Менің сыныбым менің ұжымым сабақ жоспары 4 сынып

Тақырыбы: МЕНІҢ СЫНЫБЫМ – МЕНІҢ ҰЖЫМЫМ

Мақсаты: оқушылардың «ұжым», «достық» құндылықтары туралы түсініктерін кеңейту.

Міндеттері:

Ұжымның адам өміріндегі маңыздылығын түсіндіру;

Өзара татулық, сыйластық қарым-қатынастарын дамыту;

Бірлікке, сыйластыққа, достыққа тәрбиелеу.

Көрнекі құралдар: оқулық, дәптер.

Ұйымдастыру кезеңі

Тыныштық сәті

Тыныс алуға зейін қою.

Үй тапсырмасын тексеру

«Асан мен Үсен» . Ы.Алтынсарин.

Ойлы баланың бойында қандай қасиеттердің болуы тиіс деп ойлайсыңдар?

Сендердің де ойлылық танытқан кездерің болды ма? Естеріңе түсіріп, айтып беріңдер.

Дәйексөз.

«Ұжымда болу - бақыт». Ә.Табылдиев.

Әңгімелесу.

Бірлік, сыйластық, түсіністік, ұйымшылдық, ұжымшылдық деген ұғымдарды қалай түсінесіңдер?

Өз сыныбың несімен ұнайды?

Мәтінмен жұмыс.

«Күмән». М.Гумеров.

Әңгімедегі оқиғадан сынып оқушыларының қандай жақсы қасиеттерін көруге болады?

Олардың бойынан қандай жағымсыз қасиеттерді байқадыңдар? Одан қалай арылуға болады? Сендер не істеген болар едіңдер?

«Сенімге кіру үшін оған қанша уақыт қажет болады», - дегенді қалай түсінесіңдер?

Өз сыныптарыңда осыған ұқсас оқиғалар болды ма? Естеріңе түсіріп айтып беріңдер.

Жаңа ақпарат.

«Оқушылар бірлесіп қоғамдық пайдалы іспен шұғылданса, бір-біріне көмектессе ұжымда бірлік, сыйластық болады. Оларды біріктіретін ортақ мақсат, ол – білім алу, өнерге үйрену және өмірді түсіну»

Жағдаяттарды талдау.

1-жағдаят:

Сенің сыныптас құрбың спорттық жарыстан «бас жүлде» алып жеңіспен оралды. Қуанышындашек жоқ.

Оның қуанышын қалай бөлісер едіңдер?

2-жағдаят:

Сыныптасың «Білімнің биік шыңы» атты сайысқа қатысып, жеңіліп қалды. Ол қатты ренжулі.

Оған қалай көмектесер едіңдер?

3-жағдаят:

Сынып балалары ылғи тәртіпсіздік жасайды. Осылары үшін кезекші сынып оларды «Кірпі» газетіне шығарды.

Осыдан кейін қандай шешім қабылдар едіңдер?

Топпен ән айту.

«Дос болайық, бәріміз!» Сөзі: Х.Талғаровтікі. Әні: И.Нүсіпбаевтікі.

Дәптермен жұмыс.

Дәптерде берілген бос жолдарға өз сыныбыңның үлгі етерлікжақтарын жазыңдар.

Үйге тапсырма.

«Күмән». М.Гумеров.

Сабақтың қорытынды сәті.

Балалар бүгінгі сабақтан қандай ой түйдіңдер,бір сәт ойланайық.Түйген

ойымызды жүрекке сақтап алайық.

Тексекрілді: