Мектепке дейінгі педагогтерге арналған эссе

Менің кәсіби ұстанымым

Тәрбиеші – күннің сәулесіндей шашылған нұрдың қызметшісі, ол бала жаны мен тәніне, бүкіл болмысына ақылдың дәнін себуші, тынымсыз күн шуағын шашатын жалын иесі. Ол келешек ұрпақтың санасына иба мен имандылық, үлкенге құрмет, кішіге ізет, мейірімділікке баулу сынды адами қасиеттерді қалыптастырушы ұлы тұлға. Көл жағасында көл ағысын бақылай отырып, қай жерде балық аулау тиімсіздігін сезсе сол тұсқа көп тұрақтамайтын балықшы іспеттес, тәрбиеші де өз ісінің хас шебері. Өйткені, бала жанын түсіну, ұғыну ата-ана тәрбиесінен соң, тікелей осы мамандықтың құзырында. Енді қаланып келе жатқан ғимаратты одан әрі мықтай берік ете білу тек ең білікті құрылысшының қолынан келетін іс, сол секілді енді буыны қатып келе жатқан жас ұрпақтың санасына білім нәрімен қоса тәлім-тәрбие атты танымдарды насихаттаушы ол тәрбиешінің ғана қолынан келетін іс. Тәрбиеші мамандығы дегенде менің ойыма оралатыны бала тәрбиесін жақсы жаққа, өнегелі іске бағыттау, ал содан соң, оның жанының бағбаны, саясы болу, яғни балаға психологиялық тұрғыдан көмек беру. Елбасымыз Н.Ә.Назарбаев айта кеткендей «Келешегіміздің келбетті, болашағымыздың баянды болуы бүгінгі жас ұрпаққа тікелей байланысты» демекші жастардың сапалы білі

Көптеген мамандықтардың ішінде жан-жақты шеберлілікті, ерекше мейрімді, балажандылықты қажет ететін мамандық – тәрбиеші мамандығы. Олай дейтінім, тәрбиеші баланы жан-жақты жетілдіріп, қызығушылығын арттырып, баламен жақын қарым-қатынаста болса келешекте бала қоғаммен белсенді араласады.

Тәрбиеші ізденгіш болуы, ойлай білуі, қандай істі болмасын, бар ынтасымен атқара білуі керек деп ойлаймын. Жаратылысынан өзіне айтылғанның бәрін жете түсінген, көрген естіген және аңғарған нәрселерін бәрін жадында жақсы сақтайтын, бала тәрбиесін бірінші орынға қойған тәрбиешілер деп білемін. Тәрбиеші – балабақшадағы бақша деп алып, келген бала гүл болса, онда сол гүлді баптап, күтіп барлық жәндіктер мен құстардан қорғайтын бағбан. Балаға бағыт-бағдар, тәлім-тәрбие бертін отбасынан кейінгі екінші анасы. Топтағы әр баланың бір ашылмаған сыр, құпия секілді. Әр баланың мінезі алуан түрлі, оларды түсіп білу керек. Тәрбиешілер елдің ертеңгі азаматтарын тәрбиелеуші. Өйткені, жас ұрпаққа қазыналы да бай ана тілі – қазақ тілін анасынан кейінгі…