Өмірді танып білуге құштарлық сабағы, 3-сынып

Класс: 3 Күні: Бекітемін: 2

Тақырыбы: ӨМІРДІ ТАНЫП БІЛУГЕ ҚҰШТАРЛЫҚ

Мақсаты: «Өмір» ұғымының адамгершілік құндылық ретіндегі мәнін ашу.

Міндеттері:

Өмірді тану туралы түсініктерін кеңейту;

Өмірді танып білуге қызығушылықтарын арттыру;

Өмірді сүюге, жақсы өмір сүруге тәрбиелеу.

Көрнекі құралдар: оқулық, дәптер, үнтаспа, сызба.

Ұйымдастыру кезеңі

Тыныштық сәті:

Су асты патшалығына ойша саяхат.

Үй тапсырмасын тексеру.

«Алтын балық». М.Төрежанов.

Сендер кедейдің орнында болсаңдар, не істер едіңдер?

Сендер алтын балықтан қандай тілек сұраған болар едіңдер?

Кедей не себепті бірінші тілегіне денсаулық сұрады деп ойлайсыңдар?

Адал ниет дегенді қалай түсінесіңдер? Неліктен кедей екінші тілегіне адал ниет сұрады деп ойлайсыңдар?

Таудай талап дегенді қалай түсінесіңдер? Кедей неліктен екінші тілегіне таудай талап сұрады деп ойлайсыңдар?

«Қайырымсыз мыңнан – қайырымды бір артық» дегенді қалай түсінесіңдер?

Не үшін балық «Құдайым бала берсін, бала берсе сана берсін» деген ақылды байдың есіне түсіреді?

Байдың бақытты бола алмауы, байлығына ие бола алмау себебі неде деп ойлайсыңдар?

Дәйексөз.

«Өзіңді танығың келсе, адамдарға, олардың ісіне қара». Фридрих Шиллер.

Әңгімелесу.

Өмірді тану не үшін қажет?

Өз қызығушылықтарың туралы әңгімелеп беріңдер.

Тапсырма.

«Өмірді танып білгім келеді» тақырыбына әңгіме құрастыру.

Мәтінмен жұмыс.

«Ата өсиеті».

Нұртастың ойына деген көзқарастарың қандай?

Қария «өмірді сүю керек» дегенді не үшін айтты? Осы сөздің мағынасын қалай түсінесіңдер?

Әңгімені қалай жалғастырар едіңдер?

Түйіндеме.

Мұратқа жету жолын білуге арналған түйіндеме ұсынылады.

Жаттығу-ойын.

Әр топ өз сұрақтары бойынша плакаттағы сұлбалар сызбасына жауаптарын жазып шығады.

1-топ. Өмірде кімдердің көмегін, қамқорлығын сезіндіңдер? Олардың өмір сүруге қандай көмегі бар?

2-топ. Өз бойыңнан адамның қандай жақсы қасиеттерін сезініп білдіңдер? Өмірде қандай жағдайда сол қасиеттеріңнің септігі тиді?

3-топ. Өмірді сүю неге жетелейді? Адамға өмірді танып білу не үшін қажет?

Жаңа ақпарат.

Адам айналасын танып білу арқылы өмірге құштарлығы артады. Өз болашағына сенімді болады.

Топпен ән айту.

«Біз өмірдің гүліміз». Сөзін жазған Ә.Дүйсенбиев. әнін жазған Б.Ғизатов.

Дәптермен жұмыс.

1-тапсырма. «Менің бақытты болуым үшін» тақырыбына қысқаша әңгіме құрастырыңдар.