Мәтін және оның түрлері бойынша ашық сабақ, 3 сынып

Қысқа мерзімді жоспар

ПәнҚазақ тілі

Бөлімі Жанды табиғат

№ 9-сабақ. Тақырыбы Мәтін түрлері мен құрылымдық бөліктері.

Мектеп: №116 Д. Нұрпеісова жом

Күні: 18.09.2018ж.

Мұғалімнің аты-жөні: Кенжебаева Ф.Е.

Сынып: 3 « Г»

Қатысқандар саны:30

Қатыспаған оқушылар: 0

Оқу мақсаты:

3.2.4.1 өз бетінше мәтіннің тақырыбын және мұғалімнің көмегімен негізгі ойды анықтау;

3.2.1.1 тірек сөздер/көмекші сөздер арқылы мәтін түрлерін (әңгімелеу, сипаттау, пайымдау) және оның құрылымдық бөліктерін анықтау;

3.3.5.1 жіберілген пунктуациялық, орфографиялық, грамматикалық және стилистикалық қателерді мұғалімнің қолдауымен тауып, түзету.

Сабақтың

мақсаты:

Барлық оқушылар:

-мұғалімнің қолдауымен мәтіннің тақырыбын, ондағы негізгі ойды анықтайды;

-тірек сызба мен көмекші сөздер арқылы пайымдау мәтінін анықтайды;

-мұғалімнің қолдауымен жіберілген орфографиялық, грамматикалық қателерді тауып, түзетеді

Оқушылардың көбі:

-мәтіннің тақырыбын, мұғалімнің қолдауымен ондағы негізгі ойды анықтайды;

-көмекші сөздер арқылы пайымдау мәтінін және құрылымдық бөліктерін анықтайды;

-жіберілген орфографиялық, грамматикалық қателерді үлгі/талдау негізінде тауып, түзетеді.

Оқушылардың кейбірі:

-мәтіннің тақырыбы мен ондағы негізгі ойды анықтай алады;

-пайымдау мәтінін және құрылымдық бөліктерін өз бетінше анықтайды

-жіберілген орфографиялық, грамматикалық қателерді тауып, түзетеді

Бағалаукритерийлері

Мәтіннің тақырыбын қояды. Мәтіннің негізгі ойын анықтайды.

Көмекші сөздер арқылы мәтін түрін және құрылымдық бөліктерін анықтайды.

Қате берілген сөздерді түзетіп, сауатты жазады.

Тірек сөздер

Пәндік терминология мен тірек сөздер

Мәтін, пайымдау мәтіні, көмекші сөздер, мәтіннің құрылымдық бөліктері

Сабақта диалог /жазу үшін пайдаланылатын тіл:

Талқылау үшін сұрақтар:

Қыста неліктен құмырсқаның қарны ашпайды?

Сүңгуір иттерді не үшін пайдаланады?

Бала арасын неліктен «еңбекқор жәндік» деп атайды?

Құндылықтар

Табиғатты қорғауға, жануарларға қамқор болуға баулу.

Пәнаралық байланыс

Сергіту жаттығуларын жасау кезінде дене шынықтыру және музыкамен байланыс болады. Ғылымға кіріспе, дүниетанупәнімен байланыс көрініс табады.

АКТ қолдану дағдылары

Оқушылар сабақта мектептегі технологиялардың бірі-компьютер/ноутбуктар қолданады.

Алдыңғы меңгерілген білім

Мәтін. Мәтін түрлері.

Сабақ барысы

Жоспарланған уақыт

Сабақта жоспарланғаніс-әрекет

Ресурстар

Сабақтың басы

5 минут

3 минут

2 минут

(Ө) Ұйымдастыру кезеңі. Оқушылардың зейінін сабаққа аудару.

«Орфографиялық минут» жүргізіледі. Тақтадан төрт сөйлем көрсетіледі. Оқушы әр сөйлемнен бір «орфографиялық түзету» жүргізеді.

Қарыны тойған қозы ойнақтай жөнелді. Танертен салқын болды. Тышқан азықын ініне тастады. Құтжол мектепке деиін еріп барды.

(Ж) «Жауап беретін әріптес»әдісі бойынша бағаланады. Жұмыс дәптеріне сөйлемдерді көшіреді.

Дескриптор:

-Сөйлемдегі қате берілген сөздерді түзетеді;

-Сөйлемдерді сауатты жазады.

Сабақ тақырыбы және оқу мақсаттары таныстырылады. Оқушыларға бағалау критерийі айтылады.

Қағаз қиындылары,

маркерлер,

жұмыс дәптері

Сабақтың ортасы

25 минут

7 минут

3 минут

5 минут

7 минут

3.2.4.1 (МК;Т)Топқа бөліну.Мәтінді түсініп оқу. Мәтіннің тақырыбы мен негізгі ойды анықтау.

1.Әр топқа қысқа мәтін беріледі (мәтін компьютер/ноутбоктен көрсетіледі). Оқушылар мәтінмен танысады. Оқушылардың топтық жұмысы ұйымдастырылады.

1-мәтін. Жайын - жалқау балық. Ол екі ұртындағы ұзынша келген мұртшаларын құрт тәрізді жыбырлатады. Себебі оны балықтар құрт екен деп жемекші болғанда, аңдып тұрған жайын оларды жеп үлгіреді. Демек жайындар жемін осылайша аулайды.

(«Жануарлар туралы» энциклопедия)

2-мәтін. Сүңгуір тұқымды иттер болатынын білесің бе?Олар суда жақсы жүзіп, сүңги алады. Сол себепті оларды адамдарды судан құтқару үшін арнайы үйретеді. («Иттер туралы» энциклопедия)

3-мәтін. Құлагер – жылқының аты. Сол себепті Құлагер сөзі бас әріппен жазылады. Демек ереже бойынша кісінің аты-жөні, жер-су аттары, жан-жануарларға қойылған атаулар бас әріппен жазылады.

2.Жұмыстарын топта жариялап, дәлелдеулер жасайды.