Менің мамандығым және шығармашылық жолым эссе

Түркістан облысы Сайрам ауданы

Қарабұлақ ауылы №81 Ұлықбек атындағы

жалпы орта мектебінің қазақ тілі мен

әдебиеті пәні мұғалімі

Абдурахманова Хулкар Арипжановна

Еңбек жолым және білім берудегі жаңашыл тәсілім

Мұғалімдік мамандық- бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлік пен педагогикалық өнер-ол даналықты жүректен ұға білу болып табылады.

К.Д.Ушинский

Ұстаз! Ұстаздық етуден асқан ұлылық бар ма? Уақытыңмен санаспай, бағытыңнан адаспай ұстаздық ете білу – бір ерлік. Ұстаз десе... Жүзінен күн нұрындай жылылық ескен, барлық ой мен қимыл – әрекетке ақылдың дәнін сеуіп, адамзат санасына нұр құятын тынымсыз лаулаған жалын иесін сезінемін. Алдыңғы буыннан тәлім ала отырып, кейінгі жастарға өнеге қалдыруды мақсат етіп, менің де ұшқыннан алау маздатып, жалындап жанғым келеді. Әр адам осы өмірден өз орнын тапқысы келеді.Алға мақсат қойып соған ұмтылу белгілі бір өзінің ойлағанына қолы жеткенше асық болып еңбек етеді.Өмірге келген соң адамдық борышынды өтеу міндет деп санаймын.Менің бала кезгі арманым дәрігер болу еді. Міне қазір сол арманыма қол жеткіздім деп айта алмаймын. Әкемнің: «қыз бала бөтен үйдің келіні болады, мұғалім боласың»- деген кезінде жылағанымды көрсеңіз. Әкемнің сөзімен М.Ауезов атындағы Оңтүстік Қазақстан Мемлекеттік университетінің филология факультетіне оқуға түстім. Дегенмен оңай болған жоқ. Көп еңбекпен қажымас қайраттың арқасында деп ойлаймын. Себебі өзге ұлт болғандықтан өзбек мектептерінде қазақ тілі пәні қысқа оқытылады ол кезде. Қазақ қыздарының деңгейіне жету үшін қаншама қиыншылықтар, көмек берген ұстаздар бол

Сол 10 жыл ішінде маған берген алғашқы сыныбым қазіргі күнде 11 сынып оқушылары. Сынып есігі ашылғанда мені мейірімді де сүйкімді балалар қарсы алды. Өзімнің балаларымдай жақын араласатын оқушыларым менің алғашқы сыныбым. Олармен бірталай жетістіктерге қол жеткізіп келеміз төмендегі суреттер соған дәлел бола алады:

Аудандық байқауда жоғары орын алған сәтіміз.

Ұстаз болу – жүректің батырлығы,Ұстаз болу – сезімнің ақындығы,Ұстаз болу – мінездің күн шуағы,Азбайтұғын адамның алтындығы –дегендей бірінші бойымда әрине қорқыныш сезімдері болды. Жұмысымның да мәнді де қызықты болуына бауланысты уақыт өте келе қорқыныш сезімі басылды. Қиялымдағы арманым орындалмаса да өз мамандығыма өте ризамын.Ұстаздық педагогикалық жолыма қойған мақсатым: үлгілі маман болып , Қазақстанның білімді азаматтары мен азаматшаларын тәрбиелеу.Жоғары жетістіктерден көріну. Осындай жетістіктерімнің бірі аудандық «Үздік сынып жетекші» байқауына қатысып І орын иегері атандым:

Өз пәнімде оқушымен жұмыс жасасам, бұл қызметте ұстаздармен түрлі жұмыстар жүргізу – мен үшін бір бақыт. Дүниедегі білім атаулының кілті де құпия сыры да ұстазға ғана анық. Қазіргі таңдағы еліміздің білім беру жүйесінің ең басты міндеті – білім берудің ұлттық моделіне өту арқылы жас ұрпақтың білім деңгейін халықаралық дәрежеге жетелеу, жан - жақты дамыған жеке тұлғаны тәрбиелеу. Осы бағытта еңбек етуді алдыма мақсат ете отырып, өз білімімді жетілдіру жолында Қазақстан Республикасы педагог қызметкерлерінің біліктілігін арттыру бағдарламасының үшінші деңгейі бойынша курсынан өттім. Бұл бағдарлама аясында үйренген білімімді іске асыру үшін жаңаша бағытта жоспарлар құрып, ай сайынғы жұмысыма кірістіріп отырдым.…