Нан дастарқанға қалай келеді танымдық материалы

Сабақтың тақырыбы: Нан дастарқанға қалай келеді?

Сабақтың мақсаты: 1. Диқаншылардың еңбегі туралы балалардың түсініктерін қалыптастыру. Жердің үнемі қамқорлықты қажет ететінін әңгімелеу.

2. Өсімдікке өсіп-өну үшін ауа, су, жарық жылу қажеттігін түсіндіру арқылы зейіндерін дамыту.

3. Диқан еңбегіне құрметпен қарауға тәрбиелеу.

Сабақтың түрі: Ашық сабақ.

Көрнекіліктер: Комбайн, егіс алқабының суреттері.

Сабақтың әдісі: Түсіндіру, көрнекілік, сұрақ-жауап.

Сабақтың барысы:

I. Ұйымдастыру кезеңі:

а) амандасу, түгендеу. ә) Психологиялық жаттығу.

Біз қандаймыз, қандаймыз, Шұғылалы таңдаймыз. Жарқыраған күндейміз, Ренжісуді білмейміз. 1. Оқушылардың назарын сабаққа аудару.

2. Сабақ құралдарын түгендеу.

II. Жаңа сабақ.

1. Ә. Ахметовтың нан туралы өлеңін оқып, мағынасын түсіндіру.

Анасы, баласы, Дүкеннен нан алып, Көңілді келеді, Үйіне оралып. Нан бірақ өспейді Дүкеннің төрінде. Тек еңбек-ісі игі Жеткізер өнімге.

2. Нанның дастарқанға дейін келу жолдарын әңгімелеу.

Нан дүкенге қайдан келеді?

Педагог дайын желілі суреттерді ретімен тақтаның жан - жағына қойып,

Бидай дәнінен нан жасалынғанына дейін ұзақ та қиын жолдан өткені жайлы әңгімелейді. (Педагог трактор, диқан, комбайн, элеватор,

диірмен сөздерін алдын - ала таныстырады)

- Алдымен трактормен жерді жыртады.

- Ол жерге бидайдың дәндерін тастайды, бірнеше күндерден кейін дәндер өсе бастайды.

- Бидайдың сабақтары пайда болады.

- Оны диқандар үнемі суарып отырады.

- Мезгілі жеткенде бидайды комбайндармен орады және үстерінен бастырады.

- Машинамен элеваторға тасиды.

- Бидайды диірменге апарып тартады.

- Аппақ болып ұн дайындалады.

- Қап - қаптармен ұнды наубайханаға тасиды.

- Онда ұн иленіп, нан пісіріледі.

- Нан таситын машиналармен дайын нанды дүкенге әкеледі.

Дүкенде нанның бірнеше түрлері: бөлке, батон, бауырсақ, печеньелер, тоқаштар, торттар сатылымға шығады.

-Көрдіңдерме балалар нан дастарқанға үлкен еңбекпен келеді екен.

3. Нанның ас атасы, береке-бірлік, тоқшылық, молшылықтың белгісі екенін, нанды қастерлеу керектігін түсіндіру.

III. Сергіту сәті.

Нан уағын шашпаңдар, Жерде жатса баспаңдар. Теріп алып қастерлеп, Торғайларға тастаңдар.

IV. Дәптермен жұмыс.

1.Сурет бойынша нанның дастарқанға келу жолын ретімен цифрмен көрсету және қалай келетіндігін әңгімелеу.

2.Нан туралы мақал-мәтелдер айту, мағынасын түсіндіру.