Монеталар тақырыбындағы математика ашық сабағы

Күні:

Сынып: 1 «б»

Қатысқандар саны:

Қатыспағандар саны:

Сабақтың тақырыбы

Монеталар

Осы сабақта қол жеткізілетін оқу мақсаттары

1тг,2тг,5тг,10тг,20тг теңгелік монеталармен әртүрлі амалдар орындайды;

Қосу мен азайтуға берілген есептерге қатысты таңдаған амалдарын түсіндіреді.

Сабақтың мақсаттары

Теңгелік монеталардың құнын түсіну, бір-бірімен салыстыру арқылы қымбат монетаны арзан монетадан ажырата білу. Монеталарды құны бойынша салыстыруға үйрету.

Құндылықтарды дарыту

Оқушыларды бір-біріне деген құрмет көрсетуіне тәрбиелеу.

Пәнаралық байланыс

дүниетану

АКТ қолдану дағдылары

Бейнежазбалар

Тілдік құзыреттілік

Заттың құны.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

5 минут

Шаттық шеңбері

Армысың досым,

Кел, маған қосыл ( қолымен шақырады)

Алақанға салып алақан,

Шеңберге бірге тұрайық( қолдарынан ұстайды)

Жер шарындай айналып,

Әлемге жарық ұқсайық (айналады)

Қолымызды көтеріп,

Күннің нұрын алайық ( қолдарын көкке созады)

Ортамызда күн нұры,

Құшаққа оны алайық ( құшақтасады)

Мұғалім :-Мынау не ?-әмиян.

-Оны не үшін қолданамыз?

( шылдырлатамын, ішінде не бар?-монеталар.

-Дұрыс, бүгінгі біздің тақырыбымыз монеталар. Әмияннан қолына түскен монетаны алып, орындарына бара қойындар.)

Топқа бөліну

( оқушылар монеталардың суреттері арқылы 4 топқа бөлінеді. Монеталар: 1тг,2тг,5тг,10тг.

1-топ,2-топ,3-топ,4-топ болады. Әр топта 6 оқушыдан

Мұғалім: Енді, балалар, ақшаларынды санай қойыңдар.

Қай топтың ақшасы көп? Неліктен?Қай топтың ақшасы аз?Неліктен?)

Монетаның саны бірдей болғанымен, құны әртүрлі. Монетада жазылған сан оның құнын білдіреді.

Мұғалім:

Сабақта теңгелік монеталардың құнын түсініп, бір-бірімен салыстыру арқылы қымбат монетаны арзан монетадан ажырата білуді үйренеміз.

Шаттық шеңбері

монеталар

Сабақтың ортасы

38 минут

Ширату жаттығулары

А) «Кім шапшаң ?» ойыны Топтық жұмыс.

Шарты: оқушыларға әртүрлі монеталары бар қапшық беріледі. Монеталарды қапшықтан алып, құны бойынша өсу ретімен орналастырады.

Ламинатталған қағаздарына жазады.

(1тг,2тг,5тг,10тг,20тг,50тг)

Әр топтан бір оқушы шығып қарсы топтың тапсырмасын тексереді.

Мұғалім: осы монеталардың ішінде қандай монета жоқ?

-100 теңге.

-Ендеше сол 100 теңгелік монетамен топ бағаланатын болады.

Ә ) «Монеталар пойызы» ойыны . Топтық жұмыс.

Шарты: әр топқа құндары әртүрлі алты монетаны алу тапсырылады. 1тг,2тг,5тг,10тг,20тг,50тг

Алдарында пойыздың вагондары тұр.

Тапсырма: теңгелерді құнының кему ретімен вагондардың ішіне орналастыру.

Топтан бақылаушы тандалады, сол бақылаушы басқа топтың жұмысын бағалайды.

Сұрақтар:

1) 5тг мен 20тг орналасқан вагонның ортасында қандай монета орналасқан? -10тг

2) құны 5теңгелік монетаның екі жағында неше теңгелік монеталар бар?-2тг және 10 тг

3) 1 тг мен 10 тг орналасқан вагондардың ортасында қандай монеталар бар?-2тг және 5 тг

4) 50тг –ден кем монеталарды ата.

Монеталардың түстері қандай болады?

-сары және ақ.

Осы монеталарға қарап отырып, қандай қорытынды шығаруға болады?

Кішісі , үлкеніне қарай құнында қандай айырмашылық бар?

Қорытынды: Түстеріне қарай «кіші монетаның құны-төмен, ал үлкен монетаның құны-жоғары болады. »

Б ) «Әмияндағы монеталар» ойыны. Топтық жұмыс.

(Әрбір топқа сурет беріледі, әмияндағы ақшаның санын салыстырады және тақтаға іліп сұраққа жуап айтады.)

Сұрақ: 1 –тапсырмадағы әмияндардағы монета саны қанша, ал құны ше?(монета саны тең, құны әртүрлі)

2-тапсырмадағы әмияндағы монета саны қанша, ал құны ше?( монета саны әртүрлі, құны бірдей)

3-тапсырмадағы әмияндағы монета саны қанша , ал құны ше?( монета саны тең, құны әртүрлі)