Он алты жасар чемпион туралы презентация 10 сынып

Сабақтың мақсаты: 10.1.4.1 прозалық шығарманы тыңдау,шығармада көтерілген жалпы адамзаттық мәселені айқындау .

Сыныбы: 10«В »

Пәні : Т2 қазақ тілі мен әдебиеті

Сабақтың тақырыбы:

«Бердібек Соқпақбаев «Он алты жасар чемпион» әңгімесі

1-тапсырма. Ойтүрткі.

Спорттың адам өміріндегі маңызы қандай?

Қандай спорт түрін ұнатасыздар?

Спорттың адам өмірінде алатын орны зор екендігін бәріміз білеміз . Спортпен айналысқан адамның денсаулығы мықты , өзі шыдамды болады . Біздің ата – бабаларымыз “ тәні саудың – жаны сау ” ,– деп бекер айтпаған . Спорттың қай түрімен айналысу адамның қабілетіне байланысты болады .

Тыңдалым. 2-тапсырма. Бердібек Соқпақбаев «Он алты жасар чемпион» әңгімесінен алынған үзіндіні тыңдаңыздар .

— Сені әскерге ала қоймас , — деді .

Осыны айтып , ары бұрыла берген Садықты Мұрат иығынан тартып қалып :

— Неге? — деді .

— Өйткені әскерлер дәу-дәу ( Садық дәу-дәу деген сөзді айтқанда иығын көтеріп , екі қолын ұшатын құстай қомдап қойды ). — Сен кішкентайсың , арықсың ... Екі күннің бірінде ауырып қаласың .

Мұрат нәзік бала болатын . Бүкіл денесіндегі сүйкімді жері — қарақаттай мөлдіреген отты көздері ғана . Жіңішке мойны глобусқа ұқсайтын домалақ басын зорға көтеретін сияқты . Шешініп отырғанда қарасаң , қабырғалары мен төс шеміршектері терісіне ғана жабысып тыржыйып тұрғанын көресің . Қандай киім алып берсе де, иығы салбырап түсіп кетеді , қандай шалбар тігіп берсе де, белі кең келеді .

Садықтың сөзіне Мұрат намыстанып , өз денесінің Садықтай толық , кесек болмағанына іштей кейіп қалды

— Сені ала ма әскерге ? — деді ол .

— Мені алады . Мен сенен үлкенмін , күштімін .

Мұрат өкшесін көтеріп , мойнын созып :

— Екеуміздің бойымыз бірдей-ақ қой , — деді .

— Күресесің бе ендеше ? — деді Садық алақанына түкіріп .

Мұрат өзін ешкімнен кем санамайтын . Жүректі , батыл еді . Тәуекелшілдігі мен намысқойлығы да бар болатын .