Оқушыларды ұлттық бірыңғай тестілеуге дайындау тренингі

«Ғ.Абдуллин атындағы орта жалпы білім беретін мектебі»

коммуналдық мемлекеттік мекемесі

Тақырыбы: Оқушыларды ҰБТ-

ге психологиялық тұрғыдан

дайындау. (Тренинг-сабақ)

Мектеп психологы : Н.Т.Кадырова Контингент: 11 сынып

2018-2019 оқу жылы Мақсаты:

1. 11-сынып оқушыларының ұлттық бірыңғай тестілеуге

дайындығын анықтау; 2. Оқушылардың өздігінен атқаратын білімдерін терең

меңгеруге, біліктіліктерін қалыптастыруға психологиялық көмек көрсету; 3. Қобалжу, сенімсіздік, үрейден арылу және оларды алдын-

алу; Міндеті: Өзіндік сенімін болуға баулу. Стресті жеңуге жол көрсету Оқушыларға ҰБТ-ні сенімді тапсыруға дайындау. түрі: тренинг Құралдар: плакат, ақ қағаз, қалам, тест парақшасы, үлестірме, әуен, смайликтер.

Тренинг ережесі: тыңдау, ойын ашық айту, уақыт үнемдеу, ойды бөлмей т.б.

Тренингтің барысы: Психолог: Құрметті мектеп түлектері, сіздер Қазақстанның болашағысыздар, болшақ бүгіннен басталады! Сіздер кеше ғана бүлдірішін бала, балапан болсаңдар, міне бүгін дүбірлі додаға қатысуға дайын, бабына келген сайгүліктей ауыздықпен алысып тұрсыңдар. Алдарыңда үлкен болашақ, ұлы мақсат, міндет күтіп тұр. Асар белестерің, шығар биіктерің көп болсын. Кім еңбектенсе, соның бағы жанады.

Тренингтің кезеңдері. I. Психологиялық дайындық, ұйымдастыру «Амандасу» Мақсаты: амандасау арқылы оқушыларды тренингке бейімдеу.

Нұсқау: Оқушылар ойын алаңында бейберекет жүреді, жүргізуші бір деп шапалақ ұрғанда – қазақ тілінде, екі дегенде – орыс тілінде, үш дегенде-ағылшын тілінде. Жүргізушінің нұсқауымен қолмен, иықпен,шынашақ саусақпен, құлақпен, аяқпен т.б. амандасады.

1. «ҰБТ-ға шолу» пікірталас Мақсаты: оқушылардың ҰБТ-ге психологиялық даярлануға деген қалауын және қажеттілігін қалыптастыру. Сұрақ: «ҰБТ-ге психологиялық дайындық не үшін қажет деп ойлайсыздар ?» Оқушылар: «Ұбт-ға психологиялық дайын мен үшін ...»,-деп сағат тілі бағыты бойынша біртіндеп өз ойларын айтып шығады.

« Стресс - тест »

Мақсаты: Мектеп оқушыларының стреске қаншалықты бейімділігін анықтау. Нұсқау: Төмендегі пайымдауларды оқып шығып, қаншалықты келісетіндігіңізді келесі шкаланы пайдаланып бағалаңыз. -ешқашан (1-ұпай) -сирек (2ұпай) -жиі (3-ұпай) -әрдайым (4-ұпай) 1.Мен ұсақ түйектерге ашуланбаймын. 2.Біреуді күтуге тура келгенде, мен мазасызданамын. 3.Ыңғайсыз жағдайда мен қызарып кетемін. 4.Ашуланған кезде, басқаны ренжітуім мүмкін. 5.Сынды ұнатпаймын және көтермеймін. 6.Егерде көлік ішінде мені біреу итермелесе, менде солай жауап беремін. 7.Бос уақытымда міндетті түрде бір нәрсемен шұғылданамын. 8.Кездесуге әрқашан кешігемін. 9.Тыңдау білмеймін, сөзді бөлемін. 10.Асқа тәбетім жоқ. 11.Болмашы нәрсеге жиі мазасызданам. 12.Таңертең өзімді жәйсіз сезінем. 13.Өзімнен шаршауды сезінем, нашар ұйықтаймын, миым дем алмайды. 14.Ұзақ түстен кейінде өзімді жәйсіз сезінем. 15.Жүрегімде ақау бар деп ойлаймын. 16.Менің арқам, мойынымның ауыратын кездері болады. 17.Үстелге отырғанда мен саусақтарыммен барабанша соғамын, аяғымды қозғалтып отырамын. 18.Менің істерімді мойындағанды, мақтағанды қалаймын. 19.Менің ойымша, мен басқалардан көш ілгерімін. 20.Диета ұстамаймын.

Бағалау шкаласы:

30 ұпай және одан төмен. Сіз саналы әрі тұрақты өмір сүретін адамсыз.Өміріңізде пайда болатын бар проблемаларды тез шеше аласыз. Өзіңізді өзгелерден артық деп ойламайтын, қанағат тұта алатын, әрқашан бәріне үлгеретін адамдардың қатарындасыз.

31-45 ұпай. Сіз өте белсенді адам болғандықтан өміріңіз қызықты әрі стресске толы болып өтеді. Сондықтан сіз көп шаршайсыз, үздіксіз стресске шалдығып отырасыз. Алайда бұл стресстің барлығы алдыңызға қоятын биік мақсаттарыңыз үшін.

46-60 ұпай. Сіз үшін бастысы- жарқын мансап. Сіз үшін өзгелердің ойы мен көзқарасы өзіңіздің ойыңыздан әлдеқайда маңызды, сондықтан сіз әрқашан стресс үстінде боласыз. Егерде

сіз өміріңізді осындай бағытта жалғастырсаңыз, сіз расында да көп нәрсеге жетіп, армандарыңыздың көбі орындалады, алайда мұның барлығы сізге қуаныш әкеле алады ма, ойланып көріңіз.

61 ұпай және одан жоғары. Сіз көліктің жүргізушісі секілді өмір сүресіз: бірде газға басып, бірде тормазға басасыз. Тез арада өмір сүруіңіздің салтын, тәртібін өзгертіңіз. Мұндай стресс тек сіздің денсаулығыңызға ғана емес, сондай- ақ сіздің болашағыңызға да зиян әсер етуі мүмкін.

Стреске қарсы гимнастика

Бірнеше рет иықтарыңызды көтеріп түсіріңіз, содан соң мойнымызды айналдырамыз;

Көзімізді жұмып, бірнеше рет терең дем аламыз;

Жоғары қарап оң қолымызды сосын сол қолымызды аспанға жететіндей етіп көтереміз.

Басымызды сипалап, саусақтарымызбен уақалаймыз.

Жағымызды қысып, «аааа» деп айтамыз.

Көзіңізді жұмып кең тыныс алып, жақсйы ой ойлауға тырысыңыз.

Жаттығу: «Сенімділік бейнесі».

Мақсаты: Өзіне деген сенімін арттыру.

Нұсқау: «Көздеріңді жұмып, сіз үшін сенімділіктің символы қандай екенін ойлаңыз. Енді соны суретке салып беріңіз». Тапсырманы орындап болған соң, оқушылар өз суреттерін көрсетіп, қысқаша түсіндіріп беруі сұралады.

Анализ:

-Не оңай болды, неден қиналдыңдар ?

-Осы символ сізге қалай көмектеседі ?

Оқушылар айта алмаса, осы символды қиын жағдайда еске түсіріп, өзіңе деген сенімділігіңді арттыруға болатынына ойларын жеткізу керек.

Рефлексия:

«Шынымды айтсам»