Өнегелі өмір иесі әлеуметтанудан мақала

Өнегелі өмір иесі

«Ер азамат елінің қорғаны, отбасының тірегі»,- деп дана халқымыз тегін айтпаған болар. Адамдығы асқақ азамат Рапихов Малгелді ата жайында сөз қозғаудың өзі- бір мәртебе. Рапихов Малгелді 1939 жылы ақпан айының 28 күні Қарқаралы ауданы Жарлы селолық кеңшарында қазіргі Нүркен ауылында қарапайым шопанның отбасында дүниеге келген. Арқаның ажары болған, тектілер тербетілген қасиетті бесікте- Қарқаралы жерінде дүниеге келуінің өзінде үлкен бір мағыналы сыр жатқандай. Әкесі Ахмедтуллин Рапих пен анасы Ахмедтуллина Гульбаршын өмірлерін бір арнаға тоғыстырып, жеті баланы дүниеге әкеліп, саналы тәлім- тәрбие берген асыл жандар. Малгелді ата Нүркен ауылында бастауыш сыныпқа барып, орта мектепті 1957 жылы Қарқаралы қаласындағы № 1 мектебінде тәмәмдаған. Сол жылы Қарқаралы қаласындағы зоотехникумға түсіп, 1960 жылы зоотехник мамандығы бойынша қызыл дипломмен бітіреді. Жоғары білім алу мақсатында сол жылы Алматыдағы зоотехникалық мал- дәрігерлік институтына түсіп, 1965 жылы мал дәрігері мамандығын алып, туған жеріне оралады.

«Туған жерге туын тік»,- дегендей, қызықты балауса кезең- албырт жастық шағы туған жердің топырағында өткендіктен, Малгелді ата еңбек жолын осы туған өлкесінде бастайды. 1965 жылы 7 тамызда көңілі жарасып Төлеубекова Бақытжанмен шаңырақ көтереді. Жұбайы Бақытжан Семей қаласының тумасы. Экономист- бухгалтер мамандығының иесі. Тату- тәтті отбасылық ғұмыр кешіп, 5 баланы тәрбиелеп, әрқайсысының іргелі азамат болып қалыптасуларына жағдай жасап, аянбай еңбек еткен ардақты ата- ана. Тумысынан еңбекқор әке өз ұрпағына ұшан- теңіз ұлағат сіңіртіп, айналасына үлгі-өнеге болғанын өзінің балаларынан аңғаруға болады. Қазіргі таңда балаларының барлығы жоғары мамандық иелері, абыроймен әр салада қызметтерін атқаруда. «Әке көрген оқ жонар»,- дегендей, асқар тау әкесінің жолын қуған кенже баласы Жанат мал дәрігері болып туған жерінде еңбек етіп, алғысқа бөленуде. Малгелді ата мен Бақытжан әженің өмірінің жалғасы, болашағының дәнекері, үлгілі ұрпағы саналатын 10 немересі мен 3 шөбересі бар. Шаңырағың шаттыққа толтырған, татулығы мен ынтымағы жарасқан ордалы отбасы айналасындағыларға үлгі бола білді. Үш немересі жоғары білім алып, еңбек етуде. Үлкен немересі Малгелдина Әлия мектеп қабырғасын алтын б

Малгелді Рапихұлы 1965 жылы Алматыдағы жоғары оқу орнын бітіріп келгеннен кейін ауданның ауылшаруашылық басқармасының мал дәрігері болып еңбек жолын бастады. 1966 жылы «Бесоба» совхозының бас мал дәрігері болып еңбек етті.…