Шығармашылық еңбекке баулу туралы мақала 7-сынып

Оқушыларды шығармашылық еңбекке баулу.

Ақбұзауова Феруза Жарлапесовна.

Жамбыл облысы Тұрар Рысқұлов ауданы Қаныш Сәтпаев орта мектебінің көркем еңбек пәнінің мұғалімі.

ХХI ғасыр тәуелсіз еліміздің дүние жүзілік өркениетке өрлеу ғасыры. Білім жүйесі қоғам дамуы мен бірге дамып, үнемі өзгеріп отырады. Білім саласы елімізде кенжелеп қалмас үшін жаңа ұғым, тың тәсілдер, жаңа ұғымдар қажет.

Адамзат баласының қол жеткізген ұлы игіліктерінің барлығы- білім мен тоқу арқылы жасалған. / 1. 3 бет /

Адамзат баласының қол жеткізген ұлы игіліктерінің барлығы оқу мен білім және ерен еңбектің арқасы. Елбасы жолдауы білім саласын назардан тыс қалдырған емес. «Қазақстан әлемдегі түрлі сынақтарға төтеп беріп, қарқынды экономикалық дамуға бет алды». «Жүз нақты қадам» Ұлт жоспары аясында біз реформаларды жүргізіп келеміз. Рухани жаңғыру бағыты бойынша кешенді іс-шаралар жүргізілуде.

«Рухани жаңғырудың» мән-мағынасы – Ұлттық мәдениетіміз бен идеологиямызды одан әрі дамыту./ 2. 2 бет/

Қазақстан Республикасының білім жүйесін сапалы түрде қайта құру кезеніңде дүниежүзілік білім жүйесіне ену үшін әлемдік білім жүйесіндегі озық тәжірибелерді жинақтап, сұрыптап, оның тиімді тұстарын енгізу қажет болып отыр.

Қазіргі заман мұғалімі - ізденімпаз ғалым, нәзік психолог, жан-жақты шебер, тынымсыз еңбекқор, терең қазыналы білімпаз, кез-келген ортаның ұйытқысы болу керек.

Қазақ халқы - салт-дәстүрлі ел, мықты әрі тұғыры биік ел. Дана халықтың өзі жасаған дәстүрді үйрету, жалғастыру отбасы мен ұстаздың міндеті. /3.115 бет/

Білім алушыларды ұлт дәстүрін сақтай отырып, заманауи дизайн талаптарына сай бұйымдар жасап үйретуді басты мақсат етіп қойдым. Сондықтан жас ерекшеліктерін ескере отырып , 5,6,7,8-сыныптарға арналған авторлық бағдарламалар жасадым.

5 сынып қыз балаларына арналған «Қолөнер әлемі» авторлық бағдарламасын ұсынып отырмын. «Қолөнер әлемі» бағдарламасымен биылғы 2017-2018 оқу жылдарында қолданып жатырмын.

Бағдарламаның мақсаты: Жас ұрпаққа халқымыздың асыл мұра болып келе жатқан ұлттық қолөнер бұйымдары мен жаңа дизайн талаптарына сай бұйымдарды көркемдеп өңдеу әдістерін меңгерте отырып, шығармашылыққа баулу.

Бағдарламаның міндеттері:

Оқушыларды бәсекеге қабілетті еңбекке баулу;

Оқушының шығармашылық қабілеттерін арттыру;

Оқушыны пайдалы еңбекке баулу;

Өмірдегі әсемдікті ұғынуға ұмтылдыру;

аяқтауға дағдыландыру;

Еңбек және өнер адамдарын құрметтей білуге тәрбиелеу.

Жасалған бұйымдарды дизайн мен сәндік қолданбалы өнердің талаптарына сай сәндей білуге үйрету.

«Қолөнер әлемі» курс бағдарламасы 5 сынып қыз балаларына оқушы компоненті бойынша технология пәніне қосымша оқу курсы ретінде ұсынылып отыр.

Бағдарламаның ерекшелігі өтілетін тақырыптар жалпы оқу бағдарламасында қамтылмаған және оқушылардың жалпыеңбектік білім алып, кәсіби өзін-өзі анықтауы мен еліміздің әлемдік қоғамдастықта бәсекелестікке қабілеттілікке бейімделуіне мүмкіндік жасайды.

Егер жастар білімді, жауапкершілікті таңдап алса, онда олармен бірге табыс та ілесіп жүреді. / 4.369 бет/.Сондықтан еңбектерінің жемісін көргенде жастар талпынады, қызығушылықтары артады.