Мен Қазақстанның рәміздерімен мақтанамын 2 сынып

«Бекітемін» МЖО---------------

Күні: 29.01.2019ж.

Сынып:2 и

Сынып жетекшісі: Изтурганова Камар

Тақырыбы « Мен Қазақстанның рәміздерімен мақтанамын»

Мақсаты: 1. Білімділік: Оқушылардың аса маңызды мемлекеттік белгілер- рәміздер жөніндегі білімдерін жан-жақты сарапқа салу, оларға мемлекеттік белгілердің аса маңызды екенін ұғындыру, оны ерекше құрметтеп, мақтан тұту керектігін ашып көрсету.

2. Тәрбиелік: Отаншылдық, ұлтжандылыққа, өз елін, тегін, тарихын сүюге тәрбиелеу. 3. Дамытушылық: Ой-өрісін, танымдық қабілетін, жеке дара тұлға ретінде дамыту.

Көрнекілігі: Рәміздер авторларының суреттері, рәміздер суреттері, таңба-белгілер.

Сабақ түрі:Әңгімелеу

Сабақтың барысы

Қазақстан бүгін өз тәуелсіздігіне ие болып ,уақытпен бірге қарыштап алға ұмтылуда.ҚР Конституциясында : «рәміздерге құрметпен қарау керек» делінген.

Рәміздерге : Әнұран ,Ту ,Елтаңбамыз жатады.Олардың сипаттамасы және ресми пайдалану тәртібі Конституциялық заңмен белгіленген. Тәрбие сағатымыздың «Үмітін елдің арқалап ,Арманнан туған рәміздер» деп аталып,осы рәміздерге байланысты болмақ.

Әнұранымызбен тәрбие сағатын бастайық.

Қазақстан Республикасының Мемлекеттік Әнұраны орындалады.

Қазақстан Республикасы –біздің туып өскен жеріміз ,Біздің Отанымыз.Бұл жерде қазақ халқы ертеден тұрып келеді.Бүгін әрбір мемлекеттің ғасырлық тарихына байланысты рәміздері бар.Бұл халық белгілерінің белгілері. . Қазақстан Республикасының рәміздері 1992 жылы 4 маусымда қабылданды Қазақстан Республикасының Мемлекеттік әнұраны 2006 жылы 7 қаңтарда өзгертіліп, жаңа әнұран қабылданды. Мемлекеттік нышандарын зерделеу: Тудың, Елтаңбаның, Әнұранның мәні мен мағынасын түсіндіру Тәуелсіз Қазақстанның болашақ азаматтарын тәрбиелеудің негізін қалаушы бағыттардың бірі. Әрбір оқушы рәміздердің мемлекеттің қалыптасу процесіндегі ролі мен мәнін терең түсініп, еліміздің мемлекеттік Туын, Елтаңбасын және Әнұранын қастерлеу рухында тәрбиеленіп, Республиканың мемлекеттік рәміздерін құрметтемегені үшін жауапкершілікке тартылатынын сезініп, мемлекеттік нышандар туралы терең білімі болуға міндетті.

Мемлекеттік Елтаңба стандарты мемлекеттік рәміздерді әзірлеу мен қолдануда формаға ,көлемге және техникалық талаптарға сай бекітілген.Елтаңба көлеміне қарай және графикалық түрде орындалуы мүмкін.Елтаңба түрлі түспен орындалғанда онда екі түс –алтын және көгілдір түсті болады.Елтаңбасынан кең-байтақ Отанымыздың өткен тарихы, бай дәстүрі, салт-санасы мен жасампаз рухы толық танылады. Онда нелер бейнеленгеніне назар аударайық. Елтаңбаның ортасында шаңырақ тұр. Шаңырақты, яғни біздің бейбітшіл Отанымызды қорғау үшін, шаңырақтың биік болуы ойластырылған. Қазақта: « шаңырағың биік, керегең кең, босағаң берік болсын» деген тілек-сөз бар. Елтаңба авторлары Жандарбек Мәлібекұлы мен Шот-Аман Ыдырысұлы Уәлихан…