Менің еңбек жолым және әдістемелік тәсілім эссе

Оңтүстік Қазақстан облысы

Кентау қаласы Б. Момышұлы атындағы

№ 12 жалпы орта мектептің

бастауыш сынып мұғалімі

Косжанова Меруерт Муслумхановна

«Менің еңбек жолым және методикалық тәсілім»

Менің мақсатым - әр сабақты жаңаша түрде откізу

Мен өз еңбек жолымда “Ұстаздық еткен жалықпас, үйретуден балаға” деп Абай атамыз айтқандай, ұстаз еңбегінің қыр-сыры мол, қиын да жауапты мамандықты таңдағандығыма өкінбеймін.

Мен ұстазбын. Әрі еліміздің болашағы саналар жастарға сапалы білім мен саналы тәрбие беру ісінде еңбек етіп жатқанымды мақтан тұтамын. Білім саласына дамуына өзіндік үлесімді қосып, жас өркендердің отансүйгіш азамат болып қалыптасуына септігім тиіп жатқанын өте үлкен абырой санаймын.

Оңтүстік Қазақстан облысы, Кентау қаласында орналасқан Б.Момышұлы атындағы №12 жалпы орта мектептің қызметкерімен. Бастауыш сыныбында бүлдіршіндерге сабақ беремін. 14 жылдан бергі еңбек тәжірибемде, үлкен жетістіктерге жеттім. Аз ғана уақыт ішінде сынып жетекшісі, арнайы пән оқытушысы қызметтерін атқардым.

Қазіргі таңдағы еліміздің білім беру жүйесінің ең басты міндеті – білім берудің ұлттық моделіне өту арқылы жас ұрпақтың білім деңгейін халықаралық дәрежеге жетелеу, жан - жақты дамыған жеке тұлғаны тәрбиелеу. Осы бағытта еңбек етуді алдыма мақсат етіп қойдым. «Өрлеу» мұғалімдердің біліктілігін арттыру курсының үшінші дейгеі бойынша және өзге де курстарда тәжірибемді шыңдап, жаңа технологиялар бойынша білімімді уақытылы жетілдіріп келемін. Білім саласындағы реформаларға сәйкес және қабылданып жатқан бағдарламалар бойынша үйренген білімімді іске асыру үшін жаңаша бағытта жоспарлар құрып, ай сайынғы жұмысыма кірістіріп отырдым. Яғни, ай сайын коучник, семинар, конференция өткізу арқылы үшінші деңгей бағдарламасымен мұғалімдерді таныстырып, сындарлы оқыту әдісін біртіндеп, жас мамандарға өз тәжірибелеріне енгізуге бағыт - бағдар берудемін. Ұстаздар арасында коучник өткізу арқылы өзіме деген сенімім қалыптасты. Әріптестерінен оқытудың әдістерінен мәліметтер ала отырып, әр шараны тартымды өткізуге болатынын түсіндім, сол арқылы өзім де өзгеріске енген ұстаз деңгейіне көтерілдім. Жұмыс барысында тренингтің мұғалімге берері мол екені көрінді.

Менің ойымша, қазіргі заман мұғалімі – рухани жағынан дамыған, педагогикалық құралдардың барлық түрлерін шебер меңгерген білікті маман болу керек. Өйткені, ХХІ ғасыр компьютерлік ақпараттар легі заманы. Жер - жердегі болып жатқан хабарлар туралы интернет арқылы минутында мағұлмат алып отырған жасөспірімді бірнәрсемен таңғалдыру, оған сабақ айтып,…