Мұқағали Мақатаевтың Үш бақытым өлеңі, 3-сынып ашық сабақ

Астана қаласы

№67 гимназияның

Бастауыш сынып мұғалімі

Бектемирова Гульнар Аскаровна

3-сынып

Пәні: әдебиеттік оқу

Тақырыбы: «Үш бақытым» Мұқағали Мақатаев.

Сабақтың тақырыбы: Мұқағали Мақатаев. «Үш бақытым»

Сабақтың мақсаты:

Өлеңді түсініп оқып, өлеңнің мағынасын түсінеді. Өз ойын дәлелдеп айтады.

Ресурстар

Оқулық, суреттер, топқа бөлуге арналған мақал- мәтелдер, топтық тапсырмалар, жеке тапсырма.

Әдіс-тәсілдер

Сұрақ-жауап, әңгімелеу, түсіндіру, көрнекілік. АКТ

Психологиялық ахуал

«Қалауым, күтерім, тілегім» тренингі.

Бүгін сабақтан не қалаймыз, не күтеміз және бір-бірімізге не тілейміз?

Жақсы тілек тілеп, көтеріңкі көңіл күймен сабағымызды бастайық.

Үй тапсырмасын сұрау

«Ортадағы қалам» әдісі арқылы дәптерге жазған «Менің туған жерім» тақырыбында шағын шығарманы орнында дәптерден оқиды және салып келген суретін тақтаға іліп, не салғанын түсіндіреді.

Қызығушылық-ты ояту

Балалар, біздің туған жеріміз қалай аталады?- Қазақстан Республикасы.- Қазақстан – біздің Отанымыз. Отанымыздың жері ұлан байтақ. Біздің Отанымыз күннен-күнге көркейіп келеді. Біз Отанымызбен мақтана аламыз. Қазақтың белгілі жазушысы Ғабит Мүсірепов «Қазақ деген ел- бостандықты, азаттықты, даланы, таза ауаны, таза суды, таза көгалды сүйетін халық» деген екен. Олай болса, біз осындай елде өмір сүруге тиістіміз.

Топтастыру.

Топтағы оқушыларға сандық ұсынылады. Сол сандықтың ішінен жеке сөздерден мақал-мәтел тапсырылады.

1-топ

Туған жердің ауасы да шипа,Туған жердің жуасы да тәтті.

2-топ

Тіл мәртебесі – ел мәртебесі.

3-топ

Отаны бірдің жүрегі бір,

Жүрегі бірдің тілегі бір.

4-топ

Бақыттың кілті - еңбекте.

Ал, жақсы балалар, енді сендердің ойларыңша «бақыт» деген не?

(Балалар топтастыру жұмысын жүргізеді.)

Бақыт

Мағынаны тану

Бүгін, біз осындай Отанын, елін, халқын, тілін жырлаған ақиық ақынымыз жыр тұлпары, жыр дүлдүлі, дарынды тұлға, ақиық ақын Мұқағали Мақатаевтың «Үш бақытым» өлеңімен танысамыз. Олай болса автор жайында не білеміз?

- Мұқағали Мақатаев кім? (Оқушы жауабы тыңдалады)

М.Мақатаев туралы мағлұмат (слайд)

Үнтаспадан «Үш бақытым» өлеңі тыңдалады.

Міне, ақын өзінің үш бақытын асқақ сезіммен, мақтанышпен жырлады. Енді өзіміз оқып, өлеңмен жақын танысайық.

1. Өлеңді топ ішінде оқу. 2. Әр топтан бір оқушы мәнерлеп оқу.