Мектепке дейінгі ұйымдарда серуен ұйымдастыру жинағы

Зеренді ауданы

«Бөбек» сәбилер балабақшасы.

Өздік жұмысы:

Орындаған тәрбиеші: Мыңжанова Г.К.

Мазмұны

I.Кіріспе.

II. Негізгі бөлім

2.1 Серуен және оны ұйымдастыру жолдары.

2.2 Серуен бөліктері: табиғатпен танысу, еңбек және ойындар.

2.3 Балабақшада серуенді ұйымдастыру және бақылау

III.Қорытынды

IV.Қолданылған әдебиеттер

I.Кіріспе

Қазіргі таңда адамзат ауасын жұтып,суын ішіп отырған табиғат Ананы қорғап,аялау барша жұртқа тіршілік қамы,табиғи қажеттілік.Сондықтан да бүлдіршіндерді айналадағы табиғи ортамен үнемі қарым-қатынаста болуға үйрету, олардың ұғымдарын қалыптастыру, табиғатқа деген жанашырлыққа тәрбиелеу қазіргі балабақшадағы тәрбие ісінің өзекті тармақтарының бірі болып табылады.Табиғатпен таныстыру - балалардың танымын дамытудың басты құралдарының бірі. Балабақшадағы тәрбиенің мақсаты - табиғатты аялап,оны қамқорлыққа алып күту,табиғат жөнінде қарапайым білім бере отырып,тірі және өлі табиғаттағы құбылыстар жөнінде қарапайым ұғымдар қалыптастыру. Мұнда балалардың қоршаған орта жөніндегі ұғым түсініктерін байытатын жалпы және нақты ғылыми мәліметтер алуының маңызы зор. Табиғатпен таныстыру барысында "Табиғат бүкіл тіршілік атаулының алтын ұясы, тал бесігі, өсіп өнер мекені" екендігі жөнінде нақты түсініктер беріледі. Мектеп жасына дейінгі балалардың тірі және өлі табиғатқа деген сүйіспеншілік қарым- қатынасын тәрбиелеу мақсатында табиғатпен таныстыру, яғни табиғатты қорғау - экологиялық тәрбие мен білім беру жұмыстары арқылы жүргізіледі.Мектеп жасына дейінгі балаға экологиялық тәрбие беру маңыздылығ

II. Негізгі бөлім:

2.1 Серуен және оны ұйымдастыру жолдары.

Серуен – әр күн тәртібінде орны ерекше шара.

Табиғат бала санасында терең із қалдыра отырып, оның сезімінің көптүрлі, ашық болуын қамтамасыз етеді.

Бала табиғат дыбыстарын тыңдай отырып, өзін жаңалық ашқыш жан ретінде тануына көмегін тигізеді.

Ол шегірткенің, торғайдың шырылын естіп, қардың ұсақ ұлпалардан, таңғажайып суреттен тұратындығын өзі ғана бірінші сезгендей, ал бұлбұл құс тек өзіне ән салып тұрғандай қабылдайды.

Табиғатпен таныса жүріп, бала байқампаз, сақ, аңғарымпаз болуға үйренеді. Балалармен жануарлар мен өсімдіктер туралы, машиналар мен адамдар туралы, ауа – райы құбылыстары туралы сөйлесе жүру керек.

Балабақшадағы серуен күн тәртібінің бір бөлігі болып табылады.

Ол негізігі бес бөлімнен тұрады:

Бақылау, жеке жұмыс, қимылды ойын, табиғаттағы еңбек және еркін ойындар.

Бес бөлім бірін – бірі толықтырады.

Серуен арқылы балаға айнала қоршаған орта туралы толық мағлұмат беруге болады.

Бала ауа – райын, табиғатты, күнді, желді, топырақты, ағаштар мен жануарларды, құстарды бақылай отырып, білімін жетілдіреді, өзі үшін жаңалық ашады.

Балабақшада серуен дайындықсыз өткізілмеуі тиіс. Олар танымдық мақсатқа құрылып,

қызықты өткізілуі керек.

Тәрбиеші жоспарлау барысында ақпараттық материалдарды кеңінен қолданғаны жөн.

Олар төмендегі мақсаттарды жүзеге асыруға бағытталуы тиіс:

балалардың ой – өрісін кеңейту;

алған білімді ойын және ауа – райын дербес бақылау уақытында қолдана білуге үйрету.

шығармашылық қиялын, фантазиясын, есте сақтауын, зейінін, тілін дамыту;

табиғат құбылыстарына деген қызығушылықтарын қолдау;

ересектер мен серіктерін мұқият тыңдай білуге тәрбиелеу;

туған табиғатты сүюге тәрбиелеу;

алғашқы экологиялық түсініктерін қалыптастыру.

Серуеннің құрылысы. Кез келген серуен балалардың түрлі іс – әрекеттерінен, атап айтқанда бақылау, жеке жұмыс, қимыл – қозғалыс және дидактикалық ойындар, еңбек, дербес ойыннан тұрады.

Практикалық бөлік. Бірдей жас ерекшелік топтарында қызмет ететін тәрбиешілер бірнеше топқа бірігеді.

Олар серуен бөліктерін ескере отырып жоспар құрады.

