Оқушыларды әдебиетке тарту туралы мақала

МЕКТЕП ОҚУШЫЛАРЫН ӘДЕБИЕТКЕ ҚАЛАЙ ТАРТАМЫЗ?

Кіндік қанымыз тамған туған жерімізде өмір кешкендіктен, өлкеміздегі сан қилы қиындық келтіріп отырған өзекті мәселелерге бей-жай қарай алмасымыз сөзсіз. Мәселенің баршасының тұңғиығына бармасам да, соның ішіндегі біреуі болса да бірегейіне тоқталмақ ниеттемін. Атап айтарлық бұл біздің соңғы уақыттарда оқушылар назарындағы әдеби кітаптардың кемдігі. Оның себебін айтар болсақ, Қазіргі біздер кітаптың орнын неғұрлым заманауи техникамен алмастырып, кітапты қажет етпейтін жағдайға жеттік. Әрине, қазіргі заман түрлі техникалық аппараттардың заманы. Сол себепті оқушылар қандай да бір шығарма, баяндама, ой толғау жазғанның өзінде интернет желісіне тәуелді болып қалуда. Адам ойынан өрілген әрбір сөз өрнегінің мәні зор. Ғаламтор желісіндегі ғылыми тілде емес, өзіміздің қазақ тіліміздің керемет сөз айшықтарын қолдану арқылы ойымызды жеткізсек қандай нанымды да түсінікті шығар еді!? Әдеби кітап оқуға әрқайсымыздың мүмкіндігіміз келе бермейтінін мойындаймын.

Сондықтан қысқа әңгімелер, тілге жеңіл жыр-дастандар оқысақ оның өзі әдебиет емес пе? Әдебиет дегеніміз – өмір. Қай жазушының шығармасын алсақ та ондағы әрбір сюжет өмірмен тікелей ұштастырылған, ондағы кейіпкерлердің сүйініші мен күйінішін бірге сезінуге жол ашады. Осындай өмірдің кереметінен қалыс қалып отырған оқушылар ғана емес. Қазіргі таңдағы түрлі жоғарғы лауазымдық қызметтегі адамдардың қағаз бетінен көз алмай түсінуге қиындық туғызатын сөз саптауларын көптеген митингілерден көріп жүрміз. Барлығына бір себеп – адамның сөз байлығын дамытатын әдебиеттен мақрұм қалу. Ендеше сіздерге өзімнің қоғамның өзекті мәселесін шешуднгі жоспарымды ұсынбақпын:

«Тәрбие басы – мектеп» демекші, мектеп бағдарламасындағы әдебиет пәні сабағының сағатын көбейту қажет. Өйткені оқушының бір жазушының шығармашылығымен танысу үшін аптасына 2 сабақ тым аз деп ойлаймын.

Қанша айтқанмен оқушы және басқа қауымды ғаламтордан шеттете алмағандықтан, адам ең көп қызығатын ғаламтор желісіне әдебиет элементтерін барынша көбірек кірістіру. Бұл қалай десеңіз, Мәселен, фейсбук, твиттер секілді қазақша әлеуметтік желі ашу, өз тілімізде сөйлейтін қазақ сайттарын көбейтіп, ғаламтор парағының бұрышындағы күллі өсек-аяңға толы хабарландарулар орнына түрлі шығармалардағы афоризмдер, қоғам қайраткерлері мен ақын жазушылардың өмірдегі үлгі аларлық қызықты сюжеттері, әдебиеттегі қалжың сөздер, жаңалықтарды…