Мектеп жасына дейінгі балаларды дамытудағы дидактикалық ойындар

Мектеп жасына дейінгі балаларды дамытуда дидактикалық ойындардың тиімді пайдалану

Қазіргі заманның талабы- әрбір балаға сапалы білім беру. Сондықтан да мектепке дейінгі ұйымда оқыту үрдісінде түрлі педагогикалық әдіс-тәсілдермен жүйелі түрде балалардың шығармашылық ойлауын дамытып, белсенділігін дамытады.

Баланың негізгі іс-әрекеті -ойын. Бала ойын ойнап қана қоймай, осы ойын арқылы білім алып, жан-жақты тұлға ретінде дамиды. Ойын балалардың оқу қызметіне деген ынтасын арттыратын құрал. Сондықтан да балалар оқу қызметінде ойынды көп қажет етеді.

Балалардың қызығушылықтарын тудыратын, ынтасын арттыратын, тілін дамытатын ойын әрекетінің ең негізгі түрінің бірі-дидактикалық ойындар.

Дидактикалық ойын – оның аты айтып тұрғандай, баланың ақыл - ойын дамытып, таным түсініктерді ажыратудағы әдістердің бірі. Ойын арқылы оқыту – мектеп жасына дейінгі кезеңнің, негізгі ерекшелігі. Білімді меңгеру және оны бекіту үшін, дағды мен әдет қалыптастыруда балаға қайталау және жаттығу қажет.

Дидактикалық ойынды қолдану үшін педагогикалық шеберлік қажет. Дидактикалық ойынды оқу қызметінде қолданғанда оның мынадай шарттарға сәйкес болуын қатаң ескеру қажет:- ойынның балаларға беретін білімдік және тәрбиелік мәні болуы;- баланың жан-жақты дамуына, танымдық қызметінің артуына әсер етеді;- өтіліп отырған материалдарға қызығушылығын туғызуы;- сабақтың мақсатын іске асыруда оқушыларға қажетті білік пен дағдыны қалыптастыруға көмектесетіндей болуы тиіс;- тілдік материалдарды салыстыра алуы және қорытынды жасай білуі;- балалардың қоршаған ортамен таныстырудағы ролі болуы.

Ойынның көмегімен қандай тапсырманы орындайтынын анықтап алу, алдын ала дайындау, түсінікті, анық, баланың жас ерекшелігіне сай болуына мән беру керек. Дидактикалық материалдар,іріктеу бағдарлама талаптары бойынша жүргізіледі.

Дидактикалық ойын кезіндегі баланың психологиялық ерекшелігіне тоқталсақ, олар ойланады, эмоциялық әсерге бөленеді, белсенділігі артады, ерік қасиеті, қиялы дамиды, мұның бәрі баланың шығармашылық қабілеті мен дарынын ұштайды. Ойын барысында балалар дүниені тани бастайды, өзінің күш жігерін жұмсап, сезімін білдіруге мүмкіндік алады, адамдармен араласуға үйренеді. Сондықтан, мұндай ойындар ойнау балалардың ойлау, қабылдау, еліктеу қабілеті және заттардың түрін, түсін, көлемін ажырата білуін дамыта түсу үшін өте қажет. Дидактикалық ойындарда міндетті түрде екі бала қатысатын ойындар түрін пайдаланған тиімді. Балаларға тапсырмалар ойын түрінде беріледі,…