басекеге қабілетті оқушы тәрбиелеп шығару талап етіліп отыр. Мұғалімдердің алдына қойылып отырған басты міндеттердің бірі – оқытудың әдіс – тәсілдерін үнемі жетілдіріп отыру және жаңа инновациялық технологияларды меңгеру.

Мұғалім мен оқушының тең дәрежеде белсенділік пен қабілеттілігін танытатын сабақтарды оқу материалы 90 % - ға дейін игеріледі.

Модульдік оқыту технологиясының бір ерекшелігі - оқушылардың танымдық қасиетін арттырады. Әрбір оқушының әр сабақта үш деңгейде берілген оқу материалдарын таңдау, жазу, көру, айту мүмкіндігі болатындай етіпқұрылады.

Интербелсенді әдістер дегеніміз – қарым-қатынасқа жағдай жасайтын жаңа тәсілдер және оларды сабақта қолдану. Интербелсенді оқу/оқыту дегеніміз – әрекет көмегімен және әрекет арқылы, яғни әрекет жасай отырып үйрену/үйрету.Бұл әдіс – “бірлесе үйрену немесе бірлескен әрекеттер” идеясын басты назарда ұстайды. Яғни: топтық жұмыс және жұптық жұмыс арқылы іске асады.

Интербелсенді әдістерді не үшін қазіргі кезде қолдануымыз маңызды?

Ғалымдардың пікіріне сүйенсек, бүгінде әр адамға дүние жүзіндегі ең ірі кітапханалардың бірі АҚШ Конгресінің кітапханасының қорына пара-пар ақпарат келеді екен. Ал бұл дегеніміз –130 миллионнан астам ақпарат бірліктері.

Олар мына төмендегі ақпараттардан беріледі

470 тілде жазылған 30 млн. кітап

Бүкіл әлемде шығатын миллионнан астам газет атаулары

58 млн. қолжазбалар

4,8 млн. карталар

12 млн. фотосуреттер

2,7 млн. дыбыс таспалары

500 мың микрофильмдер

Және де бұл ақпараттар әрбір 4 жылда 25% -ға ескіріп отырады.

Н.Ә.Назарбаев Л.Н.Гумилев атындағы Еуразия ұлттық университетінде “Инновациялар мен оқу-білімді жетілдіру арқылы білім экономикасына” атты лекциясында “Жеке тұлғаны функционалдық әзірлеу тұжырымдамасынан жеке тұлғаны дамыту тұжырымдамасына көшу жүріп жатыр. Жаңа тұжырымдама білім берудің даралық сипатын көздейді, ол әрбір нақты адамның мүмкіндіктерін және оның өзін-өзі іске асыруы мен өзін-өзі дамытуға қабілеттілігін ескеруге мүмкіндік береді.

Бұл дегеніміз осы ақпараттарды оқушылар өз-өзін дамытуға, өзінің қабілетін дамытуға жұмсауы керек, оған ықпал ететін мұғалімдер. Ықпал ету дегеніміз- ол сапалы білім беру, сапалы білімді интербелсенді әдістерді қолдану арқылы қол жеткізуімізге мүмкіндік бар.

Интербелсенді әдістерді қолдануды елбасымыз өзі қолдап, қазіргі кезде кең қолданысқа түскен деңгейлік бағдарламаны игеру арқылы мүмкіндік туады.

Ол дегеніміз 7 модульді игеру. Олар:

Оқыту мен оқудағы жаңа тәсілдер

Сыни тұрғыдан ойлауға үйрету

Оқыту үшін және оқуды бағалау

Білім беруде АК технологияларды пайдалану

Талантты және дарынды балаларды оқыту

Оқушылардың жас ерекшеліктеріне сәйкес білім беру және оқыту

Басқару және көшбасшылық

Осы 7 модульдің қай-қайсысын қолдансаң да оны іске асыру үшін интербелсенді әдістерді қолдану керек.

Интербелсенді әдістер түрлері:

Кластер (топтау)

Инсерт

Пирамида құру

Т кестесі

Синектика

Бестармақ, бессаусақ

Синквейн (5 жолды өлең)

Блум таксономиясы (бағалау үшін)

Кубизм

Өз таңбаңды жаса

Бумеранг

Қосжазба күнделік

Ментальді карта

SWOT талдау

ЖИГСО

Рефлексиялық эссе

Галереяны шарлау

Мозайка әдісі

Кейін-дейін

Төрт сөйлем тәсілі

Жарнамалау

Деңгейлеп оқыту әдісі оқушының пәнге қызығушылығын арттырады, ой – өрісін кеңейтіп, алған білім дерін шығармашылықпен қолдана білу қабілетін дамытады. Өз бетімен және топпен жұмыс істеуге дағдыланады, танымдық қызығушылығы артады, ауызша, жазбаша тілі дамиды, өзін – өзі оқытып, өзін – өзі бағалайды. Өзара қамқорлық, адамгершілік, қайырымдылық қасиеттері қалыптасады. Бәсекеге қабілеттілігі артады.

Күнделікті сабақта қолданылатын әдіс – тәсілдерге математикалық ойындар, ауызша есептер, шығармашылық тапсырмалар жатады.

Сабақты қайталауға арналған есептер шығаруда ойын арқылы өткізу тиімді. Оқушылар есептерді қызығушылықпен орындайды «Ойлан тап», «Кім жылдам», «Тез есепте» және т.б ойындары ыңғайлы. Деңгейлік тапсырмалар орындау барысында «Білім пирамидасы» ойыны тиімді. Сабақ соңында шығармашылық тапсырмалар берген жөн.…