Мектепке дейінгі балаларға арналған жаратылыстану сабағы

Технологиялық карта

Күні:

Білім беру саласы: Таным

Бөлімі:Жаратылыстану

Тақырыбы: «Не қайда өседі» (суреттерді қарастыру)

Мақсаты: Өсімдіктер әлемнің түр-лілігі туралы білу

Міндеттері Өсімдіктер әлемнің түрлілігі және оның тіршілік ортасымен байланысы, кейбір өсімдіктердің өсетін орны туралы түсінік беру (бау-бақша, саябақ, бақша, орман).:

Сөздік : Тәжірибе жасау, әңгімелеу,түсіндіру сұрақ- жауап.

Билингвалды компонент: Бақша-сад, өсімдіктер-растения, су- вода, күн- солнце.

Көрнекілік:Суреттер, хрестоматия, дидактикалық материалдар.

Кезеңдері:

Тәрбиешінің әрекеті

Баланың

әрекеті

Мотивациялық

Қозғаушы

Кезең:

Ізденіс

Ұйымдастыру

Кезеңі:

Шаттық шеңбері:

Шеңбер болып тұрайық жылы жүзбен,

Бізге келсін қуаныш, нұр іздеген.

Шуақ толған жанымыз, жүрегіміз

Үлгі алсын көрген жан мына бізден.

- Балалар, біз бүгін ұйымшылдықпен «Өсімдіктер әлеміне саяхат» жасап көрейікші, қанекей бәріміз дайынбыз ба?

Ғажайып сәт.

Топқа үсті басы кірқожалақ болған Дымбілмес кіреді. Қолында жас талдан сындырған бұтағы бар:

- Сәлеметсіздер ме балалар? Мен сендерге қонаққа келдім. Мені қонақ қыласыңдар ма?

-Жоқ мен бұдан сендерге рогатка жасап беремін. Болмайма екен?

-Балалар, дұрыс айтасындар ағашты сындырып табиғатқа жамандық жасауға болмайды. Оны біз қорғап, аялауымыз керек.

- Дымбілмес, сен бізбен бірге бол, «өсімдіктер әлеміне» бірге саяхат жасаймыз. Көп нәрсені үйретеміз.

- Жарайды.

Жұмбақ:

" Қолы жоқ, аяғы жоқ-қозғалады, аузы жоқ- тыныс алады, қоректенеді", Бұл не болды? Дұрыс таптыңдар, жарайсыңдар

- Балалар, өсімдіктер қайда өседі?

- Өсімдіктердің адам өміріндегі маңызы қандай?

-Өсімдік өсу үшін не керек?

Біздер бау бақшада, ағашта өсетін өсімдіктердің қай мезгілде пісіп, қай мезгілде жинап алатынын көру үшін саяхатқа барамыз.Саяхатқа барғанда кедергілерден: судан, көпірден, қысқа ирек жолдардан өтеміз. Көктем, жаз, күз мезгілдеріне кездеседі. Көпірден өтіп, балалар назарын горшокте өсіп келе жатқан гүлге аударады.

-Балалар өсімдіктер өсу үшін не істейміз?

Бүршік жарып келе жатқан ағаштардың суретін көрсету. Олардың жапырақтары, көшеті, мұртшалары бар. Сабағы тарқылы көбейеді. Өсімдіктердің иісі болады, гүлдейді, жеміс береді. Олардың өсуіне жарық, ауа, ылғал қажет.

Шығармашылық жұмыс:

Балалар біздің табиғат бұрышымыздағы бөлме гүлдерімізді суаратын кез де келіпті. Қанекей бөлме гүлдерін арнайы таяқшамен қопсытайық, суарайық, жапырақтарын сүртіп тазалайық.