Мектеп үйлестірушісінің бағалауды ұйымдастыруы

№2 ҚОСЫМША

Мектеп үйлестірушісінің іс- әрекеті

Әр мектепте директордың орынбасарлары критериалды бағалауды үйлестіреді, мектептегі критериалды бағалауды енгізу, қолдануға жауап береді (критериалды бағалау бойынша мектеп үйлестірушілері). Мектеп үйлестірушілерінің іс-әрекетіне мектептегі қалыптастырушы, жиынтық бағалау рәсімдерін, үдерістерін үйлестіру, ұйымдастыру жатады.

Мектеп үйлестірушілерінің міндеттері:

Нормативтік және әдістемелік құжаттардағы өзгерістерді қадағалайды, педагогикалық ұжымда таныстыру жұмыстарын жүргізеді, мұғалімдерді дер кезінде ақпарттандырып отырады.

Мектеп үйлестірушісі қалыптастырушы, жиынтық бағалау рәсімдерін жүзеге асыруда мұғалімдерге әдістемелік қолдау көрсетуді қамтамасыз етеді. Бағалаудағы озық тәжірибиелермен алмасужа және/немесе жетілдіруде коучингтер, оқу семинарларын өткізеді. Аудандық үйлестіруші ұйымдастырған іс-шараларға белсенді қатысады. Тәлімгерлік арқылы мектеп мұғалімдерінің өзара әрекеттесуіне жағдай жасайды.

Мектеп үйлестірушісі сабақта қалыптастырушы бағалауды қолдану тәжірибиесінің тиімділігіне жүйелі талдауды қамтамасыз ету үшін сабақты үнемі бақылайды. Бақылау нәтижесіне сәйкес әдістемелік бірлестік жетекшілеріне және мұғалімдерге оқу үдерісінде қалыптастырущы бағалау рәсімдерін жүзеге асырудың реттілігі мен дұрыстығына қатысты сындарлы (констуктивті) кері байланыс ұсынады.

Мектеп үйлестірушісі әдістемелік бірлестіктердің кестелерін есепке ала отырып мектепте оқу жылында өткізілетін жиынтық бағалаудың кестесін жасайды. Тоқсандық жиынтық бағалауды өткізу материалдарын құрастыруды, сараптама жасауды ұйымдастыруға жауап береді.

Мектеп үйлестірушісі бағалаудың дәлдігін, дәлдігін, әділдігін қамтамасыз ететін балл қоюды стандарттау мақсатында әр тоқсан соңында жиынтық бағалау жұмыстарын модерациялауды ұйымдастыру және өткізу үдерісін басқарады.

Мектеп үйлестірушісі жиынтық бағалаудың балдарын қою кезеңінде арнайы кестесіне сәйкес мұғалімдердің балл қою үдерісіне қатысты мониторинг жүргізеді. Электрондық журналдың толтырылуын жүйелі түрде қадағалайды.

Мектеп үйлестірушісі тоқсанның соңында білім алушылардың нәтижелеріне талдау жасайды, есепті рәсімдейді және аудандық үйлестірушіге жібереді.

Мектеп үйлестірушісі бағалау рәсімдерін жүзеге асыру аясындағы мұғалімдердің, білім алушылардың, ата-аналардың қажеттілігіне қатысты ақпаратты өңдейді, жинақтайды, талдау жүргізеді. Аталған ақпаратты аудандық үйлестірушіге ұсынады.

Мектеп үйлестірушісі тоқсан барысында білім алушылардың ілгерілуі туралы ақпараттың ата-аналарға жеткізілуін ұйымдастырады және қадағалайды. Критериалды бағалауға қатысты сұрақтар бойынша ата-аналармен түсіндіру жұмыстарын жүргізеді.

Мектеп үйлестірушісі бағалауға қатысты әртүрлі шараларды ұйымдастырады және өткізеді. Ол басқар мектеп үйлестірушілерімен белсенді өзара әрекеттестікте болады.