Мен көшбасшымын дөңгелек үстелі

Балдәурен Республикалық

оқу-сауықтыру орталығы

Түркістан облысы

Төлеби ауданы

Өскенбаева Балнур

Мақсаты: Жоғары сынып оқушыларының көшбасшылық қасиеттерін аша білу, бүгінгі қоғамдағы көшбасшының рөлін анықтап, дәріптеу. Білімді, дарынды, озық болуға тәрбиелеу.

Күтілетін нәтиже: Көшбасшылық қабілеттің өлшемдерін біледі. Көшбасшылық қабілеттің сапасын анықтайтын сауалнама жасайды. «Мен үшін Көшбасшы кім?» тақырыбында постерде жұмыс жасайды. Өзін – өзі бағалайды, өзінде төмен болған қабілеттерді дамытуға әрекет жасайды.

Өткізілу түрі: дөңгелек үстел, пікір алмасу.

Іс-шараның барысы:

№1 Слайд Іс-шараның атауы: «Мен көшбасшымын!»

Жүргізуші: Сәлеметсіздер ме, құрметті оқушылар және қонақтар?

Бүгінгі біздің іс-шарамыз «Мен көшбасшымын!» деген тақырыпта өрбігелі отыр. Әңгімемізді бастамас бұрын мына кіріспе бейне сюжетке назар аударайық.

Бейнебаян «Көшбасшылық - кәсіби дамудың қуатты көзі»

Жүргізуші: Көшбасшы (ағылшынша leader – басқарушы деген мағына білдіреді) – бұл басқа

адамдарды, олардың ниеті қандай болғанына қарамастан, өзі қалаған нәрсені

жасауға көндіре алатын адам болып табылады, сонымен қатар топтағы адамдардың

қасиеттері мен қабілеттерін қолдана отырып, оларды көшбасшы мақсатын іске асыруға

бағыттай алады. Көшбасшылықты әдетте ақыл, сауаттылық деңгейі, сенімділік пен

әлеуметтік қатысу, әлеуметтік-экономикалық статус түсініктерімен байланыстырады.

Көшбасшы міндетті түрде беделді тұлға болуы керек, алайда сонымен қатар басқа да маңызды қасиеттер де бар. Олардың ішінде басты қасиеттердің бірі – қасындағы адамдармен қарым-қатынас жасай алуы, ол әдетте сенімділікпен қатар жүреді.

Ең алдымен ол психолог бола алуы тиіс. Адамдармен сөйлесу, қарым-қатынас жасау арқылы оларды іске, қызмет етуге ынталандыру кезінде оның гумандылығы байқалады. Айналадағы адамдарға әсер ете алатындай көшбасшы болу тек оның еркі мен қолда бар билігіне ғана тәуелді болмайды, оған деген жол жоғарғы түсінушілік пен өзін-өзі басқарудан құралады.

Көшбасшының тағы бір ерекшеліктердің бірі – алдына мақсат қойып, оған жете алуы. Ол өзінің нені нақты қалайтынын жақсы білуі керек және оны іске асыру үшін керекті қадамдарды алдын ала жоспарлай алуы қажет. Мақсатқа жету кезінде көшбасшы сабырлы және дипломатты болуы керек. Екінші жағынан, ол қайсарлығымен де танылу керек.

Жарыс сөз: Қатысушыларға сөз беріледі. Әрбір қатысушы төменде берілген дәйексөздерге ойталқы жүргізеді. (Регламент 1 мин)

№1 Слайд Көшбасшылық туралы дәйексөздерге мән берейік.

1.«Көшбасшы қарапайымдылықты тәртіпсіздіктен, келіспеушіліктен, қиындықтан, мүмкіндіктен шығаратын адам». Альберт Эйнштейн

2. «Барлық басшылар – оқырман». Джим Рон

3. «Жол апаратын жерге ермеңіз. Оның орнына жол жоқ жерге барып, із қалдырыңыз. «Ральф Уолдо Эмерсон