Өмір шексіз керуен сабақ жоспары 11 сыныпқа

Мерзiм: 05.09.2017 ж Сынып: 11 Сабақ № 1

Мұғалім: Джусупкалиева А.У.

Оқушы саны:

Тақырып: Өмір - шексіз керуен

Құндылық: Дұрыс әрекетҚасиеттер: Өмірді сүю, адамгершілік, шешім қабылдай білу.Сабақ мақсаты: Адам өмірінің сипаты мен тірлігі туралы айта келіп, дұрыс әрекет құндылықтарының мәнін ашу.

Міндеттері:

Білімділік: Оқушы бойында өмірге деген сүйіспеншілікті қалыптастыру.2. Дамытушылық: Адамгершілік қасиеттерін дамыту.

3. Тәрбиелік: Қандай қиын сәттерде болмасын дұрыс шешім қабылдай білуге тәрбиелеу.

Сабақ барысы:

Сабақтың жоспарланған кезеңдері

Сабақтағы жоспарланған іс әрекет

Ресурстар

Ұйымдастыру кезеңі

Жағымды күйге ену, тыныштық сәті

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ – қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін. Елестетіп көріңіз: Күн нұры сіздің төбеңізден өтіп, кеудеңізге қарай бойлап барады.Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек – қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі.Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады.Олар нұр мен махаббат құралына айналды. Одан әрі нұр сіздің ауызыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздеріміздерге де жетті, көзіміз тек жақсыға қарап, бәрінен жақсылықты ғана көреді.Сіздің басыңыз түгелдей нұрға бөленіп, басыңызға тек ізгі, сәулелі ой келеді. Нұр бірте – бірте қарқынмен шұғылана бастайды, сіздің денеңізден шығып, жан – жағыңызға сәуле шашады. Осы нұрды туысқандарыңызға,мұғалімдеріңізге,достарыңыға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардыңда жүрегі нұрға толсын. Осы нұр бүкіл әлемге: барлық адамдарға, жан – жануарларға,өсімдіктерге, барлық тірі жанға таралсын.....Ғаламның барлық түкпір – түкпіріне нұр бағыттаңыз.О

Енді осы нұрды жүрегіңізге орналастырыңыз.Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Жайлы,баяу музыка қойылады

Үй тапсырмасын тексеру

С.Мұратбековтың «Отау үй» әңгімесін оқып талдау. " Өмір шексіз керуен" тақырыбына берілген ой- толғауларды басшылыққа ала отырып, өмір туралы өз түйгеніңізді ортаға салу.

Өмір деген не?

Адам өмірге не үшін келеді?

Сен өз өмірің туралы не ойлайсың?

Дәйексөз

Жеңген адам мін мінезін өзінің,

Танытады өз қайратын , өз үнін.

Ж.Молдағалиев

Адам өз мінезін түзету үшін не істеу керек?

Сен өз мінезіңнің қай тұстарын өзгертер едің?

Әңгімелесу немесе мұғалімнің сыйы

Ғибратты әңгіме «Стакан емес, бұлақ бол»

Бір ғұлама шәкіртінің әр нәрседен үнемі шағымданып жүретінін көріп қалады. Содан бір күні ол шәкіртті шақыртып алып, тұзға жібереді. Үнемі зарланып жүретін шәкірт тұз алып келген кезде қария оған бір уыс тұзды бір стакан суға ерітіп іш дейді. Шәкірт бұлжытпай айтқанын орындаса да, тұзды суды көп іше алмай түкіре бастайды. «Дәмі қалай екен?» деп сұрайды қария. Шәкірті «Ащы» деп жауап береді ызаланып. Ғұлама шәкіртті қолынан ұстап, жақын жердегі бұлаққа алып барады. Бір уыс тұзды суға қосып, сол судан да ішіп көруін сұрайды. Бұлақтың мөлдір суын ішкен шәкірттен қайтадан судың дәмін сұрайды. «Tәтті» дейді шәкірт. «Тұздың дәмін сездің ба?» сұрағына да, «жоқ» деп жауап береді. Осы кезде ғұлама: «Өмірдегі қиындықтар осы тұз тәрізді, аз да емес, көп те емес – үнемі бірдей мөлшерде. Байқағаныңдай тұздың ненің ішіне қойылғандығы ғана маңызды. Сол сияқты, өмірдегі проблемалардың да ащы болып болмауы тек сенің сезімдеріне байланысты. Стакан емес, бұлақ болуға тырыс«, – деген екен.

Ұстаз шәкіртін қандай жолмен тәрбилегісі келді?

Ғибратты әңгімеден адам бойында болу керек қандай қасиеттерді байқадыңдар?

Өмірге өкпелеген досыңа сен ұандай кеңес берер едің?

Интернет желісінен

Шығармашылық жұмыс

Үш топқа тапсырма (постер қорғау)

1. «Өмір деген не?» сұраңына жауап жазу

2. Өмірдің шуақты жақтары

3. Өмірдің көлеңкелі тұстары

Маркер, плакат

Топпен ән айту