Мәтін және оның түрлері бойынша сабақ жоспары 4 сынып

Пәні: қазақ тілі Өткізілген мерзімі:

Сабақтың тақырыбы: Мәтін.

Сабақтың мақсаты: а)Оқушылардың мәтін және оның түрлері туралы алған білімдерін

пысықтау, кеңейту.

ә)Әр мәтін түрінің мазмұндық және құрылымдық ерекшеліктерін байқай

білу дағдыларын дамыту.

б) Берілген мәтіндер мен құрастырған мәтіндердің мазмұнына байланысты

адамгершілік қасиеттерін тәрбиелеу.

Сабақтың әдісі:сұрақ-жауап, қайталау, жаттығу.

Сабақтың түрі:аралас сабақ

Сабақтың көрнекілігі:кестелер жинағы,топшама

Сабақтың барысы:

I. Ұйымдастыру бөлімі.

Оқушылардың сабаққа дайындығын қадағалау.

II. Үй тапсырмасын тексеру.

Жаттығуларын тексеру.

Ережелер қайталау.

III. Жаңа сабақ

-Мәтін дегеніміз не?

-Мәтіннің қандай түрлері бар?

*Мәтін – айтылатын ой-пікірдің, шығарманың не солардан үзіндінің қағазға түскен жазбаша түрі.

Мәтін бірнеше сөйлемнен құралады. Мәтін сөйлемдері бір-бірмен мағына жағынан байланысып тұрады.

*Мәтін – жазба тілдің көрінісі, мәтін көркем шығарма, ғылыми әдебиет те болуы мүмкін.

-Мәтіннің қандай өзіндік белгілерімен таныстық?

1.Мәтіннің атауын тақырып деп атайды. Тақырып мәтінде не туралы айтылғанын көрсетеді.

2.Әрбір мәтіннің басталуы болады. Сондықтан оның қалай басталғанына ерекше көңіл бөлу керек. Сондай-ақ кез келген мәтін аяқталады.

3.Мәтін бірнеше бөлімдерден құралады. Әрбір бөлім абзац деп аталады және жаңа жолдан басталып жазылады.

4.Мәтінге жоспар құру үшін:

-мәтінде қанша абзац бар екенін білу қажет;

-әр абзацтағы негізгі сөзді немесе ойды табу керек;

- әр абзацтағы сол сөзді немесе айтылатын ойды бір сөйлеммен жазу керек.

Оқулықпен жұмыс.

1-жаттығу.

Екі мәтінді салыстырып оқы.

-Қандай айырмашылықты байқадыңдар?

2-жаттығу.

Мәтіндерді оқып, әңгімелеу, пайымдау және сипаттау мәтіндерін тап.

1.Әңгімелеу

2.Сипаттау

3.Пайымдау.

*Әр мәтінге ат қой.

*Әңгімелеу мәтінін көшіріп жаз.

3-жаттығу.

Мәтінді түсініп оқу, көшіріп жазу.

Мұны білесің бе?

*Мәтіннен пайымдау мәтіні екенін білдіретін сөйлемдерді табу.

-Өйткені олар бұтақтан бұтаққа секіріп жүреді, ұшуды білмейді.

Мәтінді әңгімелеу мәтініне айналдырып, көшіріп жазу.

4-жаттығу.

Сурет бойынша әңігмелеу мәтінін құрастыр.

5-жаттығу.

Мәтінді түсініп оқы. «Ана».

-Шығарма мәтіннің қай түріне жатады?

IV. Сабақты бекіту. Қорытынды.

Суретпен жұмыс.

V. Бағалау, мадақтау.

Сабаққа белсене қатысқан оқушыларды мадақтап, бағалау.

VI. Үйге тапсырма.

5-жаттығу.

* «Ана» тақырыбында пайымдау мәтінін құрастырып жазу.