Мектеп жасындағы балаларды еңбекке баулу туралы мақала

Мектеп жасындағы балаларды еңбекке

баулудың маңызы

С.А Конебаева бастауыш сынып мұғалімі

№ 12 орта мектеп

Маңғыстау облысы, Ақтау қаласы, Мұнайлы ауданы

Бұл мақалада мектеп жасындағы

баланың тәрбие, еңбек, адамгершілік пен рухани

байлық ,денсаулық тәрбиесінің негізі жайлы

қарастырылған

Жас ұрпақ тәрбиесі - адамзаттың мәңгілік тақырыбы. Ұлттың бүгіні де, болашағы да тәрбиелі ұрпаққа байланысты. Баланың шын мәнісіндегі адам болып қалыптасуы қыруар уақыт пен тер төгетін, зор еңбекті қажет ететін ауқымы кең, жауапкершілігі мол жұмыс. Ұлы Абай: Адам ата – анадан туғанда есті болмайды: естіп, көріп, ұстап, татып ескерсе дүниедегі жақсы – жаманды танидыдағы сондайдан білгені, көргені көп болған адам білімді болады, десе француз педагогы Жан Жак Руссо: Бала туғанда ақ қағаздай болып туады, оның үстінде шимайды қалай салсан қағаз бетіне солай түседі, бала тәрбиесі сол сияқты өзің қалай тәрбиелесең, ол солай тәрбиеленеді деген екен.

Елімізде болып жатқан әлеуметтік экономикалық, рухани өзгерістер мектеп ұйымнан бастап, оның ішінде ұлттық тәлім- тәрбие беру саласында өзіндік ықпал жасауы заңды құбылыс.

Қазіргі таңда әрбір ұстаздың еңбек ету барысындағы ең бірінші мақсаты, ол нарық сұранысына төтеп беретін, әр түрлі жағдайдағы қоғамға бейімделе алатын ұрпақты дайындауда, тәрбиелеумен қатар еңбекке баулу туралы айтқым келіп отыр.

Мектепте бала тәрбиелеу кезінде, тәрбие берумен қатар балаларға құзыреттілікті дамыту қажет. Мектеп кезігнде тәрбие мен оқыту- баланың жас шамасын және өзіндік ерекшеліктерін ескере отырып, оның жеке адам ретінде қалыптасуы мен дамуына жағдай жасайтын Қазақстан Республикасының үздіксіз білім беру жүйесінің бірінші деңгейі. Құзыреттілік дегеніміз- тұлғаның бойында білім, дағды, білік, іскерлік, ерік, күш –жігердің болуы. Құзыреттілік жаңа әлеуметтік- экономиялық жағдайда бейімделуі қамтамасыз етеді. Көптеген елдерде құзыреттілікке жаңаша мән беру білімді жоғары дәрежеге көтергені мәлім. Өмір талабына сай жаңа технологияларды оқу процессі мен тәрбие аясында шебер қолдана білу әрбір әдіскер мен ұстаздың міндеті болса, оқушының жан – жақты дамытуда құзыреттіліктерін калыптастыруда еңбектің аса зор мәні бар екені айқын.

Адамның дамуы дене, психикалық және әлеуметтік жетілу, пісу процессі болып табылады да, туа біткен және өсекеле бойға сіңген қасиеттердің, сандық және сапалық өзгерістердің бәрін қамтиды.…