Мұғалімдер неліктен өзгеруі керек эссе мақаласы

«Қарашоқат ЖОББМ»КММ

Бастауыш сынып мұғалімі

Елдизерова Нургул Темирбаевна

Мұғалімдер неліктен өзгеруі керек? (Эссе)

Тұңғыш президентіміз Н.Ә:Назарбаев «Жаңа адамды жаңашыл мұғалім ғана тәрбиелейді» дегедей қазіргі заман ағымына сай тұлғаларды тәрбиелеу үшін мұғалімдер жаңашыл бағытқа өзгеруі тиіс.

ХХІ ғасыр – білімділікті, алғырлықты, жан-жақтылықты талап етеді. Ендеше біздің басты міндетіміз ой өрісі кең, зерделі, жан-жақты дамыған, парасатты ұрпақ тәрбиелеу екенін бір сәтте естен шығармағанымыз жөн.

Ұстаз – ұлағатты есім. Шәкірттеріне жан-жақты білім беріп ғана қоймай, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Сондықтан да ұстаз әрдайым қасиетті тұлға ретінде ерекшеленеді.

Мұғалім неліктен өзгеруі керек? «Қазір бой жарыстыратын емес , ой жарыстыратын заман» -дегендей Дұрыс жұмыс істеп, басқаларға үлгі бола білу үшін өзгереміз. Қазіргі заман талабына сай тұлға тәрбиелеу үшін барымызды саламыз, өз білгенімізді бала бойына сіңіртіп, жақсы тәрбиеленген, алғыр, белсенді, білімді оқушы тәрбиелеуіміз керек. Қазіргі кезде жан-жақтан берілетін ақпарат құралдары көп болғандықтан оқушылар оны тез қабылдайды. Соның салдарынан олардың тіл байлықтары дұрыс жетілмейді. Осындай кемшіліктерді болдырмау үшін оқушымен жан - жақты дұрыс жұмыстар жүргізілу қажет. Бұл орайда ақпараттық технологияларды қолданумен қатар баланың сөйлеу қабілетін де жоғалтпауымыз керек. Ұстаздар қауымы өзімізге жүктелген міндеттерге мойынсұнып, үздіксіз білім ала отырып, үздіксіз жұмыс жүргізуіміз керек. Мұғалімнің негізгі басты мақсаты - рухани бай, ізденімпаз, адамгершілігі мол тұлғаны қалыптастыру болып табылады. Қазіргі заманғы мұғалімдер информатор, бақылаушы, тексеруші, жазалаушы қызметін тастап, керісінше ізденуші, зерттеуші, технолог, өнертапқыш,шығармашылықпен жұмыс істейтін жаңашыл болып өзгеруі керек.

«Ұстазы жақсының ұстамы жақсы»-дегендей Ұлағатты ұстаздан тәрбие алған азамат білімді, саналы,жан-жақты, бәсекге қабілетті, ұлы тұлға болып өседі, өмірін дұрыс бағытқа бейімдеп, көркейтеді.

Ұстаз алдындағы басты міндет ХХІ ғасырдың есігінен еркін енетін, дүниежүзілік мəдениетті танитын, төл мəдениетін құрметтей білетін, рухани дүниесі бай, интеллектуалдық өрісі кең, білімі жоғары, білікті, жан - жақты ақпараттандырылған заман талабына сай белсенді ұрпақ тəрбиелеу.