Музыка сабағында дидактикалық материалдарды қолдану

Музыка сабағында дидактикалық материалдарды қолдану тәртібі

Рысбаева Гульнар Бисултановна

Н.Островский атындағы мектеп- лицейі

музыка пәнінің мұғалімі

Музыка өнерінің мақсаты- жастарды өнер құндылықтарын жасауға қатыстыру, олардың бойына белгілі бір адамгершілік- эстетикалық мідениетті, көркемдік шығармашылық әдетті тәрбиелеу. Осы мағынада алғанда музыкамен қалыптасқан эстетикалық категория ретіндегі үлесімділік ұғымына жақын келеді. Музыкалық тәрбиенің негізгі мәні, мақсаты сапалық жағынан жеке рухани байлығын дамыту болып табылады. Музыкалық тәрбие беруде оқытушының алдына негізгі үш міндет қойылады.

Бірінші міндет: музыкалық әртүрлі іс-әрекеттер арқылы білімгерлердің сезімін ояту

Екінші міндет: музыканы сезім арқылы түсінуге болады

Үшінші міндет: музыкалық шығарманы өз шамасына қарай орындау білуге үйретуде орындаушылық дағдыны меңгерту.

Баланы жастайынан өнерге баулып, музыка әлемімен таныстыру, оны сезіндіріп ән айтқызып, күй тартқызудың мақсаты- осы күні етек жая бастаған халқымыздың асыл қазынасын, дәстүрлі ән- күйлерін бойларына сіңіре білу, олардың эстетикалық талғамын жан- жақты байытып, дамыту- бүгінгі таңда өте маңызды мәселеге айналып отыр.

Музыка тілі- басқа өнер саласымен салытырғанда күрделі тіл екендігі белгілі. Себебі: музыкалық шығармадағы мәнерлеу құралдарын көзбен көру мүмкін емес. Музыкалық шығармадағы барлық оқиға жемісі дыбыс үнінің құдыретті тілі бойынша беріледі. Музыка өнерінің ерекшеліктерінің бірі- тілмен жеткізе алмайтын, адамның жан дүниесіндегі құбылыстарды дыбыс арқылы өрнектеу. Музыка сезімге әсер етіп, адамның қиялы мен көңіл күйіне байланысты қабылданады.

Әсем ән мен тәтті күйден, өнер атаудан ләззат алып, адамгершілік биік мұраттарға ұмтылады. Білімгерлердің музыканы қабылдауы негізінен музыка сабағында қалыптасады. Ал музыка сабағының рухани дүниесі жан-жақты дамыған, салауатты өмір салтын берік ұстаған өз халқының өнеріне, оның ішінде дістүрлі музыкалық өнеріне дұрыс көзқараспен қарайтын жеке адам тәрбиелеу болып табылады.

Музыкалық материалды игеру үстінде білімгерлерге гармония жөніндегі түсінікті, эстетикалық қабылдауды қалыптастыратын нақты педагогикалық тәсілдер қажет. Оқытушыға жаңа технологияның ғылыми негізінде меңгерту және терең білімді, ұлтжанды ұрпақ тәрбиелеу қажет. Білім берудің мақсаты оның ұйымдастырушылық құрылымы, технологиялық жағынан жабдықталуы, оқыту әдістемесі қоғамның әлеуметтік сұранысынан туындайды. Бұған дейін білім беру үрдісінің негізгі бөліктері оның мақсаты, формасы, әдісі, оқыту көрнекілігі болса, бүгінде жаңа технология бойынша оқып үйрену, меңгеру, өмірге ендіру, дамыту болып өзгерген.

«Нені оқыту керек?» деген сұраққа мемлекеттік білім беру стандарты жауап берсе, «Қалай оқыту керек?» сауалына жауапты тек оқытушының кәсіптік дамығанынан жаңа технологияны пайдалана білуінен, өзінің нақты мақсатын оқытушының педагогикалық үдірістерді ұйымдастыру барысында ескерілетін тәрбиелеу, оқыту заңдылықтары мен ұстанымдарында ерекше көрінеді. Әрбір оқытушы тиімсті…