Мінсіз мұғалім моделі туралы музыка пәні мақаласы

Сақтағанов Мейірбек Бауыржанұлы

Заманауи мұғалімнің келбеті

Жарық жалғанда мінсіз адам әсте болмайды ау,сірә.Десек те,заманауилықты талап ететін мамандық ол-мұғалім.Жаһандану көшіндегі ұлт тізгіні,өскелең ұрпақтың жарқын болашағы ел ертеңі,барлығы заманауи ұстаздың жұмыс атқаруына тікелей байланысты.Осы тұрғыда заманауи мұғалімі қандай болуы керек?Әрбір педагог маманының психологтық қабілеті болуы шарт.Бала ең алдымен ата-анадан тәрбие алып,ата-анаға қарап бой түзесе,өмірлік ұстанымы мен болашақ бағытын қалыптастыратын ол ұстазы.Кез-келген білім алушының көңіл-күйімен болмысына,мінез-құлқы мен тәрбиесіне қарай ішкі жан дүниесіне еніп,әрқайсымен тікелей жұмыс жасай алу мұғалімнің міндеті.

Жауапкершілік.Хакім Абай: «Ауру секілді мінезде адамнан адамға жұғады,мінез ата-анадан,ұстазынан,жанындағы жолдасынан дариды» деген.Сондықтан,әр сөзіне сауатты,әр ісіне жауапты болған ұстаз ғана болашақтың іргетасын мықтап қалары анық.

Жаңашылдық.Замана көші сынаптай сырғыған уақытпен ілесе тоқтаусыз алға ұмтылуда.Өскелең ұрпақ бүгінгі бүлдіршін көш ілгері қалмас үшін,мұғалім мойнына артылар жауапкершілік жүгі тағы еселене түседі.Заманауи технологияларды жетік меңгеру, заман талабына сай сабағын түрлендіре білу-жаңашыл мұғалімнің сипаты.Бүгінгі жаңашыл педагог-ертеңгі ұлағатты ұстаз.

Кәсіптік білім.Өз пәнін жетік меңгерген мұғалім ғана оқушының санасына білім нәрін сіңіріп,ой-өрісінің гүлденуіне,болмысының кемелденуіне себеп бола алады.Инемен қазған құдығының тұнығымен сусындандырып саналы азамат қалыптастырады.

Педагогикалық әдеп пен педагогикалық шеберлік.Таяқтың екі ұшы болатыны тәрізді, ұстаздық қызметтіңде келеңсіз кездері мен қиындықтары кездесіп жатады.Осы орайда мұғалімнің жұмысын жеңілдетіп қиындықтан алып шығар қаруы-педагогикалық шеберлігі.Әдеп мінездің ажырамас бөлігі.Кез-келген мамандық қызмет ол ұстаздың қабілет пен қасиетінен құрылған.Педагогикалық шеберлік ұстаздың қаруы десек, әдеп ұстаздың жанына жамандық жуытпас сауыты деуге болады.Қорытындылай келе айтпағым, тәуелсіз еркін елімізде бұқара халық сауаттылығы бәсекеге қабілеттілігіміз.Әлемнің екінші ұстазы болған Әл-Фараби, алғаш мектеп ашқан Ыбырай, ұлттың ұлы ұстазы Ахмет пен қазақ педагогикасының марқасқасы Мағжандардың еңбегінің жемісі.Заманауи мұғалім шыдам мен шығармашылықты,тапқырлықты,табандылықты бойына сіңіре отырып сол жұмыс арқылы болашақты болжайды.Ұстаз-болашақ бағбаны, заманауи мұғалім-болашақтың кепілі.