Мектепке дейінгі заттық кеңістіктік дамытушы орта

№1 «Еркетай» Алға бөбекжай балабақшасының тәрбиешісі))

Узакбаева Айгерим Абайкызы

Мектепке дейінгі ұйымдарда заттық-кеңістік дамыту ортасын құрудың маңызы

Біздің еліміздің болашағы ̶ бүгінгі жас бүлдіршіндер. Олардың қазіргі заманауи технология дамыған дәуірде жан-жақты жетілген тұлға болып өсуі ̶ білім беру ұйымдарының алдында тұрған басты міндет.

Мектеп жасына дейінгі балаларды қазіргі қоғамға сай тәрбиелеу үшін оларда алдымен дұрыс дағды, қабілет қалыптастыруымыз қажет. Мектепке дейінгі ұйымдарда заттық-кеңістік дамыту ортасын жүйелі түрде ұйымдастыра білу ̶ ең тиімді шешім. Заттық-кеңістік дамыту ортасы балалардың жан-жақты белсенділігін арттырады. Айналасындағы құрбы-құрдастарымен комуникация құруға, қоғамға бейімделуіне ықпал етеді. Зерттеушілік, қызығушылық, танымдық, сыни ойлау қабілеттерін дамытады. Сұлулыққа, әсемдікке сүйіспеншілігін оятып, мейірімді, жанашыр, қамқор болуға тәрбиелейді. Физикалық дағдыларды жетілдіруге бағытталған ойындар балалардың дене бітімінің дұрыс жетілдіріп қана қоймай сонымен қатар, рухани жағынан бойына қуат сіңіреді. Сауықтыру шаралары– салауатты ұрпақ қалыптастырудың неігізі.Ойыншықтар мен материалдардың балаға қауіпсіз, қолжетімді болуы балалардың өз идеяларын жүзеге асыруға, өз бетінше еркін ойнауына мүмкіндік береді.

Заттық-кеңістік дамыту ортасын құруда мыналарды ескеру қажет:

-Үлгілік оқу бағдарламасынын іске асыруды қамтамасыз ету;

-балалардың жас ерекшеліктеріне сай болуы;

-ерекше білім беруді қажет ететін тәрбиеленушілер үшін қолжетімді болу;

-транформацияланатын;

-балалардың психо-эмоционалдық көңіл-күйіне жағымды әсер етуі(демалыс және оңаша ойнауына жағдай жасалуы);

-балаларды қызықтыра алатындай алуан түрлілігі, көркем болуы;

-балалар мен ересектердің бірлесіп орындайтын іс-әрекеттерге және бала өздігінен ойнауына ыңғайлылығы.

Балалардың дұрыс дамуы үшін жиһаз бен жабдықтар баланың бойына, жас шамасына сай, қауіпсіз, тартымды болуы керек. Қолданыстағы материалдар сапалы және үлгілік оқу бағдарламасына сәйкес үнемі жаңартылып отырылуы қажет.

Ересектер тарапынан дұрыс құрастырылған заттық-кеңістік дамыту ортасында бала өзін еркін сезіне алады. Енді жетіліп келе жатқан бала бойында жалпы адами және ұлттық құндылықтар бойын сіңеді. Кітап бұрыштарында ̶ білімге, сюжетті-рөлді ойындар бұрышы ̶ болашақ мамандыққа, ұлттық бұрыш⸺өз ұлтының тарихын білуге, салт-дәстүрге құрметпен қарауға баулиды.

Мұндай ортада бала үйлесімді тұлға болып жетіледі.