Металдардың электр кернеу қатары бойынша 10 сынып сабағы

«БЕКІТЕМІН»

Директордың ОІЖ

орынбасары: ________________Е.

Билалов

САБАҚТЫҢ ЖОСПАРЫ №

Пәні Химия

Сабақтың тақырыбы Металдардың электр – химиялық кернеу қатары

Сабақтың мақсаты 1 Білімділік мақсаты Студенттерді металдардың қасиеттерімен таныстырып, оларды сипаттайтын тапсырмаларды орындап, қорыта білуге үйрету. Металдардың периодтық жүйедегі орны, құрылысы, металдардың түрлерін және адам өміріндегі маңызын оқып, біле отырып өздігінен білім алуға жол ашу. Металдардың электрохимиялық кернеу қатары жайлы мағлұмат бере отырып, металдардың химиялық қасиеті жайлы оқушы білімдерін тереңдетіп, химиялық реакция теңдеулерін жаза білу

2 Тәрбиелік мақсаты Студенттерді топтық, ұжымдық қарым- қатынаста ұйымшылдық пен ізденушілікке тәрбиелеу

3 Дамытушылық мақсаты Ғылым мен техниканың дамуына байланысты жаңа заман талабына сай, жаңа технологияларды меңгере отырып, студенттердің шығармашылық қабілетін арттырып, интелектуалдық танымын кеңейту

Сабақтың түрі, әдісі Аралас сабақ, интерактивті оқыту әдісі

Сабақтың көрнекілігі Интерактивті тақта, химиялық кескіндер, периодтық жүйе, слайдтар

Пәнаралық байланыс Математика, биология, физика

Сабақтың барысы

1 Ұйымдастыру кезеңі ( 5 минут) 1 Студенттермен сәлемдесу 2 Студенттерді түгендеу 3 Студенттердің оқу-құралдарын тексеру

2 Үй тапсырмасын тексеру (20 минут) 1. Ой толғаныс кезеңі: Сұрақ-жауап әдісі 1.Ең жеңіл металл? 2. Ең ауыр металл? 3. Ең жұмсақ металл?

2. Ой түйін кезеңі: - Үйге берілген тапсырманы сұрау, - Жазбаша түрде мәтін тексеру - Үйге берілген есептер мен тапсырмалар шығару деңгейін анықтау

3. Бағалау кезеңі

3 Жаңа тақырыпты түсіндіру (30 минут)

Металдардың қасиеттері

“Адамдар металдарсыз өмір сүре алмайды... егер металдар болмаса... адамдар жабайы аңдардың арасында ең аянышты өмір сүрген болар еді.” Георгий Агрикола

“Металдар” сөзінің өзі ертедегі гректің осыған үндес “іздеу” деген сөзінен шығуы мүмкін.Металдар адамзат қоғамына ертеден белгілі.Өркениетті өндірістің дамуына сәйкес және адамдардың металдарды игеруіне орай тарихта бүтіндей металл дәуірлерінің аты қалған. Біздің заманымыздың бас кезінде не бары 7 металл белгілі болса, XVIII ғасырда оның 17-сі ашылды.Ең алғаш табылған металдар сом күйдегі тума алтын мен мыс болатын. Металдар жай заттар ғана емес,олар химиялық элементтер.Металдар жер массасының 99%-ын құрайды.

Металдардың химиялық қасиеттері олардың атомдарының құрылысына, атап айтқанда, атом радиусының үлкендеу, валенттік электрондарының аздау болатынына тәуелді. Реакция кезінде металл атомдары өздерінің валенттік электрондарын оңай береді, сөйтіп, оң зарядты катиондарға айналып тотығады:

Me0 – ne- = Me+n тотықсыздандырғыш

Ал тотықтырғыш қызметті металл атомдары берген электрондарды қосып алатын атомдар немесе иондар атқарады. Металдардың тотықсыздандырғыштық қабілеті бірдей емес. Мәселен, натрий оттекпен лезде әрекеттеседі, ал мыс оттекпен қыздырғанда ғана реакцияласады. Мәселен, тотияйынның CuSO4 ерітіндісіне батырылған темір шеге қызғылт түсті мыспен қапталады, ал темір сульфатының FeSO4 ерітіндісіне салынған мыс шеге өзгермейді. Мыспен салыстырғанда темірдің электрондары атомдардан оңай үзіледі, өйткені темір мыстан гөрі белсендірек элемент.

Металдардың химиялық қасиеттері