Мәтін түрлері тақырыбындағы ашық сабақ 4 сынып

Пәннің аты

Қазақ тілі

4 сынып

Байтишкина Жанна Кайратовна

Бастауыш сынып мұғалімі

«Жамбыл жалпы білім беру орта мектебі» КММ

Жамбыл ауданы

Сабақтың тақырыбы

Мәтін түрлері

Мақсаты

Күтілетін нәтиже

Мәтін туралы берілген түсініктерді кеңейте түсу. Мәтін түрлерін бір- бірінен ажыратып, оны дұрыс құра білуге машықтандыру.Оқушылардың шығармашылық қиялын жүйелеу, танымдылық, ойлау, есте сақтау қабілеттерін дамыту.

Мәтінді түсініп оқуға дағдыланады, сөздік қорлары молаяды, өз бетінше ойлай білуге, ізденуге үйренеді; ұйымшылдыққа, достыққа, білімді терең меңгеруге ынталанады. Көркем, ұқыпты, сауатты жазады.

Сабақтың типі: интегралды сабақСабақтың түрі: дәстүрлі емес, ойын-сабақӘдіс - тәсілі: модульдік оқыту технологиясы әдістері, СТО әдістері, ойын элементтері, проблемалық ізденіс, талдау.Көрнекілігі: сабақтың таныстырылымы, бейнежазба, суреттер, қима қағаздар, кесте.

Сабақтың кезеңдері

Мұғалімнің әрекеттері Оқушылардың

әрекеттері

Сыныпта ынтымақтастық атмосфера қалыптастыру

Психологиялық тренинг

«Сағат тілімен достар»

Қызығушылық

ты ояту

- Балалар, бүгінгі біздің қазақ тілі сабағымызға қонақтар келіп отыр. Сондықтан қонақтарымызға сәлем беріп, үш тілде амандасайық.

Cәлеметсіз бе!

Здравствуйте!

Hello!

-Балалар, көңіл-күйлерін жақсы ма?

Сендердің көңіл-күйлеріңді одан да жақсару үшін барлығыңды сағат тілімен достасуға ортаға шақырамын.-Достасу үшін тақтада ілініп тұрған кез келген сағаттың суретін таңдандар. Мен уақыт пен қимылдарды айтып отырамын.

1.Құшақтасыңдар

2. Басынан сипаңдар

3.Иықтарыңды бір-біріне тигізіңдер.

4.Қол ұстасып 3 рет секіріңдер

5.Аяқтың ұштарың қосыңдар

6.Бір-біріне көздеріңді қысыңдар

7.Бір-біріне қол бұлғандар

8.Күлімсіреңдер

10.Арқасынан қағыңдар

12.Жылы тілек айтыңдар.

-Ал енді көңіл күйлерің қандай ?

-Балалар, «Балапан» телеарнасынан

«Квест» деген ойынды көресіңдер

ме ?

-Ол қандай ойын ?

-Бүгінгі сабағымыз қызықты өту үшін біз де сендермен «Квест» ойының ойнаймыз. Ол үшін біз сендермен 3 топқа бөлінеміз.

Қонақтармен амандасады.

Ортаға шығады.

Сағаттың суретін таңдайды.

Әрбір санның жанында жазылған сыныптасының атын оқып, мұғалім

айтқан қимылдарды орындайды.

Топқа бөлу

Өткен тақырыпты қайталау

-Қолдарыңдағы сағаттардың түстеріне қарай топтарға біріге қойындар.

І топ: қызыл сағаттар

ІІ топ: көк сағаттар

ІІІ топ: күлгін сағаттар.

Топ ережелерін қайталау.

-Балалар, топ ережелерін қайталап шығайық.

-Сендерді бүгінгі ойынның шарттарымен таныстырып өтейін.

1.Біздің ойынымыздың соңына дейін жету үшін міндетті түрде барлық тапсырмалар тізбектеліп дұрыс орындалу керек.

2.Тапсырмалар осы сыныптың бойында жасырылған. Бұл біздің суасты кемеміз.Сендер оларды тауып алу керексіңдер.

3.Әрбір дұрыс орындалған тапсырмаға бір маржан беріледі.Белсенділік танытқан оқушыға қосымша мәржан беріледі. Маржан жинау нәтижесінде сабақтың аяғында сендер бағаланасыңдар.

-Барлығына сәттілік тілей отыра, сабаққа белсенді қатысып, жақсы нәтижеге жетуді тілектеспін !

-Балалар, өткен сабақта біз сендермен қандай тақырып өттік ?

Бірінші тапсырма арқылы өткен сабақта алған білімдеріңді қаншалықты есте сақтағандарыңды тексереміз.

Тапсырманы сынып бойынан тауып алу үшін ең алдымен сендер жұмбақтарды шешу керексіңдер.

Сағаттардың түстері бойынша топтарға бөлінеді.

Ережелерді кезектесіп айтып шығады.

Мағынаны тану

Жаңа сабақ

Дәптермен жұмыс

Тақтамен жұмыс

Мәтін түрлерін

тақтаға жазу

Жұмбақтар жасыру.

І топ: Бөлшектерге қара, сана,

Шыққан санды есте сақта.

Кезек келсе жаңылып қалма,

Жалғастырып сен тез ойна. (Домино)

ІІ топ: Шелек қалпақ басында,

Сәбіз екен танауы.

Қыста қардан туатын,

Тауып көрші, сен оны.

(Аққала)

ІІІ топ: Үш көзді батыр.

Жолды аңдып жатыр.

(Бағдаршам)

-Жұмбақтың шешуін сынып бөлмесінде тауып алыңдар.

Бағалау: дұрыс жауап үшін маржан беру.

Логикалық тапсырма

«Ұқсастығын тап»

-Суреттің сыртында тапсырма беріледі:

І топ:

Домино ойыны мен мәтіннің қандай ұқсастығы бар?

Мәтін деген ?

ІІ топ:

Аққала мен мәтіннің қандай ұқсастығы бар?

Мәтінің неше бөлігі болады?

ІІІ топ:

Бағдаршам мен мәтіннің ұқсастығын тап.

Мәтінің неше түрі бар ?

Дұрыс жауаптар үшін топ мүшелеріне маржандар беру.

Сабақтың мақсатын айту.

Балалар, бүгінгі сабақта біз сендермен мәтін түрлері туралы білімдерімізді толықтырамыз. Мәтін түрлерін бір- бірінен ажыратып, ерекшеліктерін анықтап, оларды дұрыс құруға үйренеміз.

-Дәптерімізді ашып бүгінгі күн мен сабақтың тақырыбын жазамыз.

Келесі тапсырманы алу үшін сұрақтарға жауап беріңдер ?

«Лездік сұрақтар»