Металдардың белсенділік қатарын құру материалы

№67 Қазыбек би атындағы ЖОМ

Күні: Мұғалімнің аты-жөні: Мамеев Б.Р.

Сынып:8 Қатысқандар: Қатыспағандар:

Сабақтың тақырыбы:

Металдардың белсенділік қатарын құру және оны анықтама мәліметтермен сәйкестендіру

№1практикалық жұмыс. «Металдардың белсенділігін салыстыру»

Осы сабақта қол жеткізілетін оқу мақсаттары (оқу бағдарламасына сілтеме)

8.2.4.4 -қышқыл ерітінділерімен әртүрлі металдардың реакцияларын зерттеу

8.2.4.5 -металдардың қышқылдармен әрекеттесуінің реакция теңдеулерін құрастыру

8.2.4.7- эксперимент нәтижесі бойынша металдардың белсенділік қатарын құру және оны анықтама мәліметтерімен сәйкестендіру

Сабақтың мақсаты

Барлық оқушылар: Химия кабинетіндегі техникалық қауіпсіздік ережелерін біледі. Металдардың белсенділік қатарын түсінеді Басым бөлігі: Металдардың белсенділігін химиялық тәжірибелер арқылы салыстырады, реакция теңдеулерін құрастырады,

қорытындылайды

Кейбір оқушылар: Металдардың белсенділік қатарын қолданып металдардың орынбасу реакцияларының жүру мүмкіндігін болжай алады, тәжірибе нәтижесіне сүйеніп металдардың белсенділік қатарын құрады, тақырып бойынша қосымша мәліметтер мен дәлелдер келтіре алады

Бағалау критерийі

Металдардың белсенділік қатарынан магний, мырыш, темір, мысты тауып көрсетіп, олардың орналасу ретін түсіндіреді

Тәжірибелер жасау нәтижесінде олардың белсенділік қасиеттерін салыстырады

Тәжірибе нәтижесіне сүйеніп, реакция теңдеулерін жазады, реакция типіне ажыратады, қорытындылайды.

Тілдік мақсаттар

Оқушылар орындай алады: Металдардың қасиеттерін сипаттайды, белсенділік қасиеттерін салыстырады

Пәнге қатысты сөздік қор мен терминдер: Металдар, магний, мырыш, темір, мыс, қышқыл, газ, реакция, штатив, сынауық

Металдардың белсенділік қатары – Ряд активности металлов – Reactivity serials of metals

Сыныптағы диалог:

Талқылауға арналған тармақтар:

1.Аталған металдардың қышқылдармен реакциясы қалай жүзеге асты?

2. Темір металы неліктен магнийге қарағанда қышқылмен баяу реакцияға түсті?

2. Қандай реакция типі орындалды?

3. Мыс металы неліктен реакцияға түспеді ?

Есіңде болсын!

Магний жүйке ұлпаларының жұмысын жақсартады.

Алтын немесе күмістен жасалған қасықтар ауыз қуысының бактерияларын залалсыздандырады.

Құндылықтарға баулу

Жоғары деңгей дағдылары қалыптасады. Шығармашылық және сын тұрғысынан ойлайды, қарым-қатынас жасау қабілеті мен достық құндылықтарын дамытады.

Пәнаралық байланыс

Биология, география, физика

Алдыңғы білім

7.2.2.2 -сұйылтылған қышқылдардың әртүрлі металдармен реакцияларын зерттеу және сутек газының сапалық реакциясын жүзеге асыру

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

2мин.

3мин.

Сәлемдесу

Психологиялық жағымды атмосфера қалыптастыру. «Жүректен жүрекке» ойыны арқылы тілектер айтылады

Топқа бөлу (сандар арқылы 1,2,3,4 гетеротопқа топқа біріктіреді)

Үй тапсырмасын сұрау

ШИРАТУ ЖАТТЫҒУЫ:

«Кім жылдам?» әдісі бойынша ашық сұрақтар (Жылдам ойланып, шапшаң жауап беру арқылы ойлау және айтылым дағдысы қалыптасады . Еске түсіру, есте сақтау қабілеттерін шыңдайды)

1. Өте белсенді металдар қай топта?

2. Сумен әрекеттесіп, гидроксид түзетін екі металл ата

3. Сұйытылған қышқылдармен әрекеттеспейтін екі металл

4. Сұйық металл

5. Мыс пен мырыштың қайсысы белсенді?

6. Кәдімгі температурада оттекпен әрекеттесіп, тотығатын екі металл ?

7.Қышқыл құрамынан сутегі газын ығыстыратын металл?

8. Темір орналасқан топ нөмірі

9. Мыс металының валенттілігі

10. Табиғатта ең көп таралған металл

Қалыптастырушы бағалау (Мақтау, мадақтау қолдау)

Оқулық

7-сынып

Алматы «Мектеп» 2017

8-сынып, жоба

Алматы «Мектеп» 2018

Сабақтың ортасы

25мин.

Сабақтың соңы

10 мин

Жаңа сабақ:

Мұғалімнің түсіндірмесі: (тыңдалым дағдысы қалыптасады)

Интербелсенді тақтадан bilimland сайтынан

Mеталдарды олардың химиялық белсенділігінің өсу реті бойынша орналастыру арқылы металдардың белсенділік қатарын аламыз.

Егер біз әртүрлі металдардың бір реагентпен, мысалы, тұз қышқылымен әрекеттесуін салыстыратын болсақ, металдарды химиялық белсенділігінің өсу реті бойынша орналастыра аламыз.

«Қатесін тап» әдісі. Мәтінге дұрыс емес мағына беретін сөздерді тауып, дұрысын қояды (оқылым , ойлау, айтылым дағдыларын қалыптастырады. Кері мағына беретін сөздерді түзету арқылы ережені есте сақтауға мүмкіндік туады Ұқыптылыққа, мұқияттылыққа баулиды)

Металдардың белсенділік қатарындағы сутегіге дейін орналасқан металдар қышқылдардан сутек газын ығыстырады.

Қышқыл ерітінділеріне саусақты батыруға, дәмін татуға болады

Тәжірибе кезінде реактивтер бар ыдыстардың тығынын ауыстырғаннан ешнәрсе өзгермейді.

Зертханалық тәжірибелер кезінде техникалық қауіпсіздік ережелерін қатаң сақтау қажет.

1- практикалық жұмыс

Топтық жұмыс. «Жасап көрсет және әңгімеле» әдісі. (Ойлау, оқылым, тыңдалым айтылым дағдылары қалыптасады. Тәжірибелік көрсетілім, топтық талқылау , дәлелдеу арқылы есте сақтау үрдісі нығаяды, ептілікке, нақтылыққа үйретеді, өзара сыйластыққа әкеледі)