Өмірді танып білу құштарлық тәрбие сағаты

Өмірді танып білу құштарлық

Тақырыбы: Өмірді танып білуге құштарлық

Мақсаты: «Өмір» ұғымының адамгершілік құндылық ретіндегі мәнін ашу.

Міндеттері:-өмірді тану туралы түсініктерін кеңейту;

-өмірді танып білуге қызығушылықтарын арттыру;

-өмірді сүюге, жақсы өмір сүруге тәрбиелеу.

Көрнекі құралдар: оқулық, дәптер, үнтаспа,сызба

Шаттық шеңбері

Шеңбер бойымен тұрып,сәлемдесу

Күндей жадырап,Айдай арайлап,Жұлдыздай жарқырап,Судай таза көңілмен тәрбие сағатымызды бастаймыз.

Өзіммен-өзім

-Балалар,ыңғайланып,еркін отырыңдар.Көздеріңді жұмуға да болады.Бізге күн жарқырап,сәулесін мол төгіп тұр. Ауа тап-таза.Көгілдір аспан. Құстар сайрап жүр.Бәріміз осы ашық аспан аясында, бейбіт елде өмірге келгенімізге қуанышты, болашағына сеніммен қараймыз. Осындай ниетпен бұрынғы қалпымызға келейік.

Әңгімелесу

-Өмірді тану не үшін қажет?

-Өз қызығушылықтарың туралы әңгімелеп беріңдер.Әр тәрбие сағатынан алған тәрбиелеріңді ортаға саламыз.

Тапсырма

«Өмірді танып білгім келеді» тақырыбына әңгіме құрастыру.

Мәтінмен жұмыс

«Ата өсиеті» әңгімесін айтамын, сұрақ қою арқылы оқушыларды да әңгімеге қатыстырамын.

Түйіндеме

Мұратқа жету жолын білуге арналған түйіндеме ұсынылады.

Дәйексөз

Тақтаға: «Өзіңді танығың келсе, адамдарға, олардың ісіне қара» деген өсиет сөзіне балалардың назарын аудару, мәніне тоқталу,түсіндіру.

Жаттығу-ойлану

3-топқа бөліп, сұрақтарға жауап алу.

1-топ: Өмірде кімдердің көмегін, қамқорлығын сезіндіңдер?Олардың өмір сүруге қандай көмегі бар?

2-топ: Өз бойыңнан адамның қандай жақсы қасиеттерін сезініп білдіңдер? Өмірде қандай жағдайда сол қасиеттеріңнің септігі тиді?

3-топ: Өмірді сүю неге жетелейді?Адамға өмірді танып білу не үшін қажет?

Жаңа ақпарат

«Адам айналасын танып білу арқылы өмірге құштарлығы артады. Өз болашағына сенімді болады»

Дәптермен жұмыс

1-тапсырма: «Менің бақытты болуым үшін» тақырыбына қысқаша әңгіме

2-тапсырма: «Бақытты балалық шақ» тақырыбына сурет салу

Қорытындылау

Оқулықтағы қоржында берілген түйінді сөздерді пайдаланып, сабақты қорыту.

Жүректен жүрекке

-Бүгінгі тәрбие сағатынан білгеніміздей өмірді сүю,оған құштар болу-бақытты, жақсы өмір сүруге көмектеседі.