Өмірдің алтын кілті сенде ғана тәрбиелік сценарийі

Өмірдің алтын кілті сенде ғана

(слайд жүріп тұрады)

1-жүргізуші – Еслам Оразбай

2-жүргізуші – Біржан Аяжан

1-жүргізуші: Адамзаттың нұр құйған санасынаМейірімін сезінсең табасың мәнЖақсы үміт күтетін баласынанСәлем, барша әлемнің анасына!

2-жүргізуші: Армысыздар, аяулы аналар, құрметті ұстаздар, гүлдей құлпырған қыздар! Барлығымыз асыға күткен көктемнің алғашқы күндерімен бірге 8 наурыз Халықаралық әйелдер күні де келіп жетті. Бұл - бір қолымен бесікті, екінші қолымен әлемді тербеткен аналар мен нәзік жанды қыздар қауымының төл мерекесі.

1-жүргізуші: Ана әрбір адамның жарық дүниедегі ең жақыны, жанашыры, қадірлісі, қамқоршысы, ақ сүтін емізіп аялаған, жанын да аямаған ардақтысы. Мен ана деген сөзді қанша айтсам да жалықпаймын. Өйткені ол дүниедегі ең ардақты жан.

2-жүргізуші: Ана баланы тоғыз ай көтеріп, толғатып, дүниеге келтіріп қана қоймайды, оны көзінің қарашығындай қорғап, аялап өсіріп аяғынан тік тұрғызады. Өмір есігін жаңа ашқан баланың бойына елінің рухын сіңіретін, жылауын қойғызатын ана. Ана баланың амандығын бақытты, абыройлы болуын тілейді. Бойымыздағы ең жақсы қасиеттер бізге алдымен анадан тарайды.

1-жүргізуші:Өмірдің иесі сен, Ғазиз ана,Келтірген дүниеге нелер дана.Анасыз батыр да жоқ, ақын да жоқ,Өмірдің алтын кілті сенде ғана!

2-жүргізуші: Сенен өскен балалар,

Батырлар мен даналар.

Құттықтаймыз мейраммен,

Құрметті, жан аналар!

1-жүргізуші: Алғашқы мерекелік құттықтау сөзді мектеп Сиванбаев Мұрат Серғалиұлына береміз.

1-жүргізуші: Ана десем шешек ашып жанары,

Өмірімнің бастау алар ажары.

Ана деген тіршілікке пана боп,

Әрбір үйде жұлдыз болып жанады.

2-жүргізуші: Шалқып, тасып әніміз

Жадырасын жанымыз,

Ана, сені құттықтап,

Әндетеміз бәріміз.

Хор: «Ана»

1-жүргізуші: Барша ана құтты болсын мерекеңіз,

Әрқашан ана сізбен берекеміз.

Ақтасақ ақ сүтіңді, асыл анам,

Сонда біз кісілікке теңесеміз,- дей отырып ұл-қыздарыңыз жүрекжарды тілектерін ұсынады.

1-оқушы:

Анасыздар, әр үйге панасыздар,

Бала десе от болып жанасыздар.

Сәтті басса ұрпағың,- мерей тасып,

Қыз күлкісін сусын қып қанасыздар.

2-оқушы:

Анасыздар — Ақ Еділ, Жайықсыздар

Жүзе алмайды өтінде қайықсыздар.

Маздататын, жүректе от лаулататын,

Әр үйдің Күні десе, лайықсыздар.

3-оқушы:

Өр десек те сіздерді — лайықсыздар.

Төр десек те сіздерді — лайықсыздар.

Ер десек те сіздерді — лайықсыздар.

Зор десек те сіздерді — лайықсыздар.

(Оразбай билеп тұрады)

2-жүргізуші: Оразбай, сен не істеп тұрсың?

1-жүргізуші: Таңертең түріктің биін көріп едім, енді сол биді билегім келіп тұрғаны. Аяжан, билейікші!

1-жүргізуші: Оразбай, ұят болады, қаншама кісі отыр.

2-жүргізуші: Түу, Аяжан, бүгін мереке ғой. Ән айтылып, би билену керек. Мадияр ағай, түріктің әуенін қосып беріңізші.

«Түрік» биі

4-оқушы:

Анасыздар, кең байтақ даласыздар.

Жаны жайсаң жеңімпаз данасыздар.

Көлеңке жоқ көңiлінде, қылауы жоқ,

Үлбіреген жауқазын баласыздар.

5-оқушы:

Сіздер — Күнсіз, аспанда жарқыраған,

Сіздер — өзен, тау суы сарқыраған,

Сіздер — ана, сіздер — жар, сіздер — қыздар,

Сіздер — жаңбыр, ақ нөсер сарқыраған.

6-оқушы:

Біз сіздерсіз тіршілік ете алмаймыз.

Дегенге де сіздерсіз жете алмаймыз.

Айнала ұшып сіздерді көбелек боп,

Өртеніп қастарыңнан кете алмаймыз.

7-оқушы:

Жарқын жүзді жан анам,

Сендей болсын бар адам!

Сендей болса бар адам –

Шаттық кетпес баладан!

Сенсің, Ана, жан күші,

Сендей болсын бар кісі!

Сендей болса бар кісі –

Шексіз перзент алғысы!