Менің қауіпсіздігім дүниетану пәнінен сабақ жоспары 3 сынып

Пән: Дүниетану

Орта мерзімді жоспар бөлімі:

5-тарау «Өнер»

Күні:

Сынып: 3-сынып

Мектеп:№42

Мұғалімнің аты-жөні: Рыскелді Г.Ж

Қатысқандар саны:

Қатыспағандар саны:

Сабақ тақырыбы

Менің қауіпсіздігім

Осы сабақта қол жеткізілетін оқу

мақсаттары (оқу

бағдарламасына сілтеме)

3.1.4.1 тұрмыстық құралдарды пайдалану ережелерін графикалық түрде көрсету

Сабақ мақсаттары

Барлық оқушылар: –тұрмыстық құралдарды қолданудағы қауіпсіздіктің негізгі қағидаларын атайды;

Көптеген оқушылар: –тұрмыстық құралдарды пайдалану ережелері туралы графикалық белгілерді суретке салады;

Кейбір оқушылар: –«Электр қуатын сақта» жадынамасын құрастырады және сол бойынша қорытындылар шығарады;

Бағалау критерийлері

Оқушылар :

–«Электр қуатын сақта» жадынамасын құрастырады және сол бойынша қорытындылар шығарады;

Тілдік мақсаттар

Оқушылар тұрмыстық құралдарды қолданғанда қауіпсіздік ережелерін сақтаудың маңыздылығын талқылайды.

Пәнге қатысты лексика мен терминология:

Электр қуаты, тұрмыстық құралдар. Электр тогымен зақымдану қауіптілігі. Тұрмыстық құралдарды пайдаланудың графикалық белгілері

Диалогке/жазылымға қажетті тіркестер

Егер дұрыс қолдана білсе, электр күші адам өміріне зиянын тигізбейді. Тұрмыстық құралдарды қауіпсіз қолданудың ережелерін есіңде сақта! Талқыланатын мәселелер:

–қандай тұрмыстық құралдарды білесің?

–электр құралдарының тұрмыстағы пайдасы қандай?

–не үшін тұрмыстық құралдарды қолданғанда қауіпсіздік ережелерін сақтау керек?

Жазылым:

Суреттерге және графикалық белгілерге қарап, тұрмыстық құралдарды қолданудың ережелерін дәптерге жазу.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыстар

Жаратылыстану

АКТ қолдану дағдылары

Интернеттен ақпарат көздерінен іздеу.

Ресурстар

Топқа бөлуге арналған парақшалар, интерактивті тақта, жұмыс дәптері, қалам мен түрлі түсті қарындаш, стикер, видеоматериалдар., постер, кері байланыс парағы т.б

Бастапқы білім

Менің отбасымның рухани құндылықтары

Сабақтың барысы

Сабақтың

жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Жағымды ахуал қалыптастыру.

«Ән шырқау»

Оқушы топтарына ел арасында көп тараған, кеңінен таныс әндердің бір шумағы мен қайырмасы жазылған карточкалар таратылып беріледі. Оқушылардың әр тобы тез арада дайындалып, кезекпен карточкаларда келтірілген әндерді бірлесе орындауы керек.

Оқушыларға Шәмші Қалдаяқов, Әсет Бейсеуов, Ескендір Хасанғалиев, Нұрғиса Тілендиев секілді танымал композиторладың әндерін ұсынған орынды (« Арыс жағасында», «Ақ бантик», «Армандастар», «Атамекен», «Өз елім» т.б.).

«Жедел жауап» әдісі

Сұрақтарға жауап беріңдер:

–Бүгінгі сабағымызда не жайында айтатын боламыз деп ойлайсыңдар? (электр жайында)

–Электр күші мейірімді күш пе, мейірімсіз бе? Жауаптары:

–егер электр күшін дұрыс қолдана білсең, ол – мейірімді күш!

–электр қуаты – әлемдегі ең жақсы көмекші!

–электр тогы – қауіпті әрі қорқынышты жау!

Мұғалім: Дұрыс айтасыңдар, балалар! Бүгін біз электр күшін қалай дұрыс пайдалану керек және біздің қауіпсіздігіміз жайлы сөз ететін боламыз.

Қ/Б. Қол шапалақтау

Оқушылар ән шумақтарын айту арқылы топтарға бөлінеді.

Сұраққа жауап берген оқушыны мадақтау,толықтыру жасау, тиімді кері байланыс орнату.

«Жедел жауап» әдісі

сұрақтары.

Сабақтың ортасы

Ширату тапсырмасы.

Әр адам кез-келген спорт түрлерімен шұғылдана ала ма?

Әлде ол үшін ерекше бір қабілет қажет пе?

Қ/Б. Ым-ишара

Белсенді оқу тапсырмалары(топта, ұжымда)

Оқулықтағы иллюстрациямен жұмыс жасаймыз. Суреттерге қарап шығыңдар. Электр қуатымен жұмыс істейтін тұрмыстық құралдарды атаңдар. Олар қандай қызметтер атқарады? Бұл құралдарға тән ұқсастықтар қандай?