Мен атама тартқанмын тақырыбындағы көркем әдебиет сабағы

Білім беру саласы: Қатынас

Бөлімі: Көркем әдебиет

Тақырыбы: «Мен атама тартқанмын»

Мақсаты: «Мен атама тартқанмын» өлеңімен таныстыру. Өлеңді тыңдату, үлкен адамның айтқан нақыл сөздеріне көңіл бөлу. Қазақтың мақал – мәтелдеріндегі ұлағатты сөздерді айтқызу. Өлең шумақтарын айта отырып, ойлау қабілеттерін және тілдерін дамыту. Үлкенді сыйлауға тәрбиелеу.

Күтілетін нәтіже:

Жасайды: Суретке қарап әңгіме құрайды, сұрақтарға жауап береді.

Түсінеді: Өлеңнің мазмұнын, кейіпкерлердің мінезін, кейіпкерлердің мінезін сипаттауды түсінеді.

Қолданады: Жақсы қасиеттерді айтады

Көрнекіліктер: Өлең мазмұнына сәйкес суреттер

Сөздік жұмыс: Атама тартқанмын

Билингвальды компонент: Ата-дедушка

ҰОҚ барысы:

1.Ұйымдастыру кезеңі:

Балалар шеңбер бойына тұрып, өлең жолдарын қайталап, қимыл жасайды.

Достарды біз қолдаймыз,

Қиын шақта қорғаймыз.

Біздің топта ұл-қыздар

Тату-тәтті ойнаймыз.

Негізгі кезең:

-Балалар бүгінгі оқу қызметінде Әдібай Табылдының «Мен атама тартқанмын» өлеңімен танысамыз.

Өлеңді оқып беру.

Мен атама тартқанмын

Домбырасын қолға алып,

Ән салады аташым.

Күй тартқанда толғанып,

Қызығына батасың.

Мен атама тартқанмын,

Өнегесін аламын.

Домбырамен тартамын,

Шырқап әнін саламын.

Өнер қуған баламын,

Мен атамдай боламын.

Сөздік жұмыс: Атама тартқанмын

Билингвальды компонент: Ата-дедушка

Сұрақ –жауап

-Өлеңде не туралы айтылған?

-Та нені қолға алды?

-Ата не істейді?

-Бала кімге ұқсағысы келеді?

-Сен атаңды жақсы көресің бе?

-Сенің атаң қай жерде тұрады?

-Сен атаң сияқты болғың келеді ма?

Сергіту сәті:

Кім үлкенді сыйласа,

Кім үлкенді сыйласа.

Үлкен болған кезінде,

сыйлы болмақ өзіде.

(Балалар өлеңге сәйкес қимылдар жасайды)

Қорытынды бөлімі:

Суретте кімдер бейнеленген?

Атасы мен немересі не тұралы сөйлесіп отыр деп ойлайсыңдар?