Мектепке дейінгі мекеме әдіскерімін тақырыбындағы эссе

Мен мектепке дейінгі мекеме әдіскерімін.

Мамбетова Дина Асановна

Байзақ ауданы Түймекент ауылдық оkругі «Ақжар» бөбекжай-бақшасының әдіскері

Менің өмірдегі бақытым – жүрек қалауымен балалармен жұмыс жасау, олардың қуанышы мен күлкісінен нәр алу. Мен 1973 жылы 20 қыркүйек күні дүниеге келдім. 1980 жылы 1 сыныпқа бардым. 1990 жылы 10-сыныпты аяқтап, Абай атындағы педагогикалық училищесінің мектепке дейінгі бөлімін 1992 жылы аяқтадым. Мен өз қызмет жолымды сол балабақшада тәрбиешілік қызметінен бастадым. Баламен жұмыс жасаудың үлкен бақыт екенін сезіндім. Ал қазір мен осы балабақшада әдіскерімін. Әдіскер болу жай ғана мамандық емес. Ол – адам бағдарын жасаушы, келешек ұрпақтың сәулетшісі. Бұл сөздің астарында әдіскер мамандығының үлкен жауапкершілік иесі екендігі айқын айтылып тұрғандай. Бала тәрбиесі, оның ішіндегі балабақшадағы сәбилерді тәрбиелеу – үлкен мәртебе. Ақын ағамыз М.Жұмабаев айтқандай «Тәрбие – адам баласын кәміл жасқа толып, өзіне-өзі қожа болғанша азық беріп өсіру» деген екен. Сондықтан біз балаларымыздың болашағына, тәрбиесіне жауапты жандармыз.Педагог маманы мен дәрігерді салыстырып көрелік. Дәрігер баланы тексеріп алмай, диагноз қойып қателесуіне құқысы бар ма ? Жоқ, құқысы жоқ. Сол сияқты, педагог маман да баланы, алдын ала зерттеп алмай оған тәрбиелеу мен дамыту әдістерін қолдана алмайды.

Мектепке дейінгі ұйымдардағы жұмыстардың басты бағыты: оқу тәрбие процесін жүйелі жоспарлау, жаңа инновациялық технологияларды ендіре отырып – балаларды дамытудың тиімді жолдарын қарастыру. Міне, осындай жұмыс жүйесін балабақшада қалыптастырудамыз. Мектепке дейінгі мекеменің педагогтары Республикалық «Өрлеу», «Нұр болашақ» ғылыми зерттеу орталықтарының ұйымдастырған жаңа технологияларды меңгерту курстарына қатысып білімдерін жетілдіріп жатыр. Мен өз ісімді шеберлікпен атқарып, тәрбиешілердің заман талабына сай білімдерін жетілдіріп, шығармашылықпен жұмыс жасауына қолымнан келгенше көмектесуге тырысамын. Ата-аналар да өз баласының тәрбиесімен білікті мамандардың айналысқандарын қалайды. Тұңғыш ағартушы педагог Ы.Алтынсарин «Күнәнің ең үлкені – бала жанының нәзік пернелерін дұрыс сезіне алмайтындарда» деп бала тәрбиесіндегі басты тұлға ұстаздарды өз ісіне үлкен жауапкершілікпен қарауға шақырған.

Мына формада мамандардың шеберлігін арттыру жұмыстары жүргізіледі.

Педагогтарды міндетті біліктілік арттыру курстарына жіберіп, білімдерін жетілдіру.