Өмірді танып білуге құштар 3-сынып материалы

Өзiн-өзi тану сабағының жоспары

Тақырыбы: Өмірді танып білуге құштарлық

Құндылық: Ақиқат Қасиеттер: жақсы өмір, өмірге құштарлық,

Cынып 3

Сабақтың мақсаты: Өмірді танып білуге оқушылардың құштарлығын арттыру арқылы ақиқат құндылығының мағынасын ашу

1. Білімділік: Өмірді тану туралы түсініктерін кеңейту

2.Дамытушылық: Өмірді танып білуге құштарлықтарын арттыру

3. Тәрбиелік:Өмірді сүюге ,жақсы өмір сүруге тәрбиелеу

Ресурстар: (құралдар, мәлiметтер)

интерактивті тақта

плакат

Сабақ барысы:

1. Ұйымдастыру кезеңi.

Тыныштық сәтi. № 2 «Демалу жаттығулары»

2. Үй тапсырмасын тексеру.

Өзін –өзі танудан не үйренгілерің келетінін дәптерде берілген алтын балықтан сұрап,сол тілектеріңді бос жолға жазып келу берілген. Оқушыларға дәптерлерінен оқытамын.

Сабақ барысын талқылау:

3. Дәйексөз.

«Өзіңді танығың келсе,адамдарға, олардың ісіне қара »

Фридрих Шиллердің сөзіне балалардың назарын аудару, оның мәнін сұрақтар арқылы ашамын.

Өзіңді тану үшін не істеу керек?

Адамдардан не үйренсің?

Әңгiмелеу (сұхбат). Адам ұзақ ,жақсы ,бақытты өмір сүру үшін өмірді сүю керек. Ал өмір өзінен ,айналасындағы адамдардан, қоршаған табиғаттан, Отаннан және олармен қарым –қатынас жасаудан құралады.Сол себепті де адам осы айтылғандардың барлығын сүюі, сыйлауы қажет.Адам өмірге қандай болып келсе, өзін сол табиғи күйінде қабылдауы тиіс, жасандылық адамға жат қасиет. Өмірге адам болып келген соң, өмірдің қуанышын, бақытын,жақсылығын сезіну керек. Өйткені өмірді жақсарту, бақытты өмір сүру өз қолымызда. Олай болса , «Ата өсиеті» деген әңгімені тыңдап көрейік.

Ата өсиеті

Нұртастың көңілі қашанда өзіне –өзі қанағаттанған емес. Оған өзінің айтар себептері көп. Сыныптас құрбыларынан бойы әлдеқайда аласа, дене бітімі толық, көзі қысыңқы, мұрны пұшық, мінезі тұйық. Өзіне –өзі «Менің бойым неге Серіктің бойы сияқты ұзын, көзім неге үлкен.», «Мен не себепті қыр мұрынды емеспін?», «Мен неге Алмас сияқты көп балалармен араласып, ашық сөйлесіп кете алмаймын?» сияқты сұрақтар қойып, жауабын таба алмай әуре – сарсаңға түседі. Уақыт өткен сайын балалардан бөлініп , жеке- дара жүретінді шығарды. Нұртастың бұл әрекетін көрген әкесі:

Нұртас соңғы кезде өзгеріп кеттің. Бір жерің ауырып жүр ме? Әлде басқа себептері бар ма? – деп сұрағанда да сыр шертіп ештеңе айтпады.