Менің мамандығым менің мақтанышым туралы мақала

№2 «Бөбек» санаториялық балабақшасы коммуналдық мемлекеттік мекемесінің І санатты педагог-психологі Абдікамал Мөлдір Жүсіпқызы

«Менің мамандығым-менің мақтанышым»

Адам жанын түсіне білу, оны зерттей білу- үлкен өнер. З. Фрейд

«Армансыз адам - қанатсыз құспен тең» - дегендей, оқушылар мектеп бітірген соң, өзі армандаған бір мамандықтың иесі болады. Жас жеткіншектер мамандық таңдауда қателеспеуі керек.

Мамандық - қарапайым өмір сүру көзі болып табылатын және қандай да бір дайындықты, жауапкершілікті талап ететін еңбек қызметінің маңызды бөлігі.

Мамандық таңдау - өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Мамандықты дұрыс таңдай білген адам: «Мамандығым – мақтанышым» - дей отыра, сол мамандықтың қыры мен сырын меңгеріп, шыңына жете білу керек. Мамандық - жай күн өткізу, ақша табу емес. Әр адам өз мамандығына рухани күш алып, еңбектің рахатын көреді, адам атақ - абыройға кенеледі. Кез келген адамнан шеберлікті, қажымас қайратты, еңбектенуді керек етеді. Менде өзімнің сүйікті мамандығым психолог мамандығына мақтанышпен айтып өтейін.

Бүгінгі таңда әлеуметтік ортада психолог мамандығы аса маңызды болып табылады. Осыған орай кез-келген ұжымда немесе мекемеде психолог маманның болғаны үйреншікті жайт десем, қателеспеймін. Солардың бірі- мектепке дейінгі балабақша психологы.

Менің жеке тұлға ретінде де, балабақша психологы ретінде де психология ғылымының ұраны: «Өзіңді таны, сонда ғана өзгелерді танырсың !» деген ұранын естен шығармадым.

Шынын айтсам, кейде жұмыстан соң үйге келгенде, қатты шаршағанымды сеземін. Бірақ сол өткізген күнді талдай отырып, балаларымның маған деген ықыласын, маған ұмтылған үміт толы көздерін, тәтті қылықтарын бір сәт еске түсірсем, шаршағанымды ұмытып та кетемін. Осы бір «Балалар әлеміне» енсең, ешқашан басқа жаққа кете алмайсың деп ойлаймын. Өйткені бала- пәк, бала- тап-таза. Мөлдір бұлақтың бастауын, көзін ашып, тұнығына қану үшін қаншама қиын да6 қызықты еңбек пен тер төгу керек десеңізші! «Бұлақ көрсең, көзін аш» деген мақал осыдан шықса керек.

Әрі ғалым, әрі ұстаз Ахмет Байтұрсынұлы: «Бала оқытуды жақсы білейін деген адам әуелі балаларға үйрететін нәрселерін өзі жақсы білуі керек, екінші, балалардың табиғатын біліп, көңіл сарайын танитын адам болуы керек. Оны білуге баланың туғаннан бастап, өсіп-жеткенше тәнімен қатар, ақылы қалай кіретінінің жолын білуге болады» , - деген психологиялық мәні бар ой тұжырымында, психолог балалардың психологиялық ерекшеліктерін есепке алу қажеттігін ескере отырып, сондай-ақ, жеке тұлғаның өзіндік табиғатына көңіл аударуымыз қажет.

Балабақша психологы баланы балабақшаға алғаш келгеннен бастап, мектеп табалдырығын атағанға дейін зерттеп, сүйемелдеу жасайды. Әр педагог баланың ойынан шығып, қажеттілігін қанағаттандыра білуге дайын болуы керек.

Ата-аналардың үйдегі қаржылық жағдайды реттейміз деп жүріп, балаларына көңіл бөлушілігі азайып, осы әлемдегі қағидаларға сай және керекті деңгейдегі тәрбие бере алмаулары көбейіп келуде. Балалар өз жас ерекшеліктеріне қарай өз-өздерін психологиялық қорғау ретінде эмоциясы мен мінез құлықтары арқылы көрсетеді. Оларда агрессия, тұйықтық, оқыс мінез-құлық, қорқыныш қалыптасады.

Сол себепті өзімнің педагог – психолог мамандығымда ең маңыздысы балаға көмек жасап, өзін қоршаған ортаға бейімделіп өсуіне өзара әрекет жасауды алға қоямын. Адамның барлық өмірі - бұл бейімделу. Шыр етіп дүниеге келгеннен бастап өмірінің соңына дейін…