Музыкалық аспаптар әлемі ашық сабағы мектепке дейінгі балаларға

Ашық оқу іс-әрекетінің технологиялық картасы

Өткізілетін күні: 28.11.18ж.Музыка жетекшісі: Стамкулова А.Ж.

Білім беру саласы: «Шығармашылық»

Ұйымдастырылған оқу іс-әрекеті: «Музыка»

Тобы: Ортаңғы «Гүлдер» тобы

Тақырыбы: «Музыкалық аспаптар әлемі» Мақсаты: Балаларды қазақтың ұлттық аспаптарымен таныстыру аспаптардың әуендерін тыңдатып және оларды ажыратып, айта білуге үйрету.Балаларға аспаптардың атауларын айтқыза отырып, есте сақтау қабілеттерін, сөздік қорын байытып, тілін дамыту. Қазақтың ұлттық өнеріне деген көзқарастарын кеңейту өз дәстүрін қастерлеуге тәрбиелеу.

Әдіс-тәсілдері: түсіндіру, сұрақ-жауап, ойын, әңгімелеу

Көрнекіліктер: аспаптар суреттері, презентация, үнтаспа

Билингвалдық компонент: музыкалық аспап-музыкальный инструмент

Іс-әрекет кезеңдері

Музыка жетекшісінің

іс-әрекеті

Баланың

іс-әрекеті

Мотивациялық қозғаушы

Балалар әуенмен залға кіріп, билеп орындарына тұрып амандасады.

«Ғажайып жылулық шеңбері»

Алақанды ашайық

Күннің көзін жасайық

Таза ауаға қол сермеп

Жүрек жылуын жасайық

Мейірімділік шоғын біз

Бір- бірімізге шашайық!

Сәлеметсіздерме! Здравствуйте!

Good morning!

Балалар залға саппен кіріп амандасады.

Сәлеметсіздерме!

Здравствуйте!

Гудмонинг!

Іздену ұйымдастырушы

Сіздерді көргеніме өте қуаныштымын! Бүгінгі көңіл күйлеріңіз қалай?

Балалар қараңдаршы біз бүгін «Музыкалық аспаптар әлемінде» қонақтамыз. Кім біледі аспаптар дегеніміз не? Оларға нелер жатады? Дұрыс айтасыңдар. Бұл әлемде шулы, үрмелі, ұрмалы, ішекті аспаптар өмір сүреді. Олар тамаша әуендерді сүймелдей алады. Олардың даңқы бүкіл әлемге танылған. Ендеше балалар мен сіздерге аспаптар жайлы айтып берейін. Сіздер мұқият тыңдаңыздар!

Домбыра: Қазақ халқының тұрмысында кең тараған музыкалық аспап .Екі шекті домбыра бұрынғы заманда ән,жыр,ертегі,аңызды сүйемелдеу үшін ғана қолданылған болса,қазір жеке шығармалар орындайды. Домбыраның екі шегі, екі құлағы, тиегі және мойнында 19-22 пернелері болады.

Қылқобыз: ысқышпен ойналатын қос ішекті музыкалық аспап. Халық арасындағы аңыздарға қарағанда қылқобыздың пайда болуы сегізінші ғасырда өмір сүрген күй атасы Қорқыттың есімімен байланысты. Қобыз дөңгелек,шұңғыл, бос ыдысқа ұқсайды. Үстіңгі жағында ағаш сабы бар басы жүрек бейнелес. Төменгі жағы тізеге тіреу үшін ұзын таяққа бекітілген.

Жетіген: жеті ішекті ,шертіп ойналатын музыкалық аспап .Бұрауы жоқ.Сондықтан оның құлақ күйі жеті асықты ілгерілі –кейінді орналастыру арқылы келтіреді.

Сыбызғы: ерекше жаттағуды талап ететін аспап.Түтігінің жоғары аузын маңдай тіске тақап, ерін мен тілдің көмегімен түтікке тербелген ауа толқыны белгілі бір қысыммен бағытталады.Осының нәтижесінде ызыңдаған үн шығады.Бұл үн тесіктер арқылы музыкалық жүйеге келтіріледі.

Сазсырнай: үрмелі аспаптардың бір түрі.Ол уілдеуіктер қатарына жатады.Уілдеуік деп үрмелі аспаптардың бір тобын атайды.Аспаптардың бұл тобына жататындары сазсырнай, қамыссырнай. Даусының үндік бояуы ұқсас болғанымен ,бұл аспаптарды сыртқы құрылысы арқылы бір-бірінен айыру қиын емес.Сазсырнай кішкентай балалардың сүйіп ойнайтын аспабы.

Асатаяқ: халық арасында ерте заманнан пайдаланып келе жатқан көне музыкалық аспап.Асатаяқты ырғақтатып сілкілеп ойнайды.Оған түрлі әшекейлі қоңыраулар, шығыршықтар іледі.