Мұқағали Мақатаевқа арналған 8-сынып іс-шара материалы

№56 НОМ КММ

Сыныптан тыс ісшара тақырыбы:

«Мұқағали- мәңгілік ғұмыр!»

Дайындаған: Қазақ тілі мен

әдебиет пәнінің мұғаліміі

Мадет А.

2018 жыл

«Мұқағали – мәңгілік ғұмыр!»

«Өлсе өлер Мұқағали Мақатаев,

Өлтіре алмас алайда өлеңді ешкім»

Мұқағали Мақатаевқа арналған сыныптан тыс ісшара «Мұқағали – мәңгілік ғұмыр!»

Шараның мақсаты:

Ақиық ақын, артына айрықша өшпейтін із қалдырған Мұқағали Мақатаевтың өмірі мен шығармашылығына шолу жасау.М.Мақатаевтың өлеңдері мен әндері арқылы оқушыларды әсемдікке, елжандылыққа тәрбиелеу.

Видео «Туған күн» (отключить в 01:59)

Л:1-жүргізуші: Армысыздар, құрметті қонақтар ! 9 - ақпан Мұқағали Мақатаевтың туған күні. Осыған байланысты «Мұқағали-мәңгілік ғұмыр!» атты сыныптан тыс шараны бастауға рұқсат етіңіздер!

Б:2-жүргізуші:

Қуат алып Абайдың тіл-күшінен,

Жыр жазамын Абайдың үлгісімен.

Абай болып табынсам бір кісіге,

Абай болып түңілем бір кісіден,-деп жырлаған Мұқағали Мақатаев биыл 87 жасқа толып отыр. Жыл керуені алға жылжыған сайын М.Мақатаевтың артына қалдырған өшпес мұрасы жарық жұлдыздың қараңғы түн қойнауынан құпия сәулесін шашқандай жарқырай, өркендей өсіп, айшықтала түсуде. Абай үндес Мұқағалидай перзенті бар халық – шынымен бақытты халық.

Л:1-жүргізуші: Мұқағали Мақатаев Алматы облысы, Райымбек ауданында, Қарасаз ауылында 1931жылы 9ақпанда дүниеге келген.Мұқағалидың азан шақырып қойған толық аты- Мұқаметқали.Ақын 10 жасынан бастап өлең жаза бастайды. Ақын ауыл кеңесінің хатшысы, әдебиет пәнінің мұғалімі, республикалық газеттің тілшісі, қазақ радиосының дикторы, «Жұлдыз» журналының әдеби қызметкері, жазушылар одағы поэзия бөлімінің жастар жөніндегі кеңесшісі міндеттерін атқарады.

Б:2-жүргізуші:

Бүгінде ақынның өлеңдері поэзия сүйер қауымның іздеп жүріп оқитын жырына айналды. Хан тәңірдің биік шоқтығындай болған ақын өлеңдеріне кезек берейік.

”Менің анкетам" оқитын Самыкина Ирина.

Б:2-жүргізуші:

Бүгін Мұқағали жұлдызы қазақ өлеңінің аспанында ерекше нұрланып, жанып, жарқырап, көрініп тұр. Сұлтанмахмұт, Ілияс, Қасым жұлдыздарындай көзге оттай басылып, ыстық көрінетін ол жұлдызды басқаларының жұлдыздарымен шатастыру мүмкін емес.

Атырауға барсаң да, Арқа мен Алтайға барсаң да алдыңнан Мұқағали шығады, Мұқағали жұлдызы жарқырайды.

Л:1-жүргізуші:

Таулар, таулар, тауларым-ай!

Сағынысып қаппыз ғой тарланым-ай!

Таудағыдай еш жерде күн шықпайды,

Түн болмайды еш жерде таудағыдай.

Тау менің несібеме тиіпті ерек,

Мендегі шаттық бөлек, күйік бөлек.

Ақсақалдар:-Таудай бол – дейтін маған,

Таудай болғым келеді биік керек.

Осылайша тереңнен толғаған сыршыл ақын өмірден өз биігін іздеумен өтті.

Ол биігі-Туған халқы, Ана тілі, Атамекені.

Сулейменова Арианна «Отан» өлеңімен қарсы алыңыздар!

Балғабаева Дана «Үш бақытым» өлеңі.

Б:2-жүргізуші:

Махаббат бүгін және қарамады,

Қарамады...

Жанымды жаралады.

Шәміл-ау,

Білесің бе?

Шын махаббат

Осылай қарамаудан жаралады! Иә, нәзік жанды ақынның жүрегінің шынайы іңкәрлік сезімі махаббатқа ұласады.

Л:1-жүргізуші:

Ия, махаббат әлемін Мұқағалидай жырлаған адам кем де кем шығар. Ол «нағыз махаббатты армандады», ол махаббатқа бас иді, оның кеудесі сарқылмас сағынышқа толы, ал сағына білген адам сүйе біледі, сағына білген адам өзге жанды түсіне алады, жұбата да алады.Олай болса «Махаббат диалогын»тыңдасақ. Орындайтын Беспалов Данил және Кербер Анастасия.

Музыка махаббат диалогы (отключить в 00:18)

Б:2-жүргізуші:

Шетінен өлең-жыры шұғылалы,

Әр қырын, біз түсініп болған жоқпыз, ұғып әлі.