Нан дастарханға қалай келеді сабақ жоспары

Тақырыбы:«Нан дастарханға қалай келді?»

Ұйымдастырылған оқу іс-әрекеті: қоршаған орта,ағылшын тілі,сауат ашу.

Мақсаты:

Білімділік:Балалардың астық өнімі туралы білімдерін кеңейту.«Бір үзім нан» ертегісі бойынша үш тілді меңгеруге үйрету.

Дамытушылығы:Бидай дақылдарын зерттей отырып,одан не алынатынын нанның дастарханға келу үрдісін әңгімелеу,шығармашылық қабілетін дамыту.

Көрнекіліктер:Бидай дәндері,нан түрлері нанның дастарханға келу жолы бойынша суреттер,комбаин,т.б.

Оқу іс-әрекет барысы:Бүгінгі ұйымдастырылған оқу іс-әрекет тақырыбы «Нан дастарханға қалай келді?».Ғылым орталығында нанның дастарханға қалай келгенін айту,«Ойын» орталығында бидай дәндеріне жауап беріп,бидай құрастыру,«Көркем әдебиет» орталығында Бір үзім нан ертегісін әңгімелеу,«нан»сөзін қазақша нан орысша «хлеб»,ағылшынша «bread» 3 тілде жазып үйрену.«Өнер» орталығында нанға байланысты өлеңдер,тақпақтар айту,«Қайдан келдің бауырсақ?» ертегісін рөлге бөліп оқу.

Шаттық шеңбері:Қуанамын мен де,

Қуанасың сен де,

Қуанайық достарым,

Арайлап атқан күнге,

Күніміз сәтті өтсін.

Біз бүгінгі сабағымызды орталықтарға бөлеміз.

1.Ойын орталығы:Бұл орталықта дәндер артындағы тапсырмаларды орындатып,бидай құрастырамыз.

1.Табиғаттың неше түрі бар?

2.Жанды табиғатқа не жатады?

3.Жансыз табиғатқа не жатады?

4.Жол қозғалысын көшеде реттейтін сенің көшеден өтуіңе көмектесетін не?

5.Қандай байланыс құралдарын білесіңдер?

6.Қандай көлік түрлерін білеміз?(әуе,су,жер)

-Жақсы балалар қайталау сұрақтарына жауап бердік.Не құрастырдық?(Бидай)

2.Ғылым орталығы.

Нандай жоқ қой асыл дән

Жеп үйренген жасыңнан.

Дастарханнан нан кетсе,

Береке кетер асыңнан.

-өлең не туралы?

-Нан.

Балалар нанның бірнеше түрлері бар:ақ бөлке,қызыл күреңтоқаш,сап-сары бауырсақ та бар екен.

-Ал осы нанды неден пісіреміз?

-Ұннан.Енді сол ұн қайдан шығатынын нанның дастарханға қалай келетінін бүгінгі сабағымызда білетін боламыз.Мынау бидайдың сыртындағы қауызын аршитын болсақ дән шығады.Ол дәнді ұнтақтаса ұн пайда болады.Нан-дәм басы сондықтан дастарханға ең алдымен нан қоямыз.Диқаншы көктемде трактормен жер жыртып,тұқым себеді.Оның арамшөбін жұлып,зиянкестерге дәрі сеуіп,суарып күтіп баптайды.Күзде сары алтындай жайқалып бидай өсіп шығады.Диқаншы-егін шаруашылығымен айналысатын адам.Егін даласына комбаин шығып,егінді орып,жинап бастырады.Комбаин-дәнді дақылдарды жинап бастыруға арналған машина.Оны жүк машинасымен тасиды,қырманға әкеліп тазалап кептіреді.Содан соң элеваторға жібереді.Элеватор-бидай сақтайтын қойма.Одан диірменге жіберіп,одан ұн тартады.Диірмен дәнді дақылдарды тартып,ұн шығаратын кәсіпорын.Ұнды қапқа салып наубайханаға жібереді.Онда наубайшылар ұннан нанның әр түрін пісіріп,дүкендерге жібереді.Мамаларың сол ұннан бауырсақ,шелпек,тоқаш,т.б пісіреді.Осылайша наубайханада нан пісіретін адам.Осылайша нанның…