Тәрбиешінің бақылау нысанына қатысты айтатын сөзі, ойналатын ойын, жеке жұмыстар толығымен ашылады.

Педагогтар бір – бірін өз жобаларымен таныстырады.

Теориялық бөлік. Мектепке дейінгі балалар айнала қоршаған әлемге таңдана қарайды, алайда олар көп нәрсені байқамайды, кейде тіпті ең басты нәрсені де көрмеуі, байқамауы мүмкін.

Егер тәрбиеші балаға көрсетіп, қызыққан затын түсіндіріп таныстырар болса бала көп нәрсені білер еді.

Балаларда мұндай мүмкіндікті ұйымдастырылған серуен береді.

Әр серуен кезінде бала жаңа нәрсемен танысады, бұрынғыларын меңгереді.

Балаларды табиғатпен таныстыруда: өлі табиғат, тірі табиғат, өсімдіктер әлемі, жануарлар әлемі және табиғаттағы еңбекке мән берген жөн.

Серуен көркем сөз арқылы жүргізіледі. Сондықтан тақпақтар мен өлеңдер, жұмбақтар, әңгімелер қолдану серуенді ажарландыра түседі.

Практикалық бөлік. Қысқы серуенде көркем сөз қолдану. Әр топтың екі тәрбиешісі бірігіп осы кездегі жыл мезгіліне сәйкес табиғат құбылыстары туралы өлең – тақпақ, жұмбақ, жаңылтпаш, мақал – мәтел, халық даналығын айтады.

Теориялық бөлік. Серуен барысындағы қимылды ойындар мен қозғалыстар, балалардың денсаулығы мен өзін сезінуіне үлкен әсерін тигізеді. Ережеге бағынатын ойындарды қажетті атрибуттар қолдана отырып ойнату мінез – құлықтары әртүрлі болып келетін балаларды біріктіруге, ұжым болып достасып ойнауға мүмкіндік береді.

Педагогтар өздері серуен кезінде қолданатын нәтижелі ойындармен таныстырады.

Серуенді ұйымдастыруда төмендегі жағдайларға көңіл аудару керек.

Жер үлескісінде ойындар ұйымдастыруға жағдай жасау.

Серуенді балалардың денсаулығына нығайтудың ең маңызды құралы ретінде кеңінен қолдану.

Балалардың киімі мен аяқ киімінің ауа райына сай болуы.

Балаларға жекелей ықпал ету /әлсіз, шапшаң, қозғалысқа аз түсетін/

Балалардың қимыл – қозғалысы әрекетін тыныш әрекетпен іскер реттеуге алу.

Балалар өмірімен денсаулығын қорғау техникалық қауіпсіздіктің талаптарын сақтау.

Серуенді өткізу деңгейін көтеруде.

Серуенге бөлінетін уақытты азайтуды болдырмау;

Серуеннің құрылысын сақтау;

Балаланың үнемі бос болмауын ұйымдастыру қажет.

2.1.Балабақшада серуенді ұйымдастыру және бақылауМектепке дейінгі кезеңде бала қоршаған ортаны танып біледі. Баланың табиғатты танып білуге деген қызығушылығын оята отырып, педагог оны табиғатпен таныстырып қана қоймай, оны түсінуге, өсімдіктер мен жануарларды қамқорлауға, табиғаттың сұлулығын сезіне білуге үйретеді.Қарапайым экологиялық түсініктерді меңгерту баланың қоршаған орта нысандарына танымдық қызығушылығын арттырумен тығыз байланысты. Баланың танымдық дамуы ойын барысында, табиғи нысандар мен құбылыстарға бақылау жасау, заттарды қарап, зерттеу кезінде, табиғат пен табиғат күнтізбесіндегі ауа - райы жағдайына бақылау нәтижелерін айта білу, еңбек және басқа да әрекеттер барысында жүзеге асады.Мектепке дейінгі балалық шақ кезеңінде баланың танымдық дамуы эмоционалдық қарым - қатынастар арқылы қалыптасады. Әрбір жеке бала - қоршаған ортаны қызығушылықпен қабылдайтын кішкентай зерттеуші. Бала белсенді әрекеттерге талпынады. Сондықтан да бақылау мен зерттеу сияқты әдістер балаға неғұрлым жақын болып табылады.Көрнекті психолог С. Л. Рубинштейн бақылауды баланың ойлау қабілетін дамытатын мағыналы қабылдаудың нәтижесі деп қарастырады. Бұл жерде бала табиғи нысандар мен құбылыстарда

Серуен түрлері (өтілу орнына қарай):1. Балабақша аумағында;2. МДМ - нің территориясынан аулаққа жаяу серуен (ересек топтар 2 километрге дейін)Балалар киіміне қойылатын талаптарБаланың киімі жыл мезгіліне сай және баланың ыссылап немесе тоңуына жол бермейтіндей, ауа - райына сәйкес болуы керек;Температура +3 тен - 3°С аралығында болған жағдайда баланың киімі (іш киімді қосқанда) 3 қабаттан тұруы қажет. Сырт киім жылы күртеше, шалбар немесе гамаж; аяқтарында жылы бәтеңке;Температура - 4 пен - 10°С аралығында…