Менің Қазақстаным тақырыбындағы ашық сабақ балабақшаға

Тақырыбы: «Менің Қазақстаным!»

Мақсаты: Отанды сүюге ,отаншылдық сезімге тәрбиелей отырып,республиканың қалай аталатынын, онда тұратын сан түрлі ұлттар, олардың ынтымағы, достығы, татулығы туралы түсінік беру.Қазақстан Республикасының мемлекеттік әнұраны, елтаңбасы және жалауы туралы білімдерін дамыту. Балаларды өз республикасын танып-білуге, жақсы көруге тәрбиелеу. Отанына деген мақтаныш сезімін ояту, туған жеріне, қаласына, отбасына деген сүйіспеншілігін арттыру. Балалардың әр түрлі ұлт өкілдеріне сыйластығын арттырып, ынтымақтастыққа, отаншылдыққа тәрбиелеу.

Көрнекі –құралдар: Қазақстан мемлекеттінің рәміздері, суреттер, слайдттар.

Әдіс-тәсілдері: суреттеу, сұрақ-жауап, көрсету, түсіндіру, өлең оқу, көрнекілік, әңгімелесу.

-Балалар, біз қай мемлекетте тұрамыз?Біз тұратын мемлекеттіңғ аты қалай аталады?

-Біздің республикамыз Қазақстан деп аталады. Біздің еліміздің өз мемлекеттік әнұраны, елтаңбасы және өзінің жалауы бар. Біздің ұлттық тіліміз-қазақ тілі. Республикамыздың президентті-Н.Ә.Назарбаев.

-Балалар мынау біздің еліміздің туы. Тудан сендер ненің белгісін көріп тұрсыңдар?

-Күн, құс пен оюдың бейнесін көріп тұрмыз.

-Ал, енді балалар , туымыздың түсі қандай екен, қараңдаршы?

-Көк, көгілдір түс.

-Неге ұқсайды?

-Аспанға ұқсайды

-Яғни, біздің туымыздың түсі аспан түстес көк екен.

Мен сендерге «Қазақстан жалауы» деген тақпақ оқып беремін. Сендер мұқият тыңдап отырыңдар.

Қазақстан жалауы.

Аспан түстес көгілдір,

Тік бұрышты матаның,

Ортасында төгіп нұр,

Күн жаяды шапағын.

Астында оның қалықтаған,

Қыран құстың бейнесі.

Азат елдің шалқыған,

Көңілі деп білерсің.

Есте белгі ұрандар,

Сары алтындай сақталған.

Күн шұғыла қыранда,

Алтын түске қапталған.

Сол жағында матаның,

Сары түсті жолақ бар.

Мұратындай атамның,

Әсем өрнек ол ұлттың!

-Мынау біздің Қазақстан Республикасының елтаңбасы екен. Ал, балалар, нені көріп тұрсыңдар? Сендерге не таныс?

Қандай белгілер салынған екен.

-Шаңырақ, уық, ат деген белгілер.

-Иә,өте жақсы. Дұрыс айтасыңдар. Қазір мен сендерге енді «Біздің елтаңба» деген тақпақты оқып берейін.-Сендер тыңдаңдар:

Біздің елтаңба.

Алтын қанат көмкерген,

Шаңырақ бар, уық бр.

Әсем бейне сен көрген,

Жай белгі емес ұғып ал!

Көгілдір түс аясы,

Бейбіт дала елесі.

Шаңырақ-жұрт панасы,

Уықтар-күнні сәулесі.

Сүйсіндірер өзіңді,

Түсіне біл таңбаны.

Аңызда ұшқыр төзімді

Пырақ-халық арманы.

Жоғарыға түсер көз,

Бес тармақты жұлдызға,

«Қазақстан» деген сөз.