Мен қазіргі заман педагогымын: байқауға арналған эссе

Мен – қазіргі заман педагогімін

Әр ұлттың баласы өз ұлтының арасында

өз ұлты үшін қызмет қылатын болғандықтан,

тәрбиеші баланы сол ұлт тәрбиесімен

тәрбиелеуге міндетті.

М.Жұмабаев

Егеменді ел болып, тәуелсіздігімізді еншілеп, еңсеміз тіктеліп, өркениет көшінің алдыңғы қатарына шыққан, бәсекелестікке қабілетті, дамыған алдыңғы қатарлы елу елдің қатарына қосылуды мақсат тұтқан жайдары еліміздің жарқын болашағы–жас ұрпақ. Осы ұрпақты болашаққа даярлау, қоғамға сай бейімдеу–білім беру жүйесі, соның ішінде, мектеп еншісінде.

Бүгінгі Қазақстандағы білім беру ісіне, мұғалімге жас ұрпақты тәрбиелеуге деген жаңа көзқарастар пайда болды. Білім беру ісіне жаңа көзқараспен қарау мектепке жаңа көзқараспен қарау деген сөз. Мектеп–барлық рухани өркениеттің ошағы, өсіп келе жатқан ұрпақ-адамзаттың болашағы, жалғасы. Артымызда қалған жас ұрпақ саналы болса, адам баласының жер бетінде үздіксіз даму үрдісі жүреді . Сондықтан да біз болашақтың бүгінгіден де нұрлы болуына ықпал етіп, елді алға апаратын күш тек білімде екенін түсіндік. Сол себепті мектептегі оқушылардың біліміне көп көңіл бөлудемін. Ала оқытудағы жаңаша көзқарастарын іздеп, оларды өз қызметімде пайдаға асырудамын. Менің алдыма қойған мақсатым: табысты, білімді, жан-жақты тұлға қалыптастыру. Тілегім, ХХІ ғасыр–білім ғасырының есігін еркін ашып кіретін, дүниежүзілік мәдениетті танып, ұлттық төл мәдениетімізді қастерлей білетін, рухани жан дүниесі бай, ой-өрісі дамыған жоғары білімді, заман талабына сай белсенді болу және оны өз ұжымыммен, оқушыларыммен, ата-анамен бірігіп іске асыру. Ол үшін әрине, аянбай еңбек етуім керек.

Ұлы Әл-Фараби бабамыз: «Адамға ең бірінші білім емес, тәрбие берілуі керек, тәрбиесіз берілген білім-адамзаттың қас жауы, ол келешекте оның барлық өміріне апат әкеледі»-дейді. Осы тәрбиеде де білімнің түпсіз тереңдігіне жетелейтін бағбан –ұстаз. Ұстаз–мектептің айнасы, мектептің жаны. Мұғалім қандай болса, мектеп те сондай болмақшы. Яғни, мұғалім білімді болса, ол мектептен балалар көбірек білім алып шығады. Солай болған соң, ең әуелі мектепке керегі–білімді, педагогика, методикадан хабардар, жақсы оқыта білетін мұғалім.

«Ағаш түзу өсу үшін оған көшет кезінде көмектесуге болады, ал үлкен ағаш болғанда оны түзете алмайсың»,- деген халық даналығы. Мен бұл даналық ойлармен келісемін, біздің…