Менің еңбек жолым туралы тәжірибелік эссе материалы

Оңтүстік Қазақстан облысы

Кентау қаласы

Б.Момышұлы атындағы №12

жалпы орта мектебінің

бастауыш сынып мұғалімі

Есиркепова Жангул Ускенбаевна

«Менің еңбек жолым және жаңашылдық методикалық тәсілім»

Ұстаз! Ұстаздық етуден асқан ұлылық бар ма? Уақытыңмен санаспай, бағытыңнан адаспай ұстаздық ете білу – бір ерлік. Ұстаз десе… Жүзінен күн нұрындай жылылық ескен, барлық ой мен қимыл – әрекетке ақылдың дәнін сеуіп, адамзат санасына нұр құятын тынымсыз лаулаған жалын иесін сезінемін. Алдыңғы буыннан тәлім ала отырып, кейінгі жастарға өнеге қалдыруды мақсат етіп, менің де ұшқыннан алау маздатып, жалындап жанғым келді. Осындай қасиетті өмір деп аталатын таңғажайып әлемге жол сілтеген қарапайым жандардың аялы алақаны мен ыстық жүрегі мен үшін — ұмтылмас күндер, айлар, жылдар…

Өмірге көзқарасымды қалыптастырып, бағыт — бағдарымды айқындауға жәрдем берген, адамдық пен надандықтың, адалдық пен арамдықтың ара жігін ашып көрсетіп, кісілік пен кішіліктің қадірін ұғындырған менің көңілімдегі алып Адамдар. Атақ пен даңқты мақсат етпей, оқытатын пәнін шын сүйген, шәкірттері үшін жаны күйген, менің ұстаздық жолымды таңдауыма себепкер болған Жандар. Ол – менің әкем мен анам. Анам да осы қиындығы мен қызығы бірге жүретін бастауыш сынып мұғалімі еді. Өзінің жолын қусын деді ме, осы мұғалім мамандығын алып шығуыма себепкер болды. Сол кісілердің бір ауыз сөзі маған ұстаздық сапарға берілген жолдама болған секілді.

Міне, қазіргі таңда Оңтүстік Қазақстан облысы Кентау қаласында орналасқан қазақтың бір туар батыры Бауыржан Момышұлы атындағы №12 жалпы орта мектебінде мұғалім мамандығы бойынша еңбек етіп жүргеніме 14жыл толуда.

Мектептің негізгі құндылығы оқушы десек, оларға жеке тұлға ретінде қарау –біздің міндетіміз. «Қыран-түлегіне қайтпас қанат сыйлайды, ұстаз –шәкіртіне талмайтын талап сыйлайды » демекші, ұстаз –қай кезде де мектептің жүрегі, қоғамның тірегі. Сондай –ақ дүниедегі білім атаулының кілті де құпия сыры да ұстазға ғана анық. Өркениеттің ғалами талабы білімді ұстазды қанаттандырып, жаңашылдық пен ізденіс шыңына қондырады. Мен білетін ұстаз — нақ осы өркениетке лайықты ұстаз. Жалпы, «биіктік» атаулының бәрі мені қызықтырып келеді. Оның тылсым құпиясы тым күрделілігімен тереңіне бойлай түсуге шақырады. Бірте — бірте көтерілген саты баспалдақтай өрге сүйрейтін менің құштарлығым аспани тұлғаның кесек бейнесін асылық қасиеттерімен толықтырып қойды. Өркениеттің ғарыштап дамуы ғылыми прогрестің ұшқан құспен теңесуі болмақ. Ғажап идеялар, дархан істер ғаламат жоспарлар жаңа ғасырдың қолынан ғана келеді. Ал осы алау оттай жұлқынған ғасырдың тізгіні – ұрпақтардың ғана қолында, осы ұрпақтың бар бақыты озық ойлы ұстаздың еншісіне ғана берілмек.

Қазіргі таңдағы еліміздің білім беру жүйесінің ең басты міндеті – білім берудің ұлттық моделіне өту арқылы жас ұрпақтың білім деңгейін халықаралық дәрежеге жетелеу, жан — жақты дамыған жеке тұлғаны тәрбиелеу. «Бұлақ көрсең, көзін аш» демекші халқымыздың асылдарын үлкен асуларға жетелейтін, еліміздің еңсесін биіктетер өскелең жас ұрпаққа жаңаша білім беру – бүгінгі таңдағы әрбір ұстаздың борышы деп ойлаймын. «Ескіден қол үзіп, жаңаға қол жеткізгендер ғана мұғалім бола алады» деп қытайдың дана ойшылы Конфуций айтқандай, яғни мұғалім өткен тәжірибесін жаңамен ұштастыра алатын, кәсіби қызығушылығы жоғары, танымы биік, бастаған ісінің нәтижесін көре алатын, ғылыми зерттеу жұмыстарын таңдай білетін, педагогикалық үрдістің заңдылықтарымен етене таныс, оқытудың әдістемелік жаңалықтарынан хабардар, оқыту үрдісін ізденімпаздықпен арттыратын өз ісінің шебері болуы керек.

«Мұғалім – өзінің білімін үздіксіз көтеріп отырған да ғана мұғалім, ал оқуды ізденуді тоқтатқанда оның мұғалімдігі де жойылады» -деп Д.Ушинский айтқандай 2011-2012 оқу жылында Алматы қаласында Қазақстан Республикасының…