Мектеп мақтанышы туралы дене шынықтыру мақаласы

Қостанай обылысы, Әулиекөл ауданы, Құсмұрын бекеті

№ 28 Құсмұрын орта мектебінің дене шынықтыру мұғалімі Ивышева Эльмира Қияққызы

« Мектеп мақтаныштары»

Елбасымыз Н.Ә.Назарбаев:

« Біз ХХI ғасырдың қазақтардың шыңдап бағы жанатын ғасыры болуы жолында қай жағынан да көсегесі көгерген халықтардың қатарына қосылуы жолында бәріне де тәекел ете алуға тиіспіз. Сондықтан да елімізге бойында ата- бабамыздың ел мен жерге деген сүйіспеншілік қасиетті дарыған, егеменді елімізге аянбай қызмет ететін, ой – өрісі кең, алғыр да жүректі, сауатты да сау азаматтар қажет!» дегендей салауатты өмір салтын ұстап, оны әрбір ұрпақ бойына сіңіру қажет.

Өсіп келе жатқан балалардың ой – өрісінің, дене құрлысының дұрыс жетілуіне, мінез – құлықтарының жас ерекшеліктеріне сәйкес қалыптасуына кері әсерін тигізіп отырған факторлар аз емес. Бұған мысал ретінде қазіргі бей – берекет көрсетіліп жатқан шетелдік сериалдар мен компьютер ойындары, басбұзақылыққа бет бұру сияқты келеңсіз көрністерді атап айтуға болады. Жас ұрпақты осындай өрескел қылықтардан сақтандыра отырып тәрбиелеу, салауатты өмір сүру қағидасын үйрету қазір бірінші кезекте тұрған мәселе екендігі айдан –анық. Осыған орай ата- ана, мектеп ұжымы, қоғамдық ұйымдар, мекемелер бірлесе жұмыс жүргізуі қажет деп есептимін.

Қазір әрбір қалада,аудандарда спорт мектептері баршылық. Біздің мектепте әртүрлі спорт үйірмелер жұмыс істейді. Волейбол, баскетбол, теннис, футбол, жеңіл атлетика, тоғызқұмалақ, дойбы, шахмат. Біздің мұғалімдердің басты міндеті оқушылардың спортқа деген қызығушылығын артырып және икемділігіне қарай өз таңдауын жасауға бағыттау.

Осы орайда спортпен айналысып,мектебіміздің абыройын асырып жүрген бірқатар оқушылар, жетістіктері не тоқталып өтуді жөн көрдім. Оқушылардың спортқа деген қызығушылығын аудандық және обылыстық спорттық жарыстардан көруге болады. Атап айтсақ , спорттық ойын футбол ойынын жақсы көрмейтін бала жоқ. Біздің Әлиев Тимур бастаған футболисттеріміз аудандық жарыстарда жеңісті оңайлықпен бермей, 1 орын алып, мақтау қағазымен марапатталды. Осы аталған футбол командасы облысқа дейін барып өз шеберліктерін көрсетіп жүр. Бұл команда құрамында: Аудандық жарыстарды капитан: Әлиев Тимур « Жақсы ойыншы» атағына ие болған спортшымыз, Қасымханов Самат « Үздік қақпашы» атағына ие болды.