Менің эмоцияларым мен сезімдерім әлемі психологиялық жұмыс

Тренинг тақырыбы: «Менің эмоция мен сезімдер әлемім» №3

Мақсаты: оқушылардың психоэмоционалдық көңіл –күйін танып, өзін-өзі реттеуді үйрету, қорқыныш, үрей сезімдерін жеңуге ықпал ету.

І. « Сезім мен эмоция»

Мақсаты: оқушыларға эмоция мен сезімдер жайлы түсінік беру.

Уақыты: 10 минут

Жүргізуші: Сезім — айналадағы заттар мен құбылыстардың адам қажеттеріне сәйкес келу-келмеуінен туындайтын жан қуаты. Қажеттердің өтелу жағдайына қарай адамдарда әртүрлі (ұнамды, ұнамсыз) сезімдер пайда болады. Қуаныш, қайғы, ашу, ыза, құмарту, шошыну, наздану, қорқу, қайғыру, үрейлену, т.б. — сезімнің эмоция деп аталатын қарапайым түрлері. Адамдардың тіршілік қажетіне, өзара қарым-қатынасына байланысты олар түрлі деңгейде көрінеді. Адамның органикалық қажеттері мен инстинктеріне байланысты қарапайым, өткінші эмоциялардан (күлкі, жылау, т.б.) мұның күрделі түрлерін (аффект, көңіл, құмарлық, стресс) ажырату қажет. Жануарлар эмоциясы — биологиялық реакциялардың жиынтығы, рефлекстер тізбегі, инстинктер комплексі болып табылады. Сезімдер мен эмоцияларға бірнеше ерекшеліктер тән. Олардан қарама-қарсы полярлық сапалықтарды (сүйсіну-сүйсінбеу, шаттық-уайым), жігерлі, жігерсіз, қозу және кернеуден босану, яғни шешілу, т.б. сиякты көріністерді байқауға болады. Сезімдерден адамның дүниетанымы, өмір позициясы жақсы аңғарылады. Алға қойған мақсат жолында, өмір үшін күресте күшті, жігерлі сезімдерсіз табысқа жету қиын. Тыныс-тіршілігі солғын, селсоқ адамдардың көздеген мақсаттарына жетуі қиын. А

ІІ. « Эмоциялар мен сезімдерге сипаттама бер»

Уақыты: 20 минут

Жүргізуші оқушыларға «Эмоциялар мен сезімдер» белгіленген А4 парағындағы суреттерді таратып береді. Оқушылар кезек-кезек суреттегі берілген эмоция мен сезімдерге сипаттама береді. Жүргізуші барлық баланың жауап беруін қадағалап, қиын болған сәтте жағдаяттық оқиға айтып беріп, дұрыс жауап беруіне бағыт сілтеп, дұрыс жауап бергендерге қолдау көрсетіп, мақтап отырыды. Соңына қарай балалармен қандай сезімдер мен эмоциялар бар екенін атап, бірге қорытындылап кетеді.

ІІІ. «Эмоция қорапшасы»

Уақыты: 10 минут

Барысы: оқушылар шеңбер бойына отырады, жүргізуші өзінен бастап келесі ойыншыға «Эмоция қорапшасын» сыйға тартады. Қорапшаны сыйға тартпас бұрын, оған мынадай сипаттама береді:

Көру арқылы: жас баланың бақытты күлкісі

Есту арқылы: Керемет сарқыраманың дауысы

Дәм арқылы: дәмді құлпынай секілді

Иіс сезу арқылы: жауын жауған даланың иісі